مساكم شعر

[هذاك انا]

مساكم شعر

هذي قصيدة نااادرة للشاعر الكبير / شقير بن عقيل الجذع

اتمنى لكم متابعة طيبة .. والمعذرة على القصور


[poem=font="simplified arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يامل قلبٍ هواجيسه يتلنه=تل المحمى ليا ضاموه بوساقه
هذا على زود طنة زودوا طنه=وقته حرورة وحط الرجل سواقه
ناحره العرق والجمسات شافنه=اثنين قدّام والثالث على الساقه
وعصى عليهِنْ وعجزن لا يردّنه=وعادٍ مفاليس ادبرهن بملحاقه
توايره يوم قشع العرق ياطنه=مثل الشعر يوم يقرب منه حلاقه
على عشيرٍ طواني طية الشنه=شنٍ يقرقع بها الغربي بمعلاقة
من فوق ركبٍ يبن العد واخطنه=مع درب اميرٍ تسير القوم برفاقه
على الضلوع النجوم النجوم وحطبة الكنة=ضاع الدليلة عن المارد ومطراقه
تعبن ولحق الزمل برقاب اهلهنّه=كلٍ يصوت لإبن عمه من إرهاقه
هذا من الوجد قلته والحشاء كنه=كفخ لها كفة اللي تل مسباقه
دايم عيوني على ذكراه يبكنه=وقلبي عليها يهز الشوق خفاقه
إليا طرق لي برمشة ثم ضحك سنه=غدا له القلب طبلٍ عند طقاقه
راع عيونٍ على الوجنه هدبهنّه=سودٍ مظاليل ياسبحان خلاقه
سواد رمشة طبيعي ما كحلهّنه=الله عطاه الحلا صوغه بعلاقه
الورد من شفته والـ لول من سنه=وهرجه عسل للقلوب الصم ســرّاقـه
[/poem]



كل الود

[.. هـإج ـس ..}]

سرآقه

يســلآم

صح لسانك ولسان شاعرها

لاهنت

[مهندسة مطير]

صح لسانك ولسان شاعرها

وتسلم يمينك على النقل الطيب
ماننحرم

[إبن ثعلي]

صح السان شاعرها واختيار موفق تشكر عليه يااخ هذاك انا

[هذاك انا]

المشاركة الأصلية كتبت بواسطة .. هـإج ـس ..} سرآقه يســلآم صح لسانك ولسان شاعرها لاهنت

يامرحبا بك ياهاجس

صح بدنك والله يحيك

[مسطول]

تسلم يدينكـ ولا قصرت .. وما يحتاج شقير مبدع ومنورنا

[بنت الهيــــلا]

صح نبضك واحساسك ع الانتقاء الجميل
تحيآتي ..

[عبدالله الحيص]

يعطيك العافية

[هذاك انا]

كل الشكر لمن مر هنا


شرفتوني الله لايهينكم

[لبـا عتيبـه511]

صح لسانكـ وعلى شاانكـ....

تسلم على النقله الرايعـــه