هية خريص بين الغييثات و الشيابين

[الحصان]

خريص عد ماء معروف ، وهو أحد الموراد المشهورة للغييثات من الدواسر ،وفي وفي احد السنين ورد قوم من عتيبه على خريص وكان أمير خريص من قبل الدولة السعودية أنذاك منهم واسمه (شالح) وكان قد شجعهم على النزول على خريص والتحرش بأهلها فوردوا على الماء وكان عنده امرأة من الغييثات اسمها (نويّر) فقاموا أولائك القوم بكب قرب الماء اللي معها وطرحوا الصملان وطردوها من الماء فبكت البنت وصاحت واستنجدت بالغييثات .

فهبوا ابناء الغييثات القريبين منهم وصارت معركة بين الطرفين انتهت بهزيمة القوم المعتدين بقتل عدد رجال منهم وتصويب الكثيرين وطردهم من خريص.

وقد شهد هذه الهية الفارس المعروف الشيخ ناصر بن سرحان بن منيخر آل سفران العجمي (أبو كروز) رحمة الله عليه من قبيلة العجمان



الشيخ والفارس المعروف ناصر بن سرحان




ناصر بن سرحان يشرح للملك فيصل وقائع هية خريص وبادي على الملك الفرح بانتصار الغييثات.(*)



ناصر بن سرحان مع الأمير سلمان بن عبدالعزيز


فأنشد هذه القصيدة بعدما رأى ما فعله الغييثات في الأعداء اثناء المعركة.منها

[poem=font="Simplified Arabic,5,black,bold,normal" bkcolor="coral" bkimage="backgrounds/4.gif" border="double,9,sienna" type=2 line=0 align=center use=ex num="0,black"]
ليل(ن) على (العتبان)ياليـل النـدم=ماجنبـت قوادهـا اللـي يقودهـا
صوّت ((ابن غياث)) وجو لداعيهم =وقاموا من دلالٍ كل مدغوش ٍ يرودها
روحوا (بالعتبان) صارت كسيره =قحطان والعجمان دونك من شهودها
هذا كلـه لعينـا مـزادت ( نويـّر)=وذا شرع من زار العرب بحدودها
كله لعينا صبيحا والجوف=واللي تبين من عاريات نفودها
ولا لعينا صفرا ً يوم درهمت=.اللي ما تعاين مفرودها
جلدهـم (الجـلادي) فـي مركـاظـه=مايعرف لوحهـا مـن عمودهـا
ما عاد لهم ثاير كود( شالح) =جوده على براميل ٍ علقة بعمودها
فرضاتة (ابن نويب) في المعوثه خلي =على بركة ٍ محظورة ٍ بورودها
فالمح لاد (بن غياث )في اللقاء =ربع ٍ من على الجدود تبعد حدودها
عن المهاة اللـي تقـود الجميلـة=ياشيب عيني من محاجر خدودهـا
ياللي تجون القريني عندي موتـر=مع ذودنا خمسين فـي معدودهـا
اما يعطيني شيمة العرب للعـرب=ولد حسين وفارس(ن) من اسودها
وان كـان لامعطـي ولا بـايـع=فالله يقرب رمتـه مـن لحودها
اقولها وانا من قبيلة =طرح الرجال دايمٍٍ ما يكودها
[/poem]



[align=center]وعندما وصل خبر النصر لعبدالله بن مسفر آل عويفي الغييثات انشد قصيدة مطلعها :ـ[/align]

[poem=font="Simplified Arabic,5,black,bold,normal" bkcolor="coral" bkimage="backgrounds/1.gif" border="double,9,sienna" type=2 line=0 align=center use=ex num="0,black"]
يوم ليل خريص نعماً بربعي في لقاه = عزه الله ليلتا شاع ذكر اخبارها
يوم دبر (شالح) شاف شي ما هواه= فزعته يم الاساتك يبي نثارها
لا وزانا مجرم توسم عصاه =عزه الله بدنتاً ما يعارض جارها
هيه ياللي نهده صغيراً في حشاه= اطمحي للي يحتمل لأشرارها
[/poem]

[align=center]وللأسف لا يحظرني باقيها.[/align]


[align=center]وعندما اتى الخبر للشيخ بداح الحطيم امير آل سلمة من الغييثات انشد هذه القصيدة:
[/align]

