شبيب الزراقي .. صياف الحربي رحمة الله

[رائد العتيبـي]

شبيب الزراقي

يا حبيب يا محمد يا سعيد وياالرياحي
قوموا صياف والأ قوموا فيصل بداله
كل رجال يبى يشرب من الجم القراحي
مير ضن المالكي يقدر يلاعبكم لحاله
صياف الحربي

كلنا نكتب ونقرا في المساء والا الصباحي
قايد الحملة ولا نشوف الا خياله
نادو الزراقي اللي عام الأول كان صاحي
كان مثل الضلع يوم الناس تجلس في ظلاله
شبيب الزراقي

كل ما قلنا تبى تمزح مفارقها المزاحي
قادها مسكين ما يعرف يمينه من شماله
جاك رجال يشوف الدرب ولو علمت ياحي
لو يموت العود والله ما يفكونك عياله
صياف الحربي

أن لحقت الطايره خلك علي ظهر الجناحي
الركوب على ظهر الجمل مالك وماله
الخفيف يا أبيض الشارب تطيربه الرياحي
ليلة القدر معروفه والشهر شفنا هلاله
شبيب الزراقي

طايرتكم جالها طيار واللي راح راحي
والجمل شقران يا صياف يقعد في حباله
أكثر العربان يجمع كريكات ومساحي
لا تركها واستراح ولا كسب منها جماله
صياف الحربي

نشتريهم بالسياسه وأن عصونا بالسلاحي
عارفين أن المكاسب ما تجينا بالسهاله
انتركنا فوق راس الريح واللي طاح طاحي
والصديق اللي منول ما لقيت ألا عقاله
شبيب الزراقي

كيف تسلم والخطر واصلك من كل النواحي
العمى ينزل بدرب السيل لين السيل شاله
والله انك تعرف الدكتور دكتور الجراحي
ما تغير عن دروب الطيب ودروب الرجاله

صياف الحربي

أنت راسك من حجر يصبر على كثر النطاحي
مير بعد الفين من ميلاد عيسى وش بقاله

[ناصر بن سعدي]

الغالي...


رائد العتيبي..
ومحاوره رائعه ...بين..

شاعر الخليج رحمه الله ..

وبين الشاعر..

شبيب الزراقي..

ولاهنت على النقل...الرائع


وتقبل تحياتي ,,

[عبدالرحمن الحمد]

رائد العتيبي بيض الله وجهك

مشكور يا بعدي

[رائد العتيبـي]

ناصر بن سعدي أرررحب ياذيب نورت المكآن

[رائد العتيبـي]

عبدالرحمن .. وجهك ابيض ياسندي تشرفت بمرورك

[البرنسيسة]

[align=center]لاهنت على النقل...الرائع[/align]

[رائد العتيبـي]

يا لاميره .. نورتي المكآن ولا هان راسك

[يوسف المسعودي]

لا هنت وما قصرت خيؤ
منها للاعلى انشاء الله
احلى تحياتي للموجودين
الله لا يحرمنا من مواضيعكم ومشاركاتكم الحلوه