[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
إن تجملنـا ســلام الله سـلامـه=نجذب اللي فـي شراييـن الغمامـه
شاعرٍ مطنوخ والطنخـه افراسـي=ولاطنخت الشعر وين اللـي أمامـه
اطحن اللي ما انطحن من حب راسه=واتركه يفرك دموعه مـع عرامـه
دامي ذيابي وساسـي مـن عتيبـه=لاقلطنـا للكـرم نـآخـذ سنـامـه
الشعر فينا مـن عهـود الصحابـه=له وسوم وله مواري ولـه علامـه
لا ارتقيـنـا للمعـالـي مانزلـنـا=نرفـع الزحزيـح ونهيـن الهلامـه
الفخـر شرياننـا والمجـد دمــه=ومن تحدانا وجـوده مـن عدامـه
لا لفيـنـا للمـلاقـى مسلمـيـنـا=مانميـز بيـن حلّـه مـع حرامـه
الولـد فينـا يقـود العـز بإسمـه=ولا تريّح جاك اخـوه يشـد زامـه
ولا تكاثرنـا يزيـد الطيـب معنـا=شخصنا فعله يكفّـي عـن كلامـه
ولابغيت تعـرف تاريـخ البطولـة=جيب عودك ثم غن مـع الحمامـه
طال ليلك لـو ليلـك قاصـرٍ بـك=كيف أبوصف مجدٍ اكبر من تهامـه
ماني ملحّق وصوفـه لـو بعضهـا=لا وردنـا العـدّ مانـارد حيـامـه
نارد اللـي ممتلـي لحـدود فمـه=نارده من عز نفـس ومـن كرامـه
ولا انتخينـا ثـم جينـا فازعيـنـا=كننـا مــوجٍ تهـيّـا لإرتطـامـه
نظفـر الثنتيـن مـن دنيـا ودينـا=واهنيّ اللي عتيبـه هـي حزامـه
السعد قدمه وضيـم الدهـر خلفـه=نآخـذه باليـد مـاهـو بالغـرامـه
ومن وقف مع ضدنا نجعلـه عبـره=يغتنم نفسـه أخيـر مـن اغتنامـه
إنني مـن قـوم لا يُلْحَـق مداهـا=في الكرم والطيب وعلوم الشهامـه
كل منهـو آخـر إسمـه العتيبـي=اهتنـى فـي قومتـه ولاّ منـامـه
والله إنـي أحمـد الله كـل ليـلـه=وكل عامٍ ابتدى مـن خلـف عامـه
المراجـل مـا اتهـيّـا بالتمـنـي=للضعيف اللي يبـي يرفـع مقامـه
بس لامن صـرت رجـال وتكانـه=خاطب الهامه على إنك شخص هامه
والقبايل نعم كلنٍ فيه حقه=وكل ساسٍ راسخٍ فينا احترامه
والعرب افعولها تشهد عليها=ماحدن يرضى بذله وانهزامه
بس لامنك مدحت وخص لامن=بد مدحك في كرا اصحاب الفخامه
هـذي الدنيـا وهــذي دايرتـهـا=كل نجمٍ له صفات ولـه علامـه
فـإن تجمّلنـا فلاهـي بالغريـبـه=مـن عوائدنـا المعـزه والكرامـه [/poem]
شعر / جميل الذيابي العتيبي
| 
|
04-16-2009, 10:20 PM
العرض العادي
