(( حنـــا بدو يامكثرين العذاريب ))

[الغيـور]

مساكم الله بالخير جميعاً هذي قصيـدة لي وحبيت أني أشارك

فيها وآتمنى أنها تعجبكم واللي عنده مـلاحظة على القصيده لا يبخل

علي يوضح الملاحظة من غير مجامله أبي أستفيد من ملاحظاتكم

ترا المجاملات ماتنفع وخاصتاً للشاعر (( المبتدي )) .

_________________________________________

حنا بدو يمكثرين العذاريب
وحنا هل الناموس ياجاهلينا

حنا ولدنا لاظهر كنه الذيب
يضحك حجاجه لا لفو الغانمينا

والعود لامنه كساوجهه الشيب
يزود قدره كثر زود السنينا

وماحن نهوز قصيرنا بالمشاعيب
بالعكس الطفبه من ام الجنينا

خوينا نسقيه حلو المشاريب
ولو مهتنا حنا ترى مهتنينا

وحنا ليصارالطلب والمطاليب
مروين حد مصقلات السنينا

حنا لياكثرت علينا المشاغيب
نصبر عليها لين ربي يعينا

وحنا ليا شدنا فروس المشاديب
فوق العلالي مثل اسود العرينا

وحن لاهرجنا مانعرف الاكاذيب
يعيـبنا هرجـن بلـيا يقينــا

وحن ضيفنا يلقى كثير التراحيب
ونسقيه من صفر الدلال الثمينا

من عقب ذا نطيبه من غالي الطيب
ونفدغمه فطحت خروفن سمينا

صحيح حن نتبع هوا شمخ النيب
ممشا معاها عز يـا نـاقديــنا

هاذي عطايا الله حرش العراقيب
عز العرب ياللي لها ناكرينا

تامن بنا الطياح ام الدباديب
اللي بها عشب القفر قد رعينا

تبرا الحيرانن صغارن حباحيب
سودن اذانيها كما شلفتينا

من لامنا في حبنا لفطر الشيب
جعله فدا لمهجرعات الحنينا

ماتعيبناسود البكار الحنازيب
مدام نعطي حقها اللي علينا

هاذي صفات البدو واهل المواجيب
بياعت الغالي على المشترينا

نعم بدو كان البداوه غدت عيب
وكن ذي عذاريب البدو قابلينا


وســلامتكم


أخوكم ( الغيــور )

[" بــواج الظلام "]

ارحب ياغيووووور

وصح السانك يالذيب

جزل

ومبدع


أخوووووووووك

بواج

[الغيـور]

تبقى يابو مرحبـا

والله مدري وش أقولك أخوي ( بواج الظـلام ) عز الله أنك كفيت ووفيت

كل ماأكتب موضوع أحصلك أنت أول من يرد علي بيض الله وجهك

ومشكووووووووووور على كل حال




(( أخــ الغيور ــوك ))

[العود الازرق]

صح لسانك يالغيور


قصيدة جزلة من شاعر جزل

وان كان هذي البداية أقول ابشروا يا اهل المنتدى بالقصيد الجزل

فعلاً مكسب للمنتدى مع اخواننا الشعار



تقبل تحياتي

[الركــن]

الاخ : الغيور

صح لسانك بدايات موفقه وأن شاء الله تنظم
لكبار الشعار في المنتدى ونقراء جديدك
بصفه مستمره .....

أخيك : الركن

[الغيـور]

هـلا فيك يـ ( العـود الأزرق )

مشكور على قراءتك للقصيدة

( الغيور )

[الغيـور]

مرحبتين يـ (( الركـن ))


مشكـور على مرورك وقراءتك للقصيـدة .

الله يعطيك العافية


أخوك ( الغيـور )