تحت عنوان خمسين
مجارة لقصيدة الشاعر : غازي بن دخيل الله بن عون – الصادرة بجريد الرياض في 20 / 8 / 1423هـ . (تحت عنوان خمسين ) ويشرفني أن أبتدئ بقصيدة أخي الفاضل الشاعر : غازي بن عون ، حيث قال فيها :
[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=1 align=center use=sp num="0,black"]
يالعين صيري دايم الـدوم تبكيـن=على مدار أربع وعشرين ساعـه
إرثي لعمر فات وانعيـه يالعيـن=وأبكي على مافاتنا مـن طماعـه
اليوم كملتي من العمـر خمسيـن=تلعبك أوهـام الغـرور ومتاعـه
ياما خدعنا الوقت بالمظهر الزيـن=واليوم ياعينـي عرفنـا خداعـه
ما ندري إن الوقت له باطن شيـن=إلا بعـد ماقـام يسقـط قنـاعـه
وإن ما انتهزنا باقي العمر فالديـن=ولا خسرنا مالنـا مـن بضاعـه
باقي العمر في علـم رب الثقليـن=تماكنـي تاليـه قبـل إنقشاعـه
مع هجعة أوباش الملا لاتهجعيـن=أحيي الدجا ذكر وتوسل وطاعـه
إليا بقا ثلث وقضى منـه ثلثيـن=وقت يربـح باذريـن الزراعـه
لاناموا اللـي فالملـذات لاهيـن=تضرعـي لله باكـف الضراعـه
ويا الأذان في قول الخنا لا توحين=والذكر والنصح انصتي لاستماعه
إليا استمعتي للذكر والصحيحيـن=يصر عندك ضد غيـره مناعـه
ويا الرجل لوحيتي الندا لاتوانيـن=اليا دعا داعي صـلاة الجماعـه
ويالنفس مع درب الهوى لاتميلين=بيعيه مثل اللـي زهدبـه وباعـه
الخمسـة الاركـان لازم تلبيـن=بتوحيد واخلاص ويقين وقناعـه
عسى بتال العمر ثقـل الموازيـن=كود يتعوض ما مضى من ضياعه
سالين كنـا دايـم الـدوم حييـن=ولا دامت الدنيا لـراع الشفاعـه
والأنبيـا والأوليـا والسلاطيـن=وأهل المروة والكـرم والشجاعـه
العبد مهما عمر أحقـاب وسنيـن=له ساعة فيهـا يطـوي شراعـه
يرحل وخلانـه وربعـه مقيميـن=وتثير فرقا الشمل بعـد اجتماعـه
وصلوا على المبعوث جد الحسنين=ما نبت من نبت وما ازهر طلاعه
[/poem]
غازي بن عون ،،،
وقد كان صدى هذه الرائعة مني بتاريخ 27 / 8 / 1423هـ بذات الجريدة ، حيث قلت :
[poem=font="Simplified Arabic,6,white,normal,normal" bkcolor="coral" bkimage="" border="double,9,sienna" type=2 line=1 align=center use=sp num="0,black"]
سلام يا غازي العتيبـي ملاييـن=وعداد كيل الحب مـده وصاعـه
سلام أطيب من عبير الرياحييـن=يجيك له مع هادي الريـح فاعـه
أنا نهار السبت تاريـخ عشريـن=من شهر شعبان جرى لي اطلاعه
على كلامك تحت عنوان خمسيـن=بصفحة خزامى حي ذيك الطباعه
قول دليل ومصدره مـن الدليليـن=محلاك ياقـول القـدا والبراعـه
تقول يالعين ادمعي لجـل تنجيـن=قومي قبل يبدي الفجر بانشلاعـه
في وقت ينهض به رجال تقييـن=خمص البطون ويعشقون المجاعه
لوجيههم مع طلعت النور نوريـن=نور على نور لراعـي الوراعـه
نجـوم بطاعتهـم لربـي خفييـن=ونجم الدجى ماهو يخفى ارتفاعـه
وهذا الكلام اللي له النـاس حييـن=وكم ميت قمة وكـم حـي قاعـه
الله خلقنـا واخبـر فيـه نجديـن=وكل مـع نجـده يجمـع متاعـه
يالله لاتخيب رجا راجيـن الزيـن=بزين العمل يارب سـدد مساعـه
يارب عبدك مخلص في قضا الدين=يطلبك يوم الحشر تمـن مراعـه
قلبه معلق مع جمـوع المصليـن=وعلى صلاة الليل فيـه اندفاعـه
اللي دموعه مثل سبـر الوداديـن=حارب لذيذ النوم والخوف لاعـه
وصلوا على سيدالبشـر والنبييـن=اعداد كيل الحـب مـده وصاعـه
[/poem]
شجاع بن عمر الأكلبي
أتمنى أن تحوز على رضاكم واستحسانكم ..!
شجاع الأكلبي ،،،
| 
|
01-02-2007, 01:40 PM
المواضيع المتشابهه
العرض العادي