[poem=font="Simplified Arabic,5,black,bold,normal" bkcolor="coral" bkimage="backgrounds/40.gif" border="double,9,sienna" type=2 line=0 align=center use=ex num="0,black"]
اول كلامي قلت ياذكر الله=منشي على الخد الحيال اخيال
البارحه ماذاقت النوم عيني=من واهجاًوسط الحشى يجتال
من هيتاًتذكر على الجوبيه =قاموا ارجالٍ في وجيه ارجال
وانا احمد الله زين الله نومي =منيوم جاب العلم ابن طلال
يقول سربة لابتك نعماً بهم =في وردهم خمسة عشر رجال
يوم اعترضهم بادي وحسن =وحضرت اعيال ٍ كلهم جهال
حطوا على (( العتبان)) ليلاً مشمعل= وراح (( )) معتليه جفال
من ضربنا الكرناف همل فرده=من ضرب ربعي لطامة العال
لومي على اللي حاضراً ماجاهم=ودك يعدا منه الفنجال
وش عذرهم يوم صاحت(( نوير ))=ودموعها وسط الروي همال
تزهم بني عم ٍ غياباً كلهم = وتقول يالظفران وش ذالحال
((غييثات)) ياسعد من هم ربعه=لاجا نهار فيه قصف اجال
((غييثات)) يا ويل منهم ضده =طريحهم مايقوم كود ايشال
هذا ويدله بنا قصيرنا =عيناً فراشً له وعيناً ضلال
وياما زبن في وسطنا من مجرم =يرقد هنيناً عقب ماهو ذال
وياما عثر في وردنا من سابق =والاراعيها من ظهرها مال
وياما رتع في سدنا من هجمه =وانا ذراً لها من شمال
ولامن ذكر وسميةً في خوفه =بين القبايل مالها نزال
شدوا لها ربعي مشيراً مشيرهم =في وسطهم ماتسمع العذال
بين (المطيري) هو و(اليامي) ننزل =ونلطم شباة الشره لامن عال
ونركد الا رد البرا عميلنا =في يمته يندر نشير المال
تمة وصلى الله على سيد البشر=على محمد صفوة الازوال[/poem]



(*) ترى اللي تحت الصورة من عندي والدعوة مزح لا أحد يصدق.

[align=center]واسمحولي على القصور، وشكر خاص لمحمد آل نصار وابوجفان على التوجيه والتصحيح.[/align]

[النـايــــــف]

جهد رائع


تشكر عليه يا ابو فهد

[منصور الشيباني]

اخوي الحصان

مساك الله بالخير

الهيئه هذي ماتخش العقل وش جاب الشيابين لخريص ؟؟

يعني وش اقول تزييف عيني عينك من قبيلة الدواسر واللذي اصبح

منتداهم مسرح لتحويل الهزايم لإنتصارات

تخيل يالحصان ذكرو في منتداهم انتصار مزيف للسبعان على الشيابين

يعني وصل فيهم حد الكره إلى دعم ونصرة القبائل الاخرى .

الشيابين واجهو الدواسر مرتين في هيئتي الغبيه والضيرين الاولى

والثانيه واستطاعوا هزيمتهم وههو بإعتراف القبائل الاخرى وايضا

بإعتراف بعض من شيبان الدواسر ولم يواجهوهم في معركه اخرى .

هذا والله اعلم

تحياتي

[الحصان]

اخوي سلطان ابو فيصل خريص حصل عليه هوشة بين الشيابين والدواسر ماهي معركة قتال و لو سألت رواة الشيابين وجدت الخبر اليقين عندهم وانا بصدد بحث شامل عن ماورد في منتديات الدواسر ولايصح الا الصحيح

تحياتي

[منصور الشيباني]

يعطيك العافيه اخوي الحصان

بس والله توني اسمع عنها واذا كانت هوشه المفروض ما يكبرونها

فهذه الهوشات وخصوصا القريبه لا تعتبر هيئه او معركه

والتعديل وانا اخوك وش ناخذ ووش نخلي اغلاط كثيره حاصله

في منتداهم ومنها على سبيل قصة دلقان والتي ابدعوا في السيناريو

لهذه القصه فهم يدعون قتل جهز بن هذال علما ان جهز قتلته قحطان

وكذلك جعلوا هذال بن فهيد تحت رحمة احد فرسان الدواسر

اتمنى يااخي الحصان ان تنقل قصة دلقان من منتدى الدواسر لكي

نرد عليها في هذا المنتدى ونصحح بعض ماوقعو فيها من اغلاط

اعتبرها كبيره

تقبل خالص وارق تحياتي

[المزحمي]

من هو شالح الذي تولى هذا المنصب ؟




لو كان معروفاً لدينا أو لدى الشيابين لما سألنا عنه !!!!



