حداني على البيت المطرّف غلى راعيه

[ابـو سعـود]

[poet font="Simplified Arabic,4,black,normal,normal" bkcolor="transparent" bkimage="" border="none,4,sienna" type=0 line=200% align=center use=ex length=0 char="" num="0,black" filter=""]

أنا باديٍ فـي عالـي الرجـم مـن واطيـه = أحـب البـيـان وذبّــة الـرجـم غربـالـي

وأنا البارحه ليـلٍ علـيّ سـاريٍ ساريـه = بـغـيــت الـمـنــام ولــذّتــه مـاتـهـيّـالـي

على صاحبٍ لازيد جانـي وأنـا ماجيـه = حدانـي زمانـي مـنّ مجـيّـه ولا جـالـي

وياقلب لاتجزع من الليّ جرى جاريـه = ومــا قــدّر الله قابلـيـنـه مـــن الـوالــي

حداني على البيت المطرّف غلا راعيه = ولايمتـكّـن جـنّـاب بيـتـه وهــو غـالـي

غشاه الحـلا والنـور يـوم الغـلا مغليـه = يعـيـش النـظـر شـوفـه بـلـيّـا تـعـدّالـي

تحطّم عليـه الحـال ماينعضـي عاضيـه = تحـطّـام عــودٍ مبـطـيٍ فـيـه المـحـالـي

وأنا سيل قلبـي صوبهـم منتحـي واديـه = ولـولا محاديـر السهـل كــان ماسـالـي
[/poet]



الشاعر سلطان بن علي الهاجري

[بعيد المراميس]

صح لسانك يابو سعود

ولسان الشاعر سلطان بن علي الهاجري

قصيده من اجمل واقوى القصائد

تحياتي لك ولحظورك الجميل

اخوك

بعيد المراميس:)

[الشبلان]

صح لسان الشاعر سلطان الهاجري وشكرا لك يا ابو سعود الروقي على هذه الاختيارات الجميلة والله يعطيك العافية :):):)

[و ر ا د]

[ALIGN=CENTER]حداني على البيت المطرّف غلا راعيه ولايمتكّن جنّاب بيتـه وهـو غالـي




سلمت والله يابو سعو د



اختيار ولا اجمل




بانتظار كل جميل من شخصك [/ALIGN]