لغز اليوم: بدِيه الخواطر(محلول) من وجودك صح لسانه

[{ أبوفيصل }]

لغز جديد وسهل كتبته عسى ينال منكم كل الرضا

انشــدك عن رجـلٍ بَدِيه الخـواطر = ويقــول لو ماقـال قــول مْقـوّلَه
اسمٍ على مْسمّا وشـرواه شــاطر = أوْســط حروفــه مـايخالف أوّله
خمسة حروفٍ كنّها وانت حـاضر = بين الرجـال أهل العلــوم الأوّله


بالتوفيق لكم



معنى > بديه : سريع التأهّب والفكر والتحضير

[وجودك يكفي]

صح لسانك ياخليجي وبيض الله وجهك

وش تقول في الوسواس

[{ أبوفيصل }]

صح بدنك ،، ووجهك ابيض ياولد ثابت

أقول مالك لوا بالوسواس ههههههه لولا البيت الأخير قلت أصبت

[وجودك يكفي]

ههههههه عندي رمعه بس ماني قايلها ياخليجي

واعتقد إن الحرف الأول والأوسط هو حرف الواو
نفس كلمة وسواس ونفس كلمة وجودك

[{ أبوفيصل }]

تبي الصراحه طرحت اللغز واللغز مخصوص للأعضاء هذه المرّه
وانكان عرفت حله خلك بالمدرّج ولاّ اقول خلك على المنصة لاتقربه

ههههههههه

[{ أبوفيصل }]

ياوجودك ما أمداني أرد عليك غير أنت معدّل في ردّك ومجاوب
هههههههههههه

الجواب صحيح صح لسانك >> هو معرّف لمراقبنا العزيز اسمه

(( وجــودك ))

:)

[ابو بخيت]

صح السانك ياخليجي
وبيض الله وجهك
حلوووووه

[{ أبوفيصل }]

هلا وغلا بالنابغه وين انت يابوبخيت لك فقده
صح بدنك واللغز انتهى وقضى عليه وجودك

[وجودك يكفي]

شرواك الطيب ياخليجي وماعليك زود يالغالي وبيض الله وجهك

والحقيقه أنا ما رمعت ولكن حاولت أوضح الإجابه وفكرة اللغز حسب فهمي لعل وعسى إن إللي بعدي يستفيد من ردي


صح لسانك ياخليجي ولآهنت يالغالي

[{ أبوفيصل }]

حصل خير يالغالي هههه مجمل ومشكور

ماقصرت وصح بدنك وعلى كذا تراني جاي بمشيئة الله في القريب العاجل باللي انت خابر
وتراني بلغي منها الثالث وانت ابخص

:)