مراسله بين الشاعرين سعدون الهرس وحميد الذيابي

[النـايــــــف]

[ALIGN=CENTER]هذي القصيدة وجهاه الشاعر سعدون بن فهد بن عقاب الهرس العتيبي إلى الشاعر حميد بن رازن الذيابي العتيبي [/ALIGN]

[poem=font="Simplified Arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]
البارحة ما هيب مثل الليالي = أغفى وأفيق مع الهواجيس الاشباب
هزت الجنوب بهاجسي والشمالي = وأصغيت يم الغرب من غير نباب
حميد محمود السجايا طرالي = خيرّ ومن خيرة مهدين الاصعاب
بين الاوايل ما فهق للتوالي = ألا ليا جت بالحضيب أم غصاب
يقدم ليا ركب الرشا فالمحالى = على حياض الموت ماهوب هياب
شفى منادمت الرفيق الموالي = ما اخترت غيره من عتيبه والاجناب
وقصدd ومعنايه صحيب بدالي = مع طلعة البيضاء على راس مرقاب
جرد حسامه ناوين بالردالي = لكن مهتزً كيانه ومرتاب
العام عيا لا يجاوب سوالي = يوم الحراب مشرعه بين الاحزاب
واليوم يرمي في قفاي الهزالي = والزيف ما يرضونه أصحاب الالباب
والقيل بعضه مثل حدب السلالي = لو كان زور يصير له فيك مضراب
مير أنصحه لا يعترض للنكالي = لنك يا بن رازن بخيص بالاسباب
قله ترا صاحبك صعب المنالي = يضرب على الكايد ليا كلح الناب
في ما قفه يرسي سوات الجبالي = وأن طابله خصمه على ما يبا طاب
يفتل وينقض مبهمات الحبالي = ليا كلة الحيله وظاعن الاطباب
قدم الخصام وقدم طوال الجدالي = يرتاح ويريح مداوير الاغراب
ماله ومال الكيد والاحتيالي = الغاوي اللي للعراقيب شذاب
بعض العلوم قصارها والطوالي = تلقح وتهلك ياالذيابي بالانجاب
من ذاق في دنياه مرٌ وحالي = يختار درب اليسر عن درب الانشاب
واللي يحول فى الوحل ما يبالي = يبا يتوب ليا أعطبه غاسق الداب
وأسلم وسلملي على كل غالي = حماية الجاني عريبين الانساب
أولا ذايب مبعدين المدالي = اللي لهم في كل ما جوب مقضاب
ربعن ليا صالوا نهار القتالي = عدوانهم راحوا من الخوف هراب
وأن حل دون الموجفات الهجالي = كون عصيب وصار للجميع سوراب
وطال النهار وبان فرق الرجالي = ظلوا على التالي يعوجون الارقاب
فى الظيق مثل مخزمات الجمالي = جسرين لوأن الطوابير حضاب
فيهم على اليوم الطويل إحتمالي = ويهاب من سطواتهم كل حراب
وأن جاهم الطرقي بعيد الاهالي = يلقي وقاره عندهم عقب الاتعاب
هيلٌ وبن مخثرٌ فالدلالي = وحيلٌ ورزً فوقه الصفو ذواب
ربعي وأنا منهم على كل حالي = في صلب روق وروق يرجع لعتاب
[/poem]

[النـايــــــف]

[align=center]هذا رد الشاعر حميد بن رازن الذيابي العتيبي على قصيدة الشاعر سعدون بن فهد بن عقاب الهرس العتيبي [/align]


