مــــــافيه مخلوق يغير فالألـبــــاب؛؛؛قلوب البشر رب البرايا براها

[ذياب المرشدي]

[poet font="Simplified Arabic,4,blue,bold,normal" bkcolor="transparent" bkimage="backgrounds/15.gif" border="double,9,deeppink" type=0 line=200% align=center use=ex length=0 char="" num="0,black" filter=""]
سر ياقلم واكتب من الهرج ماطاب=بيوت شعر تعجب اللي قراها
ليا سمعها عارفن قال قد صاب=وعز الله انه بالمعاني كساها
يومه نشدني واحدن قال ياذياب=وش رايك بناسن كثيرن بلاها
ليا جيتهم لافي يشرع لي الباب=ومن قبل ماصل قد وصلني نباها
ومن هرجهم ماعندهم غيري احباب=ولياقفيت يلحقني على طول اذاها
والكل منهم للعراقيب شذاب=هذا يسويها وهذا رماها
بالبندق اللي رميها دوم كذاب=لو ترمي الضلعان بين خطاها
مجالسن صارت مثل جند الاحزاب=تجمعت وابليس ضيع جداها
عطني نصيحه يوم تفهم فالاعراب=وتعرف خبر جملتك من مبتداها
ناظرت في قوله ودقتت بحساب=وجدت لي عله صعيب دواهـــا
مــــــافيه مخلوق يغير فالألـبــــاب=قلوب البشر رب البرايا براها
فالناس حر وفيه عصفور وغراب=واختر لنفسك ما يناسب هواها
وجامل بضحكة سن واخذ بالأسباب= وعين الضعيف أحذر تدور عماها
خله يروح لحاله إن خاب وان طاب=عابر سبيل وواصل منتهــــاها
واعرف ترا الخيمه بعمدان واطناب=وبأوتادها تكمل ويكمل بناها
ومن طاول الدنيا تجيه ام غصاب=وياعزتي له كان جاته وجاها
ذي عادة الدنيا تقلب تقلاب=عقب الفرح ترجع تسوي عزاها
واعمل ليوم فيه حاسب وحساب=يوم القيامه كل نفس وجزاها
وميزان عدل خالقه رب الارباب= قدامك اعمالك بعينك تراها
والله كريم ويقبل العبد لاتاب=اللي علم جهر النفوس وخفاها
وعلى رسول الله وآله والاصحاب=صلوا عدد نجم لمع في سماها

ذياب العتيبي
[/poet]

[الحصان]

الله اما اصلي على محمد


صح لسانك ياذياب قصيدة طيبه من طيب

[ذياب المرشدي]

صح بدنك يالحصان

والله لايهينك

ومشكور على تفضلك بالاطلاع

[alwasal]

ألف ألف شكرلك على هذه المشاعر الصادقة ..

والأحاسيس المفعمة بالحب ..

كلمات ليست كالكلمات ..

وعبارات ليست كالعبارات ..

مشاعر متدفقة وأحاسيس مرهفة ..

وعبارات لطيفة ومنمقة ..

وجمل فيها من الإبداع والجمال الشي الكثير ..

شكرا ً لك أخي الغالي ذياب المرشدي من الأعماق ..

ونحن في انتظار مايخطه قلمك النازف بكل شوق ..

وتقبلي خالص تقديري وامتناني ..

الـــــواصـــــــــــــل@hotmail.com

[النـايــــــف]

[ALIGN=CENTER]صح لسانك أخوي الغالي ذياب المرشدي


وبيض الله وجهك يا الغالي


والله لا يحرمنا من جديدك

تحياتي لك

أخوك النايف [/ALIGN]

[جهز الهرس]

صح اللسانك اخوي ذياب على هذه القصيده المتميزه


وننتظر منك المزيد



وتقبل تحياتي

[ابـو سعـود]

صح لسانك ياذياب المرشدي :)

قصيده جزله وماتجي الا من جزل

[ذياب المرشدي]

اخوي الغالي النايف

صح بدنك والله لايهينك

ومشكور على اطلاعك

تحياتي

[ذياب المرشدي]

اخوي الغالي

جهز الهرس

شرفني اطلاعك

لاعدمناك

وتقبل تحية

اخوك