وما الذي أتى بالشيابين لخريص وهي ليست من ديارهم ؟



ولا مكان يحيل فيه البدو ويربعون فيه ؟



ومتى حدثت هذه المعركه المزعومه ؟



ثم هل من شيمت الرجال التعرض لإمرأة ؟



كما يسيء الدواسر لأنفسهم من حيث لا يعلمون ؟




وهذه المعركه المختلقه ليست بأول تأليف للدواسر



فقد ألفوا على مطير ويام بنفس الحبك والتضخيم




وقد قلبوا المعارك مع عتيبه إلى إنتصارات



مثل معركة دلقان



العبيد المعاصر لهذه المعركه وكان حاضر في هذه المعركه



يعني شاهد عيان فيها , وينقل لنا الخبر من أرض المعركه


يقول إن عتيبه أنتصرت والدواسر يقولون لا



وقد نسجوا من خيالهم الواسع ما ينقضها



وألفوا أبيات طازجه مثل أبياتهم في قصص عتيبه وغيرها



وهية الضيرين قبلوها وهلم جرا !!!!



الدواسر لا نعرف ولا يعرف أحد من القبائل الأخرى لهم ذكر


لا في معارك ولا في فرسان , ليس لديهم فرسان ولا شجعان



قبيلة الدواسر تكاد تكون من القبائل المفلسه تاريخياً



إن كان على صعيد الفرسان أو على صعيد المعارك والبطولات




وأكبر دليل على كلامي هي المصادر والكتب التاريخيه




لا تذكر للدواسر بطولات خاصه بها أو أمجاد نهائياً



فهم يحاولون تعويض هذا النقص بإختراع بطولات إنترنتيه مزيفه



سرعان ما تكشف ويبان عوارها وعوار مؤلفها

[الحصان]

اخوي سلطان ابو فيصل

جهز بن هذال بن فهيد قتله رجل من ذوي ثبيت من الروقة كان جالي مع مطير واغار عليهم جهز ولحقت الفزعة و معها الثبيتي و هو لا يعلم ان الغزو من عتيبة فرماهم و قتل جهز و توجهو الرباعين على الفهيدات فسمحو عن القاتل لنه على غير قصد

[الحصان]

اخي المزحمي الدواسر قبيلة عزيزه و تعتبر من اشجع القبائل ولها ثقلها و تاريخها و اشعارها في الكتب و في صدور الرواة و ليس بينها وبين عتيبة معارك كبيرة و لكن فيه مناوشات اي مغازي و اكيد ان لهم انتصارات و هزايم ولا يبجب علينا ان نرد عليهم الا بالحقايق التاريخية سوا ان انتصرنا عليهم او انتصرو علينا ليس فالهزيمه عيب

[المزحمي]

المشاركة الأصلية كتبت بواسطة الحصان اخي المزحمي الدواسر قبيلة عزيزه و تعتبر من اشجع القبائل ولها ثقلها و تاريخها و اشعارها في الكتب و في صدور الرواة و ليس بينها وبين عتيبة معارك كبيرة و لكن فيه مناوشات اي مغازي و اكيد ان لهم انتصارات و هزايم ولا يبجب علينا ان نرد عليهم الا بالحقايق التاريخية سوا ان انتصرنا عليهم او انتصرو علينا ليس فالهزيمه عيب

مع إحترامي وتقديري لك يا الحصان وبدون مجاملات




الكتب والمصادر لا تتفق مع كلامك :)




أين المؤلفين والكتاب عن بطولات الدواسر المزعومه والمنسوجه :)




وفيه قصه لفاجر بن شليويح مع الدواسر




عندما كان ماد للحوطه حوطة بني تميم





فرفضوا أهل الحوطه أن يكيلوا لفاجر وأختلفوا معه




فذهب للدواسر




لا أحفظ القصه جيداً وسأحاول أن آتي بها ;)

[فارس]

شكرا يالحصان