رد على الشامخه عن الشباب ؟؟؟؟؟؟؟؟

[الذويبي العتيبي]

[align=center]

قصيدة الشامخه يابنات الطيب يانسل القروم كيف ذيب القوم روح للسراب علموهم والرخيصه ماتدوم والحظيظ اللي مسك درب الصواب قولوا ان الشين تخفيه الهدوم بس يبقى الطبع طابع مايغاب ليه من بنت البلد صرت محروم ليه كل العزف هذا يا شباب كيف ضيعت العوائد والسلوم والتبست من الثياب ارداء الثياب كيف عن بنت البلد عينك تشوم وانت ولد الذيب من ذيك الذياب دور اللي معك في وقت اللزوم ماتغير لو تغشتاها الصعاب من سلايل حر للعليا يروم هامته ترقآ على روس السحاب

اخواني اعجبتني قصيدة الشامخه قويه جدا

ولكن انا اقول ان البلا ماهو بالشباب والقصيده تعبر

في ردها عليها
واعذروني على التقصير لاني قرات القصيده

فجاوبت ماقدرت اصبر

ياشباب الشامخه جابت علوم
تحسبنا مانبي نلقى جواب

لو ثقل حمل الجمل يعجز يقوم
والبلا والعيب من يملا الجراب

جيت ادور بنت عمي قال سوم
المهر غالي تقدم لاتهاب

غيرك اعطانا ميه والعز دوم
وانت حالك شين يامال الذهاب

روح دور غيرنا بالله قوم
قبل مانحثى على وجهك تراب

قلت ربي قسم الدنيا قسوم
وان قفلت الباب عند الرب باب

رزقنا نلقاه جعلك للسموم
ياردي الحظ ماتخشى العذاب

اصبح الشيبان من اقوى الخصوم
والضحيه بنتهم ثلج يذاب

البنات اليوم بالمنزل ردوم
والصغيره كملت عد النصاب


وسلامتكم جميعا
[/align]

[اشقر السيف]

صح لسانك يالذويبي انشهد انك ماقصرت

كفيت ووفيت

كل الاحترام لشخصك الكريم

اخوك عبدالله الثبيتي

[ناصر بن سعدي]

الغالي


الذويبي العتيبي

بيض الله وجهك...


ومجاراه رائعه...

ودفاع مستميت ..:)عن الشباب..


وتقبل تحياتي..

[من عتبان الكويت]

اصبح الشيبان من اقوى الخصوم
والضحيه بنتهم ثلجٍ يذاب




صح اللسانك والاهنت

[ابن مسلم]

الغالي


الذويبي العتيبي

بيض الله وجهك...


ومجاراه رائعه...

لاكن لاتغلط على الشيبا ن تراني ماسمح لك قبل لايتواصون علاكم يالشباب ثم تقعدون بها

تقبل تحياتي

[البارق]

صح لسانك يالذويبي

قصيدة رد رائعه وبيض الله وجهك

[عبدالله المرشدي]

الذويبي



صح لساااااااااااااااااااااااااااااانك


وعلى شاااااااااانك


رااااااااااااااااااااائعه

مجاره كافيه شافيه

الله لايهينك

احترامي

[الذويبي العتيبي]

[align=center]اخوي اشقر السيف

حياك الله وبيض الله وجهك على الرد الجميل

وصح بدنك

لاعدمناك ياغالي[/align]

[الذويبي العتيبي]

[align=center]

اخوي ناصر بن سعدي

وجهك ابيض والله يغليك

ويرفع مقدارك

اشكرك على حضورك لاعدمناك[/align]

[الشامخه]

[align=center]

المشاركة الأصلية كتبت بواسطة الذويبي العتيبي [align=center] اخواني اعجبتني قصيدة الشامخه قويه جدا ولكن انا اقول ان البلا ماهو بالشباب والقصيده تعبر في ردها عليها واعذروني على التقصير لاني قرات القصيده فجاوبت ماقدرت اصبر ياشباب الشامخه جابت علوم تحسبنا مانبي نلقى جواب لو ثقل حمل الجمل يعجز يقوم والبلا والعيب من يملا الجراب جيت ادور بنت عمي قال سوم المهر غالي تقدم لاتهاب غيرك اعطانا ميه والعز دوم وانت حالك شين يامال الذهاب روح دور غيرنا بالله قوم قبل مانحثى على وجهك تراب قلت ربي قسم الدنيا قسوم وان قفلت الباب عند الرب باب رزقنا نلقاه جعلك للسموم ياردي الحظ ماتخشى العذاب اصبح الشيبان من اقوى الخصوم والضحيه بنتهم ثلج يذاب البنات اليوم بالمنزل ردوم والصغيره كملت عد النصاب وسلامتكم جميعا [/align]

القــــديـــر .. الذويبــي العـتيـبـي ..

صح لسانك واعتلا شانك ..

ومجاراهـ قديرهـ من شاعر قدير وجزل ..

لله درك ولاهنت يابن العم ..

وغلا المهور مايعيق شبابنا وانتم قدها وقدود يالذيابهـ :) ..

وتقدرون تكسبون رضى شيابنا وتكسبون بنات البلـــــد ..

دام بوحك وحسك ..

لك ارقى التحايا ..

الشامخهـ .. [/align]