شفت الشبح والفكس يلمع قزازه

[ولد غابي]

هذه الابيات سويتها في واحد(ن) من الربع جيته أبالي موتر من عنده بالأقساط وقام يحوص يمين ويسار،، والأبيات تفسر نفسها

*******

[poem=font="Traditional Arabic,6,black,bold,normal" bkcolor="transparent" bkimage="backgrounds/7.gif" border="none,4,gray" type=0 line=0 align=center use=ex num="0,black"]
فيصل نصيته في نهار الأجازه=وأعطيت فيصل كلمتينن وجيزه
جيته وأنا طلاب موتر لعازه=من عقب ماشفت الطلب في حفيزه
شفت الشبح والفكس يلمع قزازه=والفكس عندي منوتلي عزيزه
موديل سبعه دوب جانا طرازه=وأمجهزن للقنص يعجب فزيزه
مير البلا فيصل تدهور عزازه=وأمسى يكيل أعذار مثل الركيزه
ويقول مابعناك كمل جهازه=ولغيركم بالدين حنا نجيزه
يالله عساه ايشال منا جنازه=ولا مع الرعيان يتبع امعيزه
ولا يختّم له خروج ابجوازه=روحه بلا رجعه كرهنا رزيزه

**********
أبو طلال[/poem]

[ابوسـعد]

ارفق على ربعك ياولدغابي ولعل له عذر وانت تلوم وبعدين لا توصلها الى هذا الحد من الدعوة عليه
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يالله عساه ايشـال منـا جنـازه=ولا مع الرعيـان يتبـع امعيـزه[/poem]

[إبن ثعلي]

يبدو يابو سعد ان ولد غابي قال هذه الابيات على سبيل الدعابه مع رفيقه
والا لايوجد احد يرضى الضرر على اخيه المسلم
تحياتي

[ولد غابي]

شكرا لكم جميعا على مروركم

اخوي ابو سعد مثل ماقال اخوي بن ثعلي ،، مثل بعض الأحيان تزعل على ولدك وتدعي عليه ،، ولكنها دعوة من اللسان فقط ،، ولا هو رفيقي ازوره ويزورني ،، والحمدلله حبايب،، والشعار يقولون مالا يفعلون
ولكن القافيه احيانا ينساق معاها الشاعر غصب عليه .........

لكم تحياتي جميعا

[كحيلان]

اقصرها ياولد غابي على يتبع معيزه والله يعطيك العافيه

[ولد غابي]

شكرا على مرورك ياكحيلان

مثل ماقال ابن جلوي سبق أمرنا أمركم ،،،

مع تحياتي