(( هني قلبك تنام الليل بالك مريح .... وأنا خفوقي من البارح وهو ما استراح )) ..للتواصل

[الــســلــيــس]

[align=center]الأخوة والأخوات الكرام

متواضعة أبت إلا أن تصل لذائقتكم وكلها رجاء أن تمتلك حيزاً صغيراً منها .....[/align]




[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هني قلبـك تنـام الليـل بالـك مريـح=وانا خفوقي من البارح وهو ما استـراح
وشلون قل لي بنام وخاطـري مستريـح=والهم يزرق خفوقي مثـل زرق الرمـاح
أقوم من حر ما اونس من جروحي واطيح=كنه سطى في صميم القلب سـمٍ ذحـاح
الجرح جاله بصدري والمحانـي فحيـح=وجاله بوسط الخفوق اللي سكن به جماح
والله يالولا الحيا لجر صوتـي واصيـح=صيحة نمر يوم فارق منوته ثـم صـاح
ومن لامني قلت : ياخي من زماني جريح=عز الصبر عن خفوقي والموارد شحـاح
وجه الزمن ياغناتي لا التفت لـي قبيـح=اشوف فيه العجايب في المساء والصبـاح
وأن لد في ونظرته غصب عنـي اشيـح=بوجهي اللي لبس من هم وقتـي وشـاح
أنا من الوقت وجروحـه بقلبـي طريـح=وغيري يعيش بحياته في هنا وانشـراح
وياصاحبي دام قولـي لانطقتـه فصيـح=عندي سـؤالٍ وأظنـه يارفيقـي متـاح
مدري هو العيب مني يوم طبعي صريـح=والا الغلط من زمانٍ كل مابـه مبـاح ؟
ودّي بعلـمٍ يريّـح خاطـري واستريـح=أرجوك جاوب تراني ما هنالـي مـراااح [/poem]



[align=center]وسلامتكم جميعاً[/align]

[ناصر بن سعدي]

الغالي..


عبدالعزيز السليس..

صح لسانك...وبيض الله وجهك...

ونسعد بمصافحتك بعد طول الغياب..ومن طول الغيبات جاب الغنايم...



ودمت بهذا الإبداع ..:)

[ابن مسلم]

صح لسانك يالسليس

قصيده رائعه

[العتيبية]

صح لسانك يالسليس .... والله لا يهينك ....القصيدة حلللوة مرة

وما قصرت




بنت السليس العتيبي

[الــســلــيــس]

صح بدنك يا بنت العم