يسعد صباح اللي على البال ياسعود

[نوف]

[align=center]



يسعد صباح اللي على البال ياسعود
وياسعود لاجاء الليل يسعد مساها
ياسعود واحلف بالولي خير معبود
اني شربت الخمر كاس بهواها
من قبل عرفه عندي الحب مفقود
واقول مابه بنت تلحق هواها
كنت احسبن الحب مافيه مجهود
و انه قضيه من بغاها خذاها
وكنت اتحدى بيض الايام والسود
واقول مابه عله اجهل دواها
وبديت معها والهدف شبه مقصود
قلت اتسلى يابو نوره معاها
واثق واقول ان كل شي له حدود
ومتحكم بالنفس والعن ثواها
ماكنت اعرف ان الغلا مابه ردود
وان الهوى والحب واسع فضاها
راع الهوى لو هو مشى درب منقود
معذور دام الحب نفسه بلاها
وانا بحبه صار لي حبل معقود
لو جيت ابجحد بان فيه غلاها
حبه بداخل شاشة القلب موجود
بنت خذت قلبي واسرني هواها
ياللي تصيد صرت بالحب مصيود
وش موقفك وان صرت تمشي وراها
ودك معك دايم على طول موجود
وتبذل لها الغالي تدور رضاها
لا تحاول النسيان والحب في زود
ومهما تحاول مانت هاوي سواها

منقول

[/align]

[سلمان]

والله جنان


رائعه يانوف
مشكوره والله يعطيك العافيه




مع خالص تقديري

[جراح العتيبي]

نوووف


صح لسانك ولسان شاعرها



والله ورد ورد ورد


قصيده تدقدق المشاعر


احترامي لك



ولشاعرها الرائع

[إبن ثعلي]

ماقصرتي يانوف اختيار موفق
تحياتي

[فيصل المسعودي]

نقل رااائع


وصح لسان شاعرها


تشكرين


تحياتي

[نوف]

[align=center]
تسلم سلمان على مرورك العذب

ودائما منورني بحضورك الرائع

واشكرك على تواصلك

دمت سالما

[/align]

[نوف]

[align=center]

اخوي جراح اسعدني مرورك العاطر

واشكرك على تواصلك لاعدمتك

دمت سالما
[/align]

[نوف]

[align=center]
اخوي ابو عبدالرحمن تسلم على مرورك

العذب المشرف لي لاعدمناك

واشكرك على تواجدك

دمت سالما

[/align]