فيصل والخواجة

[فيصل الثبيتي]

مساء النفل ...



بدون مقدمات .. بعد ما طقة الكبد ...



[poem=font="Tahoma,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
دكتورنا يهذر .. ولانيب ويّاه=هرجه غريب .. ولا تفيد الاشارة

هرجة خواجة ينفخ الحرف علباه=والله يستر من قبيح البشارة

إليا هرج .. وإلتف .. واشار بيداه=كني مريض ٍ ما اعجبته زيارة

يركي عليّه من حلومه ورجواه=وانا قروي ٍ .. نمرة واستمارة

ما اعرف غير ( البن والبير والشاه=واقلط ضيوفي بطيب العبارة

وازبّن الجاني .. واكرّم محيّاه=وارفع حبال الحزم لا قبل غارة

وإليا طريت اللي على القلب ممشاه=يمشي على قلبي بفن وشطارة

غنيت في جسمه وغنيت فشفاه=كل الاغاني فيه ما هي خسارة )

اتحمل الدنيا .. ولكن فرقاه=لا تنطري لي ثم تهد العمارة

يا ولد عايذ مصدر العز والجاه=ازهم على صالح .. ورد اعتباره

يومه يكلمني ترا البال خلاه=ظليت افكر .. كيف كسب المهارة ؟

ليت اللغات من العقل تاصل الفاه=مثل الذي حدّه على باب داره

اللي لغاته في يدينه مغطاه=وإليا كشف كنه .. وزير الوزارة

يسٍ ، وايه ، ويب ، وادوا ، واتشاه=يلعن شواربهم عيال الحضاره

هذا تحداني وذاك آتحداه=واذوق فالاثنين .. طعم المراره !!

ثم صار لي مبدأ .. ما يوم اتعداه=لا ينظر المسلم على رزق غاره

والاقتناع اللي من الذات معناه=غصب الزمن ليله يقفّي نهاره

واللي يبا شي ٍ يشمّر ويلقاه=واللي نواها عج .. بيّن غباره [/poem]



[align=center]فقط لتوضيح بعض الكلمات

يس = طبعاً .. نعم .. بالانجليزي

ايه = ...

يب = تستخدم في اللهجة العامية للغة الانجليزي .. وتعني الله الله :D

وادوا = نعم .. باللغة التركية ( ماخذها من الله الحلاق .. الله يسلمكم )

اتشاه = ايضا ً الله الله :D .. عند اخوان هنّود ...




فيصل[/align]

[ابوسـعد]

صح لسانك ياولد ثبيت وقصيدة جزله وتسلم علاها وياهلااااااااااااااوغلااااااااااااا

[إبن ثعلي]

صح السانك يافيصل الثبيتي قصيده لايعلى عليها
تحياتي

[((الدلبحي))]

صح السانك يافيصل

جزله من راس جزل

بس ليه الغياب ياغالي المده الماضيه

تحياااااااااااااااااااااااااااااااااااتي

[سلطان القثامي]

صح لسانك اخوي فيصل

[فواز الشيباني]

صح السانك يافيصل

الله يعطيك العافيه

ولاهنت

[وليد الزراقي]

صح السانك يافيصل الثبيتي
تحياتي

[اخو من طاع الله]

صح السانك يافيصل

ابيات رائعه

الله يعطيك العاااااااااااااافيه

[النـايــــــف]

صح لسانك اخوي فيصل الثبيتي


وبيض الله وجهك يا الغالي


ولا تحرمنا من جديدك



تحياتي لك ،،،،،

[طلال الكرناف]

صح لساااااااااااااااااااااااانك .............ولا هنت


تحياااااااااااتي لك