شاعر سعودي(عتيبي) يتقدم لخطبة (رغد صدام حسين)

[الجوووري2]

استطاع الشاعر السعودي منصور شعوان الشيباني المعروف( منصور الغازي) الوصول بقصيدتة الى رغد صدام حسين وذالك عن طريق سيدة اعمال عراقية تمت بصلة قرابه مع ساجدة والدة رغد صدام حسين وهي تقيم في دولة الامارات العربية المتحدة .
وهي شاعرة وتجمعها معرفة بالشاعر منصور الغازي منذ زمن طويل واستطاع عن طريقها الوصول الى رغد صدام بعد ارسالة القصيدة الى وزارة الخارجية الاردنية باسمة مرفقا ارقام هواتفه وذالك ماذكرته صحيفة الوطن الاردنية واكدة مقطع البلوتوث اللذي جمع الشاعر منصور ورغد وهشام العودة احد منسوبي وزارة الخارجية الاردنية .
وقامت مجلة شخصيات السعودية واللتي يرأسها شخصية مهمة وبارزة في المملكة العربية السعودية بأخذ لقاء مع الشاعر ومعرف قصة اللقاء وهي الان في الاسواق في هذا العدد
لن اطيل عليكم ولكم القصيدة







الا وهني من ثبت على صدرة رغـد صـدام
خذاهـا بالحـلال وسنـة التوحيـد وكتابـة

خذاها مبهم الغايـة خذاهـا مابـلاه اعـلام
خذاها منفردا بطيب اعروق الساس ونسابـه

خذاها بنت ذاك اللي رفع راس العرب بوسام
خذاها مهرة تصهل وبنـت حصـان يغزابـة

خذاها ماثنى رجلة يسـوق الخطـوة القـدام
تقدم يوم قالت تم ايمـوت ايعيـش يحيابـه

وانا اللي مستعد اقدم لو ازعل معضم الحكام
اسوق الها المهر لو راس تون ابلير ترضابه

مبي غيره ولو قالو عليك امن البنات ازحام
مبيهن لو بهن زين وبنات شيوخ من لابـه

ابي رغد هاذيك اللي اتشاهد لحظة الاعـدام
تبسم يوم ابوهـا يقتـدم للمـوت ماهابـه

تبادله العياد ابلحظه الموقـف يجيـه الهـام
تبادله الوداع ابصـوت تفخـر يـوم تبدابـه

اتقول افـداك يايابـة يابوعـداي يالمقـدام
عليك البيض ياالصامد بدون اقناع واعصابه

عشت بين العرب حاكم متت يا والدي عـزام
عسى هاالكون لك فدوه جميع الناس واحزابه

قويه باس من باس تلازمه الشموخ الـزام
عليها من نعاطيسه كـرات الـدم تسعابـه

ابيها وافصح الغاية لابي سمعـه ولا هنـدام
ولا يلزم جمال ولا عليهـا اقصـور جذابـه

ابي منها ثلاثه بس وكل اغلام يفوق اغـلام
ابي من جدهم حنكه ومنـي هيبـة اعتابـه

ابي في حضنهايرقد حفيـد المعجـزة وينـام
وابي عن جده اتسولف قبل مينـام يسهابـه

ابيه ان نام يحلمبه وتكثـر زخـة الاحـلام
وشوف الصبح في طبعه ردود افعال تشابـه

ابي يكبر على ذكره ويتبـع سيرتـه بحكـام
ابي نفس الشجاع اللي سعيد الغرب بغيابـه

ابيهم للعروبه في ردي الموقف سند وحـزام
ابيهم بفطمون اللـي علينـا كشـر انيابـه

بوصيهم ثلاثتهـم سياسـة جدهـم صـدام
ابحق الغراب لومابه خيانـه جـذت اطنابـه

ابا الاول يحوف الكم سلالة بـوش ولاقـزام
يذكرهم حصاد ارواح اهل تكريـت واقرابـه

ابيه اليا انتخت بغداد انا خت الفارس الجـزام
يقول ايوالله اختي لعنبو من يرخص اترابـه

