من قام بالارهاب مخزي وفعله شين

[الشبلان]

[poet font="Simplified Arabic,4,black,normal,normal" bkcolor="transparent" bkimage="backgrounds/16.gif" border="inset,4,gray" type=0 line=200% align=center use=ex length=0 char="" num="0,black" filter=""]
بسم الله الرحمن نبداء الكلام الزيــــــــن "-"ونحمدك يا ربي ونعمتك نشكرهــــــا

وصلوا على محمد رسول الهدى والديـــن"-" بعث في قريش بدعوة الحق وأخبرهـــا

صدع بالرسالة وتبع دعوته بالــــــــيـــن"-"بشير نذير للبشر جاء وبشرهـــــــــــا

وعصوه الطغاة أللي على كفرهم عاصيــــن"-"تسير الأمور وحكمة الله تدبرهـــــــــــا

وبدآهم بغزوة بدر وأتبع بدر بحنيـــــــن"-"على زمرة الكفار دارة دوائرهـــــــــــا

ودخل بالجموع المسلمة مكة ملبيـــــــــن"-"بفتح الفتوح ورؤوس الأصنام كسرهــــا

ومن عهد سيدنا محمد إلى هالحيـــــــــن"-"نقيم الفروض ولا نضيع شعايرهــــــــا

من قام بالإرهاب مخزي وفعله شيـــــــن"-"كلمة على كل المنابر نكررهـــــــــــــا

علينا الوطن غالي ولاهوب لتخميــــــــن"-" ولا نقبل التفجير وإللي يفجرهـــــــــا
يخطط لها فاسق ويقع بها مسكيــــــــــن"-"أمور(ن) لو أمعنت النظر ما تصورهــــــا
واللي يبي يعمل لنا في البلد تحسيـــــــن"-"مشاريعه أحسن له لنفسه يوفرهــــــــا
وحكامنا آل سعود حنا بهم راضيــــــــن"-"نؤيد حكومتنا الرشيدة وننصرهـــــــــا
حكام العرب من غيرهم مالهم تثميـــــــن"-"ويش العرب من غيرهم وش مفاخرهــــا
زمان العرب في صدر الإسلام معتزيـــــــن"-"تعلوا على الدنيا وسادوا منابرهـــــــــا
يشهد لنا اليرموك ونذكر الناســــــــــين"-" سيف الله المسلول بالسيف سطرهـــــــا
في القادسية حظنا النصر والتمكيـــــــــــن"-"وسعد بن أبي وقاص ذكره يعطرهـــــــا
ولنا الفخر والأمجاد في معركة حطيـــــــن"-"ومقدسات(ن) من دمانا نحررهـــــــــــا
وعلى ذكرها لابد نذكر صلاح الديـــــــــن"-"قاداتنا اللي نورا لله مقابرهـــــــــــــــا
فتوحاتنا في الهند والسند والىا لصيــــــــن"-"نقود الجيوش وراية الدين ننشرهـــــــا
واليوم أشوف الضعف صاب العرب من وين"-"ترى أكثر سبايب ضعفها من تنافرهــــا
جميع الدول قامت تنافس على البنزيـــــن"-"تزاحم على أطراف المواني بواخرهــــــا
وزحف بوش وأحتل العراق بلد النهريــــن"-"دخلها يجر أذنابه أللي مخاشرهــــــــا
أعطا ثلثها توني بلير وأخذ الثلثيــــــــــن"-"يقسم غنايمها ويأسر عشايرهـــــــــــــا
وشارون يرثع في فلسطين بالسكيــــــــــــن"-"الأطفال يقتلهم وينسف عمايرهــــــــــا
وعلى جامعتنا تنكر أللي حصل وتديــــــن"-"مجرد قرارات(ن) على الفور تصدرهــــا
ونبي مجلس الأمن ينعقد وأجلة بعديـــــن"-"ومفاوضات(ن) بالجدل يفشل أخرهــــا
وحنا قعدنا ننظر أللي حصل بالعيــــــــن"-" تدور الحوادث حولنا ما نغيرهــــــــــا

[/poet]

[العبيريد]

[ALIGN=CENTER] تــدور الـحــوادث حـولـنــا مــا نـغـيـرهــا



المغير الله سبحانه يالشبلان



أدع ربك يحمينا ويعز الدين


والله يوفقك ولاة الأمر لكل خير



وصح لسانك



ولا هنت








العبيريد[/ALIGN]

[مرضي القيفان]

[ALIGN=CENTER] الاخ/ الشبلان

صح لسانك ولا هنت وبيض الله وجهك
حيث عبرت عن شعور كل مواطن مخلص
تجاه هذا الوطن الغالي على الجميع

ونسأل الله ان يحمي بلدنا هذا
وسائر بلاد المسلمين من شرور الفتن
ماظهر منها وما بطن



اكرر صح لسانك ولا هنت




تقبل تحياتي وتقديري

اخوك مرضي القيفان[/ALIGN]

[ابـو سعـود]

الشاعر الكبير الشبلان

صححححح لسااااااانك وعز الله انها قصيده جزله بلحيل

نعم يعجبني القصيد الاجتماعي اكثر من غيره

فمواكبة الاحداث والتأثر بها وتطويع الشعر ليكون مساهم في حل الكثير من

القضايا ومنها الارهاب يدل على إدراك الشاعر لما يقوله ويحس به

صح لسانك مره اخرى يالشبلان وسجل اعجابي بهذه الرائعه

تحياتي

[الشبلان]

اخوي العبيريد صح بدنك والله لايهينك ونسأل الله ان يعز الدين ويحمينا ويحمي بلادنا من كل شر ويوفق ولاة الامر لما فيه خير الاسلام والمسلمين وشكرا لك على المرور.


الاخ العزيز مرضي القيفان صح بدنك والله لا يهينك وشكراً لك على هذا الكلام الطيب وشكراً على المرور وتحياتي اليك عبر الاثير .[HR]

[SIZE=6]الاخ الراوي الكبير والشاعر مصمم منتدانا العزيز اشكرك على كلامك الطيب واعتز بشهادتك لي بوصفي الشاعر الكبير ولا عليك زود وصح بدددددددنك ولا هننننننننت[/SIZE]