يامل عين من وداع الاصحاب

[برقاوي هواوي]

السلام عليكم ورحمة الله وبركاته

أقدم لكم إحدى محاولاتي المتواضعة وهي عبارة عن مساجلات بيني وبين أحد الأصحاب وهو موسى الحربي ومناسبتها أننا كنا زملاء السنة الماضية في سلك التعليم قضيناها بكل عز ومعزة وحصل أن اتانا نقل كل واحد قرب يم ديرته وعند عودتنا لاستلام إخلا طرف ودعنا بعضنا ويوم جاء الليل تدرون الواحد يوم يذكر انه فارق رجالن شرواكم عيا يجيه النوم وتهيضت بهذه البويتات وأرسلتها لصاحبي موسى (أبوشهد)

يامل عين من وداع الاصحاب
البارحه النوم عيت تذوقه

اصحاببنا اللي في قدر الاقراب
واللي لهم دوم عيني شفوقه

واللي لهم بالطيب تاريخ وحساب
واللي لهم بالمجد وقفات موثوقه

مثل ابو شهد من خاواه ما خاب
غلاه يجري مع الدم بعروقه

لكن هذا القدر ما عن مجناب
يفرض على العين شي ما تطوقه


ورد علي بهذه الابيات

يا باذل المجهود في حسن الجواب
المشاعر صدق والهرجه صدوقه

مرحبا والخير في عرض السحاب
الثناء نجزيه والعادى نعوقه

لو يطول البعد لابد اقتراب
والخوي لو غاب لا يمكن نبوقه

كل سيفن عز من غز النصاب
خابرين الطيب في برقا وروقه




وبعد أخذت مدة بالمدرسة الجديدة تذكرت خوة العام وارسلت له هذه الابيات


يا مل قلب اليا تذكر زمان العام
تقول يصلاه من بين المعا ليق صالي

ايام مضت يا زينها من ايام
ما تنسي لو طالت عليها الليالي

ايام رفقة رجالن عزيزين وحشام
واللي لهم بالقلب قدر ومجالي

واللي معرفتهم عز ووسام
سعود و ابو مسفر يا نعم الرجالي

وابوطماح كساب قوله وسبعة انعام
وابوعبد الله وعلي وخلف وهذالي

وشايش وابو عايد وباقي الاقرام
وأخص بالذكر موسى كريم السبالي

من عزوتن كلهم رفيعين المقام
العزوة اللي لها بالتاريخ مجد عالي

الصاحب اللي في المواقيف حزام
اربع شهور جار ما يدور له بدالي

جار في غلاه النفيعي ما يلام
نسـاه هـم البعد وبعد الاهالي

ببيوت شعر لها القلب مر يام
وسوالف يطرب لها كل رجالي

واليوم جعله في خيرات وانعام
ويوفقـه ربي بكل الاحوالي

وهذا تعيبر هاجسن كتب بالاقلام
جاك مرسول بشاشة الجوالي

وختامها صلوا على مسك الختام
نبينا شفيعنا بيوم فيه الأهوالي




ورد علي بهذه الابيات وغير القافية



يامل قلبن عذبه بعض الكلام
قام يجذب عروقه مثل جذب الدلي

ذكره علمن مثل حد الحسام
لين جلا لذة النوم عن عينه جلي

خوة هل الطالة صلبين العظام
ما لقينا لخوتهم شبيه ولا حلي

واخص من هو يحتمي تال الجهام
مكرم الضيفان ذباح الطلي

النفيعي خوته عندي وسام
واعلى من نجم طويلن معتلي

من عزوتن تكسب ليا صار اصطدام
افتح التاريخ وتشوفه ملي

كسابت الطالات من عام لعام
مدركين الطيب من وقت بلي

وصلوا على المختار هو سيد الانام
عد برقن يلوح وعد همال الولي


وأخيرا اتمنى أن تنال استحسانكم


محبكم ومغليكم

برقاوي هواوي

[فواز الشيباني]

صح السانك وعلا شانك

يعطيك العافيه

[إبن ثعلي]

صح السانك يابرقاوي وقصايدك جيدة المعنى لكن يبغى لها اعادة صياغه لضبط الوزن
تحياتي

[شيـخة]

صح السانك وتسلم على هالقصيده الحلوه

[برقاوي هواوي]

الله يعافيك اخوي فواز وصح بدنك ولا هنت على المرور

[برقاوي هواوي]

صــح بدنك اخوي بن ثعلي وتسلم على المرور والملاحظة

[برقاوي هواوي]

الله يسلمك اختي شيخة عتيبة ويسلمووووو على المرور

[مخاوي النشامى]

صح لسانك أخوي برقاوي هواوي
بيض الله وجهك على الأبيات الرائعه

[نفيعية بحرينية]

لا هنت

[حسام هوازن]

صح لسانك يولد العم على قصيدتك الرائعة والجزلة

دمت بخير