قلبي لاهل بيض الطواريق ميلاف للشاعر الكبير محماس بن شميسان

[سلطان الفخر]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلبي لأهل بيض الطواريـق ميـلاف=واليا جزع من شـي مثـل القديحـه
ياجعل من يصبـر لياشـاف ماعـاف=يذهـب ذهـاب الكهربـا فالشريحـه
مانيب مجبور على سـود الالجـاف=عيني معي والارض قدمـي فسيحـه
قم هات من بيض الورق يابو نـواف=اكتب بيوتي كـود غيضـي تزيحـه
خل القلم بصدورها يرعـف ارعـاف=اترك هزيل القول واكتـب صحيحـه
نوادر<ن> ماخـذ عليهنـه اصنـاف=ولااكشف بهن سـر المزايـا القبيحـه
ابدي بهن عن الردى راس مشراف=والبال عن مايزعج البال اريحه
مرظا علي ولا على غيري اجحـاف=وعـرض العبـاد الغافلـه مستبيحـه
لي منهج فالشعـر ماهـوب زهـاف=بالمعرفـه لـي هدتـن فـي مليحـه
من منهلـه قطـاف مانـيب غـراف=اميـح لزلالـه وغـيـري يميـحـه
مااقول انا العـارف ولافيـه عـراف=من قال انـا مافاد نفسـه مديحـه
مير ان بعض الشعر مختل الانصاف=لاحـل وضـع ولاعبـاره صريحـه
زورق بحر من غير دافع ومجـداف=يقفـي ويقبل فـي اتجاهـات ريحـه
سراب يلمع له ويسبح علـى اطـراف=بلاقع<ن> فيهـا المـوارد شحيحـه
لاوالله الا خالـف الشعـر الاشفـاف=وتلاشت اوضاعه وسمعـوا فحيحـه
من يوم كلن قال انـا صانـع القـاف=وأفكاري اللـي للقوافـي نطيـحـه
واليـا بـدا قـام يتغريـف تغريـاف=بصوتـه تقـول انـه يقلـد مديحـه
مثله عسـا شعـرن يغنيـه مـذلاف=ماتنكـره فرقـا الصميـل ونضيحـه
ينعاف وأفكار<ن> تنميه تنعاف=ونشره بصفحات الصحافه فضيحه
الشعر قسم منهجه حسب الاعـراف=امـا بوصـف الحـال والا نصيحـه
وشعر الوطن حق<ن> علينـا وميقـاف=من كـل عصمـا يستحـق القريحـه
وشعر الفخر واظهار ميزات الاسلاف=وأهل المواقف والقلوب النصيحه
وشعر الطبيعه والتغنـي بالأريـاف=وصف المعالم والمـراعي المديحـه
اللي ليرواها مـن المـزن خـذاف=لبست من ألوان النبات المليحه
ليا توالت وأول البرد قد طاف=النبت عانـق روس رمثـه وشيحـه
ليا حل في قطعان الأبواش خفخاف=اقلوبها وقلوب أهلها جريحه
تبي فياحن غاد<ن> ألوان وأصناف=عقب السنين اللي عليها مجيحه
ليا شرعت والنبت غاد<ن> له احفاف=جاين لنواره على القاع ضيحه
عشاقت الصحراء وشرهات الأوصاف =هاك النهار قلوبهم مستريحه
هاذي مزايا الشعر سامية الأهداف =ليا جات جزله والمعاني فصيحه
ماهوب شفت عيوب وفـلان ماشـاف=وكشفت عـن غـرة فـلاح وفليحـه [/poem]

[align=center]الشـاعر / محمـــاس بن شميســـــان العتيبــــــــي [/align]

[عــمـــر]

[align=center]صح السان الشاعر محماس

وصح السانك ويعطيك العافيه ,






تحياتي[/align]

[الجشمي]

بيظ الله وجهك ياسلطان

الشاعر محماس بن شميسان

شاعر له بصمه في عالم الشعر

تقبل تحياتي

[الشامخه]

القـــديــــر .. ســلطــان الفــخـــر ..

لله درك نقل بقمة الجزالهـ لاهنت ..

وصح لسانك ولسان شاعرها ..

لك ارقى التحايا ..

الشامخهـ ..

[محمد العريــدي]

كل الشـكر على حسـن الأختــيار


لك أجـل التقدير

اخـوك:محمد العريدي

[ابو قرص]

[align=center]ابيات جزله
وبيض الله وجهك وجهه[/align]

[القووووبع]

[align=center]ونعم الرجل والشاعر البحر له اسلوب مميز في قصائده[/align]

[إبن ثعلي]

مشكور ياسلطان على نقل هذه القصيدة وصح السان محماس بن شميسان
تحياتي

[الدماسي 2007]

مشكور ياسلطان على نقل هذه القصيدة وصح السان محماس بن شميسان
[poem= font="Simplified Arabic,5,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
هاذي مزايا الشعر ساميـة الأهـداف=ليا جات جزلـه والمعانـي فصيحـه
ماهوب شفت عيوب وفلان ماشـاف=وكشفت عـن غـرة فـلاح وفليحـه [/poem]