[poem=font="simplified arabic,5,black,bold,normal" bkcolor="white" bkimage="" border="double,10,green" type=2 line=0 align=center use=ex num="0,black""]
يالله يا منشي صدوق الخيالي = يا لواحد اللي من ترجاك ما خاب
يا مرجع بالقاع عقب المحالي = ويا منبت أعشابٍ ويا ميبس أعشاب
يالواحد اللي وافياً بالكمالي = خالق ورزاقٍ ومانع ووهاب
وفق إلى طاعتك تحقيق أمالي = وفتح لنا في صك باب الفتن باب
البارحه ليلي قضيته لحالي = ولا فيه شيً يطري الأ له أسباب
وأسبابها جت بين عمي وخالي = منها وأنا في خارج الدار منصاب
حاولت أهجدها بحالي ومالي = ولينها قد بعثرت بين الاعراب
وصيت على السمت عنها عيالي = سنبوك أهلها مالنا فيه ركاب
وقررت عنها البعد والأعتزالي = اكبر مرض دعواً تجي بين الاقراب
واليوم يوم إنك فتحت المجالي = وأسندتلي من طيب القول هنداب
واخترت راي والمجال إستوالي = أبنصحك ماني منافق وكذاب
اترك كلام اللي يقولون قالي = اللي تشب النار من غير شباب
اللي يداهم فالمشاكل طوالي = خباث الكلام اللي يثيرون الأعصاب
ولا الخطا فيكم ومنكم بدالي = جيتوه والله مالكم عنه مجناب
كلٍ يشيل الدرسعي والهلالي = تقول غاب العقل والعقل ما غاب
ومن حطله لمهبل الناس رالي = يصبر على كل المشاكل والأتعاب
لا تضعفون الشجره أم الضلالي = حطولكم في عروة الله مقضاب
يا ويلكم يوم إن كلٍ يسالي = الأححدٍ يغفر له الله ليا تاب
وتراك في قمة حصون المعالي = ومثلك ما يبتع حد موسه فالأصحاب
ومن عزوةٍ تورد قصير الحبالي = ألاد مرشد مخلصت كل الأطلاب
ذباحت الملبس خلاف التوالي = بحدب السيوف اللي يقصن الأرقاب
وليا ذكر فجٍ من الوسم سالي = على النقا ترعاه والناس هياب
حريبهم كنه من العقل خالي = كنه قريصٍ مونسٍ عضت الداب
ترعابهم فالخوف وضحٍ متالي = من الرحا الخرما لغرب الأديراب
وترعابهم فالمستوي من شمالي = ومن الجنوب الهم على العرق معزاب
وتم الكلام وفي نهاية مقالي = أسلم وسلملي على كل الأحباب
[/poem]



[align=center]وقد ذكر لي الشاعر سعدون الهرس إن فيه إختلاف في المعنا بينه وبين الشاعر حميد الذيابي [/align][align=center]


وتحياتي للجميع

أخوكم ذعار [/align]

[$$ الدولار $$]

يسلموووووووووووووووووووووووووووووووووووووووووو



قصايد رائعه جدااا



يسلموووووووووووووووووووو للجميع



وماقصرت ياخوي ذعار ويعطيك العافيه



وتحيااااااااااااااااااااتي

[ابـو سعـود]

الله يعطيك الف الف عافيه ياذعار على نقل هذه القصائد واللي اعتبرها قصائد الموسم

وصح لسان ابوفهد والذيابي على ماجادت به قريحتيهما :D


ولازلنا ننتظر المزيد ياذعار

سجل إعجابي بهذه المشاركه :)

[النـايــــــف]

مشكورين يا أخواني بدر المرشدي وابو سعود الروقي


على تفضلكم وردكم على الموضوع



تحياتي للجميع

أخوكم ذعار

[نوار العتيبي]

مشكور أخوي ذعار بس لدي أستفسار بسيط , هل الشاعر سعدون الهرس المذكور في الموضوع هو الباحث المعروف سعدون الهرس أم شخص أخر ؟
ولك خالص الشكر

[النـايــــــف]

ايه هو الباحث الغني عن التعريف


وانا الحين لي عدت محاولات ان أتي به إلى المنتدى وإنشاء الله يوفقني الله

[الحصان]

الله

[هايف العطاوي]

الله يعطيك الف الف عافيه ياذعار على نقل هذه القصائد واللي اعتبرهامن قصائد الموسم
وصح لسان ابوفهد والذيابي على ماجادت به قريحتيهما

[عاشق المساري]

يعطيك الف عافيه على النقل