الابل والجن

[الصواغ]

السلام عليكم ورحمه الله وبركاته


انقل اليكم هذه الحكايه كما وردتني من صديقي الخاص


طبعا راح اذكر لكم بعض الاحداث اللي صارت قبل القصه وما كنا نعيرها اي اهتمام

مره كنت معاه بالبر عند النياق وبما ان الشخير عندي انا وياه يصل الى مرحله الازعاج قرر كل منا انه يبعد عن خويه علشان ما نسوي سنفونيه بالشخير

المهم انا نمت بالخيمه وهو قرر انه ينام برى الخيمه ويحط السرير مال الرحلات يعني بري الاخ

يوم قمت الصبح اشوف صاحبنا يضحك ويقولي ليش تسوي فيني جذي !

قلت له شنو

قال تمر علي وانا نايم وتطق راسي انت تبي تخرعني يعني

المراد انا قلت له انت تعرفني ماني راعي هالسوالف ولا احب اروع خويي

وطوفنا السالفه

وراها بفتره وهم قاعدين بالليل ولد اخوه الكبير قام يركض بالبر ويقول والله لوريك

الحقوه وقالوا له شفيك قال اشوف رجال بس بدون راس ولا يدين



مابي اطول عليكم نرجع للاحداث المأكده

صديقي يقول دق علي الصبي يصيح ويقول الحقني لي 3 ايام ما نمت مع ان الصبي اعرفه وحش ومجربينه مهو شرود

المهم يوم جاء حق الصبي قاله شفيك قال قاعد اسوي عشاي وشوف الابل هاجت وماجت وترغي قلت اشوف شالسالفه وطلعت مالقيت شي
وبعدها بيوم شفت لي طلي خروف عند التنكر ( الوايت ) قلت هذا اكيد من غنم اخو بابا وراح جاب التريك ( البجلي) المصباح اليدوي واخذ حبل يبي يربطه ويوديه الصبح يقول دش تحت التنكر وادور عليه مالقيته والنياق جاها بلا

حتى الان الصبي مقاوم الى ان وهو نايم يقول احس بنفس حلوجهم عند راسي واسمعهم يتكلمون

انهبل الصبي

اللي ياكد كلام الصبي ولد اخوه الكبير رجال ابو 23 سنه

يقول جيت النياق بالليل وكان يوم ثلاثاء لقيت عيال عمي على العرزاله قاعدين واستغرب انه انه عمي مو هني والصغار هني قلت بس اكيد خلاهم عند النياق وراح يطل على الغنم والغنم ماهي بعيده من الابل قريبه كيلو يمكن
يقول ما وقفت السياره رحت للغنم ولقيت الصبي مالها وقلت له وين بابا

طالع فيني الصبي وهو مستغرب وقال بابا ما جاء اليوم واليوم الثلاثاء اصلا ما يجي هاليوم ابد ما يجي الا بالاجازه

قلت بس اجل اللي على العرزاله الجنون وتذكر السوالف كلها يقول ما ردني الا بيتنا سيدا

واللي ياكد القصص عيال عمهم كان عندهم حلال وباعوه وبقت الجبره مالتهم حطوها عند عيال عمهم المهم بيوم سيروا ورقدوا بجبرتهم اللي لهم سنه محد دشها وكانوا اثنين اخوان يقولي الكبير فيهم وقلبه قوي ما شالله عليه

يقول يوم نمت فجاه اخوي ناداني وقالي انت نايم قلت له ايه قال اها خلاص ارقد

شوي واحس بليت تريك بوجهي يقول انا المفتاح مالي له ميداليه فيها ليت قلت اكيد اخوي يشيك علي

شوي وانادي اخوي قلت له يا فلان انت راقد يقول قال ايه وتكررت معاي الشغله قلت بس هذا هو الجني

يقول الاخ شوي والا صوت هبد الجبره من تحت واصوات خطوات تركض داخل والدنيا ظلمه يقول تعوذت من الشيطان وكملت وانا انتظر الصبح

ما شالله عليه لو انه انا كان لقوني ابرص من الروعه

المهم الربع تاكدت عندهم السالفه وشددوا الابل وخلوا الجبره في محلها الى حتى اعداد التقرير يعني ليومك

السالفه صار لها تقريبا 3 شهور