الله يلـوم اللـي لحالـي يلـومـي

[برقاوي هواوي]

[frame="7 80"]ينـام منهـو مايعـرف الهمومـي
وعيني اليا ناموا حريب لها النـوم

الله يلـوم اللـي لحالـي يلـومـي
لا ساهرن سهري ولاهـو بمهـوم

ماهو بمثلي يزعجـه كـل يومـي
همن يلوج بداخل الصـدر مكتـوم

لامبديـن أسـرار قلبـي لقومـي
واللي بسر الغيب ماهـو بمفهـوم

أخاف أبوح السـر تبـدأ الثلومـي
وتاقف على مكنون سري هل اللوم

عاهدت قلبي مـا يبـوح العلومـي
ولايويـق بغايتـه كـل مـذمـوم

بالليل أساهر ساريـات النجومـي
والصبح أعدى بالنباكـل مزمـوم

اوجس بقلبي مثل حـر السمومـي
ولا صفالي خايـن الدهـر لويـوم

يا سيف قم لعـل حظـك يقومـي
ولعل ابوك بساعه الحشر مرحـوم

النـار شبـه ياقـوي العـزومـي
وهات الدلال وترك النوم لرخـوم

خابـرك بالطيـب ودودورحرمـي
قم سو مايبعد عنـا كـل شغمـوم

فنجال بـن مايحضـره رخومـي
مبهرن مابيـن الاجـواد مقسـوم

ارواحنـا بافـلاك الايـام تومـي
مهما يطول العمر فالاجل محتـوم

روحي بيد فارض صلاتي وصومي
اللي بحبل اليسر ينجـي لمضيـوم

الواحد اللـي نطلبـه كـل يومـي
منجين يوسف وهو قبـل مظلـوم

دنيا الشقايا يا سيف ماهي تدومـي
كم واحدن فيها مشيحـن ومنجـوم

وافراح اليا قالوا تقافـت غيومـي
على شفا الباطن وهو قبل ماسـوم

حيثه مرب لكل وضحـا ردومـي
اللي بها زودن على الطوق برشوم

عسا تعلـه مرهشـات الوسومـي
يمطر عليها الوبل يومن بعد يـوم

عشبه يغطـي نايفـات الحزومـي
فيه الزهر فوق الزماليق منضـوم

مخالف النـوار غـادي سهومـي
والعشب من وبل المراهيش كيهـوم

فيه ام سالم مـن طربهـا تعومـي
تلفح بسمح الريش في كل مرجـوم

من الطرب في كل روض تحومي
وتقضي الدنيا زغاريـت وسجـوم

ان شافـت النـوار نبتـه يزومـي
ما سايلت عن حال معطي ومحروم [/frame]





[align=center]محمد الأحمد السديري [/align]

[زهرة العتبان]

سلمت يمناك على نقلة

[محمد العتيبي]

صح لسانك ياعبدالرحمن على النقل وصح لسان الشاعر محمد السديري

تحياتي

[إبن ثعلي]

مشكور ياخوي عبد الرحمن على حسن الاختيار لقد اخترت قصيده رائعه من روائع المرحوم ان شاء الله الامير محمد الاحمد السديري
تحياتي

[العريدي11]

صح لسانك والله يعطيك العافيه

[الفطين]

صح لسانك ياعبدالرحمن على النقل وصح لسان الشاعر

[ولد شيوخ]

يعطيك الف عافيه

والله لايهينك على النقل

[برقاوي هواوي]

تسلمين على المرور بنت عن عشرة

[برقاوي هواوي]

صح بدنك اخوي محمد ولاهنت على المرور

[برقاوي هواوي]

تسلم اخوي ابن ثعلي على المرور نورت الموضوع بتواجدك