يهز ابسيفه الكرسي يتـل اموسقـه بحطـام
يقول انه خلف جدي وانا اللي منكـم اولابـه

تمركز واسمه الحاكم على الطاعه ولد خصام
يرد الدار عقب العـار علـم بغـداد علابـه

يجدد بالوفا عهد علاقه بين شـرق وشـام
عضيد الجار له مقدار حريص الذيب لذيابـه

عزيز للعرب عزه حشيـم لا لفـوه احشـام
عقوبه للعميل ايمـوت سـم الـداب دابـه

وباالثاني فتى الاقصى يعوض ماخذاه اعـوام
تصيح اعلى المـأذن بالله اكبـر لاتمثنابـه

يشب النار فوق النار ويدفن بالنحور اسهـام
يحط الرعب بقلوب اليهـود ويقفـل ابوابـه

ابي صدر العرب يطوي مسافه عاشها منصام
ابيه ايفوز بالتحرير ونصر القـدس يهنابـه

وباالثالث تحت يمنى مليكي خـادم الاسـلام
عضيم الامـه القايـد ابومتعـب فخرنابـه

هذاك اللي ليا حامت اخصومه دون دارة حام
كفخ صقر العروبه دون شعبه يفتل اشنابـه

ليا بادر يعبر عن قراره فـي رؤوس اقـلام
يكفي هيبته جالس وكلن يحسـب احسابـه

وانا في حب ابوعابد حرم اني اهيـم هيـام
اقبل صورته واطلق حفظـه اللـة لحبابـه

ابيه أيكون له خادم تحت امره رفيـع الهـام
ايقبل كفـه اليمنـى اوامـر سـم ومجابـه

ابي يحرص على شوفه يحط الزام عقب الزام
ابيه يصير لوربع الزعيـم اللـي يحفوابـه

وهاذي منتهى الغايه ولاكن قبل اقول اختـام
ابرسـل خـط برقيـه يعـد اللـي نوينابـه

بدزه عاجل وسري عليه من اليميـن ارقـام
بيانه جمله تبغا الستيمه يمسـك اعصابـه

بجي ياعاهل الاردن تحرانـي خـلال ايـام
نسوقلك المواتر من جنـوب الـدار خطابـه

تحراني عسى ربي يجنبنـي حبـر وابهـام
اما اني جيتكم طالب أونـي ضعـت بطلابـه




منقول لشدة الروعة

[حسام هوازن]

اختي الجووري

يعطيك الف عافية على الموضوع المهم

والابيات الجميلة..بس ودنا نعرف ايش

كانت ردة فعل رغد على طلب الخطبة منها

من قبل الشاعر الشيباني..

دمتي بخير

[ناصر بن سعدي]

إختي

الجوري2


لاهنتي على النقل المميز...


وصح لسان شاعرها...


ومن قدها رغد ...
خطبه وقصيده ....وعتيبي...ياساتر...


الله يوفقهم ...


وتقبلي تحياتي ..

[عــمـــر]

[align=center]:) اشهد انه ما عين خير


يعطيج العافيه

اختي الغاليه

جوري2

ومشكوره على النقل , ولاهنت ,






تحياتي[/align]

[شاعر المرأه]

صح لسااااااااانه










لاهنتي يالجورى









بس انا مقهور لانه سبقني عليها















ههههههههههه

[نجـ العتيبي ـود]

وقصيدة حلوة أكيد

[نجداوي]

صباح الخير للجميع


والله تستاهل يامنصور بنت الحصان وقصيده جزله

من شاعر جزل بس لو تغير اسمك الاخير حنا نعرفك
منصور شعوان الشيباني ونعرف جدك منين جبت الغازي الله يجزاك خير

[** راس حربه **]

صح السان شاعرهااا والله لايهينك يالجوري

وبيض الله وجهك على النقل الجميل

دمتم كما يحبه الله ويرضاه

[الجوووري2]

المشاركة الأصلية كتبت بواسطة حسام هوازن اختي الجووري يعطيك الف عافية على الموضوع المهم والابيات الجميلة..بس ودنا نعرف ايش كانت ردة فعل رغد على طلب الخطبة منها من قبل الشاعر الشيباني.. دمتي بخير

هلاااا بحسااام
كل الشكر لك على مرورك الطيب
والله القصيده نقلتهاا لكم من احدى المنتدياات كما هي
وربي ما عندي علم عن ردة فعل رغد من هذه الخطبه

اشكر تواصلك

دمت بود

[الجوووري2]

المشاركة الأصلية كتبت بواسطة ناصر بن سعدي إختي الجوري2 لاهنتي على النقل المميز... وصح لسان شاعرها... ومن قدها رغد ... خطبه وقصيده ....وعتيبي...ياساتر... الله يوفقهم ... وتقبلي تحياتي ..

هلاا وغلاا
بنااصر بن سعدي
شاكره تواصلك الطيب
وردك الرائع
الله لا يحرمناا تواجدك الغالي
دمت بود