[poet font="Simplified Arabic,4,darkred,normal,normal" bkcolor="transparent" bkimage="backgrounds/2.gif" border="none,4,gray" type=0 line=200% align=center use=ex length=0 char="" num="0,black" filter=""]
ماساكم الله بالخير جميعاًواسف على الانقطاع
هذه القصيده للشاعر /عبدالله بن سعد بن ضاحي المقاطي العتيبي
هات القلم واكتب على بيض الاوراق**خل الفروخ البيض يصرخ قلمها
لالاح في فكري من القيل براق**اختار جزلات المثل واغتنمها
مثايل يطرب لها كل ذواق**نوادر ما تنتقد قيمها
لبستها البز الحمر زين الأرناق**ومن الذهب لبستها ما حشمها
مثل الهنوف اللي يجي ذوقها راق**اللي كما ريح الخزامى نسمها
ذات الدلال معذبة كل عشاق**مزيونة من راسها لاقدمها
يحضر لها من كل زين في الأسواق**تامر وتعطي ماتقوله بفمها
هذا وانا للقاف رايق ومشتاق**وهجوس قلبي نابهات هممها
مشاعر عذبات واحساس دفاق**دفق الغروب اللي جديد وذمها
ابغى يسلي خاطري كما ضاق**يجلي صدا نفسي ويقطع ضرمها
ويصغي له الاسماع من كل عملاق**حتى الأذان الصم يبري صممها
ويقول من يوحيه هذا الذي لاق**نوعية الكلمه تبين نغمها
ياليل ماعينت ساعات الاشراق**اللي تبسمها يبدد عتمها
اللي يزول بها عن النفس الإرهاق**ينزاح عنها الضيق ويزول المها
مع رفقه للطيب عجلين وسباق**يزود مع زود الليالي كرمها
كل أبلج في مرقب المرجلة واق**حتى تربع فوق عالي هرمها
وان جاء نهار يبسن فيه الأرياق**يفرح بها اللي لاتضايق زهمها
شقر الحرار اللي نولم للاطلاق**اللي تتل سبوقها من حدمها
الاول اللي لاسبق السرب لحاق**اللي ليا لحق الجليله صرمها
جثل الثنادي حر مشومر الساق**لاحام في الجواء الوسيعه حكمها
والثاني اللي لا حمق كل حماق**والمشكله خطر يثور لغمها
ويين الفريقين احتزم كل تفاق**بإمات خمس اللي كبار درمها
والموقف الغصب ما عنه مفهاق**احد يقض فيها والاخر برمها
مالاذ عنها من ورى كل مدراق**ومن يمه الاريا تجي في تممها
وان جوله الضيفان مع كل مخناق**هداج تيماهادرات جممها
يرمي لهم روس الهرافا والاشناق**اشناق خرفان كثير شحمها
والثالث اللي علم واخلاق**والسنه الغرا بحزم التزمها
للخير مفتاح وللشر مغلاق**ومكارم الاخلاق يرفع علمها
احبهم حب تعمق في الاعماق**محبة ما فية شي ثلمها
وبعض الرخوم اللي تحنق تحناق**اللي من الضيقة تلوى غممها
يستاهل الواحد على خده طراق**يومت يونسها ويطعم طعمها
وسلامتكم
والمعذره ان كان فيه قصور
[/poet]
[ALIGN=CENTER]ولكم تحياتي [/ALIGN]
| 
|
03-08-2004, 03:16 PM
المواضيع المتشابهه
العرض العادي
