افتخر اني عتيبي؟؟؟؟؟؟؟؟؟؟؟؟؟

[زاحف الرياض]

اخواني كيفكم انشالله تمام .
الحمدالله اننا عتباان ومعروف اصلنا
وماهما تكلمو فيناء او انتقدوونا هم مثل الريح
واحنا مثل الجبل واللي ينتقدنا او يترييق علينا مثل الريح
(وياجبل مايهزك ريح )بس عندي كم ملاحظه
اول شي ليش مانحاول نحسن صورتنا امام الناس الاخرين
من غير قبيلتناء انا اول مادرست بالجامعه كان فيه بعض الشباب
يتهربوون منس علشاني عتيبي بس الحمدالله كسبت محبتهم
ويقولون لي دايم انت مو عتيبي اصلي الله اكبر العتيبي الاصلي يكون
غثيث وصاحب مشاكل مضاربات وحرامي ونصاب ومتخلف وهمجي
ليش كلنا نفك في انفسنا ولا نحاول نرفع راس القبيله .
في شباب ورجال رفعو راس القبيله بالمناصب والافعال فينا الضابط والمهندس والدكتور والمحامي وغيرهم وغيرهم .
واذا قالو لنا انتم متخلفيين وماوصلتو للتحضر ردو عليهم ان اول
محل فيديو افتتح بالسعودييه كان صاحبه عتيبي اسمه
(ابراهيم ضاوي الدغيلبي العتيبي) موجود الى الان بالملز
وش بقى بعد العتبان كثيير اللي ساهمو في بناء وطننا
ولا ننسى الاخوان ولا اخوانا اللي استشهدو في المواجهات معا الفئه الضاله .
كل ماتمناه ان الانسان قبل مايفكر في نفسه يفكر في قبيلته اللي يحمل اسمها واللي (يعتزي فيهاء)
وتحياتي لكم.
(ابجاد)

[زاحف الرياض]

ايووه حبييت اذكر
انه اتحدى في اي قبيله فيهم حمييه وفزعه مثل ماهو عندنا ياعتيبه
في قصه واقعييه حدثت منذ سنوات بس البعض حرفها الحقيقه
ان هناك (شايب ) من احد القبائل كان اتي من الكويت وعند الحدود السعودييه امسكه مفتش من ابناء قبيلته الذي قام بتفتيشه ووجد معاه
(حبوب) سئله عنها قال والله انا لتو اشتريت هذي السياره ولا اعلم عن هذه الحبوب ولاول مره اراها في حياتي ذهب بها المفتش ليسجل المحضر ذهب هو يبحث عن من يتوسط له فوجد ذالك الشاب فقال انت من اي القبائل قال عتيبي قال ونعم انا حدث معي كذاء وكذاء قال العتيبي
تعال معي وذهبو للمفتش قال العتيبي ارييني الحبوب اريد ان اراها
وكانت موضوعه في علبة كبرييت فاخذها العتيبي فوضعها في يده
واخذ يتامل بها ثم ابتلعها ثم قال اين الدليل فاخلو سبيل الرجل المسن.

[طالع]

يازاحف ياليتك ماقلت السالفه الحين لو واحد يقراها يمكن يقول هالقبيله حبابين الله يصلحك بس :D



على العموم لاهنت يالغالي واضح انك حموي بالحيل بس الحميا في القبايل كلها لايغرك هواك


تقبل تحياتي

اخوك عيد الجماعه

[نيران]

مرحبااااااا
اول شي احب ابارك على الشكل الجديد للمنتدى
احس اني ضايعه مدري وين اكتب :D

وشلونكم عساكم بخير

الله وناسه انا رجعت

بس ماراح اطول :( لان عندي دراسه وامتحانات
..........
عمو زاحف يالفشيله هذا موضوع ينقال
ماظن ان العتبان مكروهين كذا
صحيح ان في عتبان قلوبهم مو على بعض بس مو كلهم
انا االحمد لله كل ماشفت احد ودرى اني عتيبيه استانس
والله فشيله

[عبدالله بن مناحي]

الأخ الفاضل/ زاحف الرياض

أحترم رأيك ولكن لي رأي آخر في مقالتك ، وهي أن صورتنا ولله الحمد من أفضل الصور
عند القبائل الأخرى .. المعاديله منها والمحالفه لنا والشواهد على ذلك كثيرة ومن أحد
المواقف التي حصلت في وجود الملك عبدالعزيز عندما سأل ابن رشيد من أشجع القبائل ..
سكت ابن رشيد قليلاً ثم بعد ذلك تدخل الفرم وهو أمير حرب وقال يا الإمام :
أشجعهم بالفارس أو بالسربه أو بالدقل (الجمع) قال الملك عبدالعزيز كلها ، قال الفرم:
أما بالفارس فهو فارس قبيلة عنزه أما بالسربه فهم العجمان أما بالدقل فهو جمع العتبان وإليا
مشى جمعهم ما ينثني ،، تدخل الدويش وكان موجود قال : ومطير يالفرم ..
قال الفرم : ربعي حرب ما ذكرتهم.

أخي الفاضل . الشهادة إذا أتت من شخص ليس من القبيله عن ألف شهادة من عتيبي ..

ومن الشهادات الأخرى . التي حصلت عندما قرر أحد أبناء الأمير سعود الكبير القنص
في العراق ومر بابن جلوي أمير الحدود الشمالية سأله بن جلوي عن أصول أخوياه فرد الأمير
الكبير من القبائل ... كذا وكذا .. ولم يذكر قبيلة عتيبه ، قال ابن جلوي: ليه ما معك
عتبان .. قال الكبير اللي معي فيهم خير ،، وراح للعراق وقتل في العراق وكان أول رد
لابن جلوي ( والله إني قايلٍ له إخذ معك عتبان ) وعندما وصل الخبر لأم المقتول قالت
قولتها المشهورة (والله لو إن اللي معه عتبان ما يقتل ولو قتل ما يرجعون لين ياخذون حقه
وألاّ يموتون معه) ..

ومن المواقف التي حصلت عند مقتل طلال الرشيد في الجزائر عندما وصل الخبر للأمير سلطان
بن عبدالعزيز . أول ما سأل قال معه عتبان قالوا لا قال: ( والله إني داري ) بهذه اللهجة

*************
وحنا عتيبه ذباحة الحايل ولطامة العايل . قل من القبائل ما يوصف بالشجاعة والكرم في وصف
العراف والشاعر راشد الخلاوي.
أخي الفاضل.. ما القبيله التي يضرب بها المثل في النخوه غير قبيلة عتيبة ؟؟؟؟؟

وإذا إنك يا خوي تعرفت على ناس ما تعجبهم قبيلة عتيبه .. يعني إنهم ما يعرفون سلوم الرجال
ولو يعرفون الكرم والشجاعة والنخوه كان عرفوا عتيبه .. وإذا ما يعرفون من هذه الصفات
شي فهم ما يهمون قبيلة عتيبه ، وإذا إنهم يقولون إنا أهل للمشاكل ما فهموها مثل فهمنا لها وهي
إنا ما نسكت عن حقوقنا وهذي من صفات الرجال اللي فيهم خير ..

ولا يخفى عليك أخوي الكريم إن العتيبي له مكانته واحترامه وتقديره في أي مكان سواءً في العمل
أو في الحي الذي يسكنه ... الخ.

واقبلوا تحياتي ،،،،