اصغر بعيني يوم اناظر ذنوبي

[عبدالله المرشدي]

السلام عليكم ورحمة الله وبركاته

ابيات متواضعه تحاكي حالي وحال كثير من الناس عسى الله ان يغفرلنا ويرحمنا ويعيننا على انفسنا والشيطان

[poem=font="simplified arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اشوف ذنبي في عيوني ليا اذنبت=ينشر ظلامه في مسالك دروبي
يضيق صدري لاتفكرت واسهبت=واندم على مافات واعزم واتوبي
انسى واعاود للخطا ماتادبت=يغويني بليس اللعين الكذوبي
اطيح فالزله وانا توي اصبت=كني على دوس الخطايا مغصوبي
استغفر الله للخطا ماتعصبت=يعلم بنياتي عليم الغيوبي
تكبر ذنوبي لاحسبت وتحسبت=واصغر بعيني يوم اناظر ذنوبي
يالله ياللي لك توجهت وانبت=طالبك تغفر لي وتستر عيوبي
ياواحدٍ لرضاه تقت وتطلبت=طالبك يامولاي تكشف كروبي
[/poem]

[نايف تراحيب]

يالله ياللي لك توجهـت وانبـت
.............. طالبك تغفر لي وتسـتر عيوبـي

ياواحدٍ لرضـاه تقـت وتطلبـت
............. طالبك يامولاي تكشف كروبـي


اللهم آمين
اللهم آمين
اللهم آمين


شآعرنا القدير / عبد الله المرشدي


والله اللذي لاإله الا هو اني استمتع بقصائدك ومن متآبعينكـ

وانت احد اعمدة هذا الصرح الشآمخ بل قدوه لنا نحن المبتدئين ويشهد علي الله اني صآدق في كلآمي .



لله درك وكفى
لله درك وكفى
لله درك وكفى


احترآمي


/


،

[همس]

شآعرنا : عبد الله المرشدي

أتععععب وانا اقولك مبببدع
صح أحساسك وصح إلسانك
أبيااااات جدأ جداً ررررائعه

/

متششوقه للجديد

:)

[عبدالله المرشدي]

المشاركة الأصلية كتبت بواسطة نايف تراحيب يالله ياللي لك توجهـت وانبـت .............. طالبك تغفر لي وتسـتر عيوبـي ياواحدٍ لرضـاه تقـت وتطلبـت ............. طالبك يامولاي تكشف كروبـي اللهم آمين اللهم آمين اللهم آمين شآعرنا القدير / عبد الله المرشدي والله اللذي لاإله الا هو اني استمتع بقصائدك ومن متآبعينكـ وانت احد اعمدة هذا الصرح الشآمخ بل قدوه لنا نحن المبتدئين ويشهد علي الله اني صآدق في كلآمي . لله درك وكفى لله درك وكفى لله درك وكفى احترآمي / ،

الغالي نايف تراحيب


احرجتني باطرائك

وغمرتي بجميل ردودك

الله يبيض وجهك

والحقيقه اني اسعد اسعد كثيرا بمتابعة شاعر مثلك

الله لايهينك يالامير

[البارع]

الله واكبر عليك يابوبدر وهذي مكانها قصائد الاعضاء وفالتميز بعد ... عزالله ان كلنا مقصرين وانا لعمالنا

من المقلين مير الله يرحمنا وياك برحمته .... تقبل اعجابي بهذ1ه الدره ....

[عبدالله المرشدي]

المشاركة الأصلية كتبت بواسطة همس شآعرنا : عبد الله المرشدي أتععععب وانا اقولك مبببدع صح أحساسك وصح إلسانك أبيااااات جدأ جداً ررررائعه / متششوقه للجديد :)

همس

حياك الله وصح بدنك

لاهنتي على المرور

تحيتي لك

[رغدالشيباني]

عبدالله المرشدي

أقتباس بيت او بيتين جريمه لمثل هذه الدره

صح لسانك واعتلا شانك

إحترامي لكــ..

[{ أبوفيصل }]

جزله من راس جزل

لايُستغرب كل الابداع والروعه من بادعها وصايغها

احترامي لشخصكم الكريم ،، وأرق التحايا لك مني وأعذبها

[عبدالله المرشدي]

المشاركة الأصلية كتبت بواسطة البارع الله واكبر عليك يابوبدر وهذي مكانها قصائد الاعضاء وفالتميز بعد ... عزالله ان كلنا مقصرين وانا لعمالنا من المقلين مير الله يرحمنا وياك برحمته .... تقبل اعجابي بهذ1ه الدره ....

البارع صح لسااانك

واعجابك يشرفني

والله يغفرلنا جميعا

تحيتي لك

[عبدالعزيز الفرج]

أنشهد انك صادق بكل ماقلت

صح لسانك مليون في مليون ولا تسدك ياعبدالله

ولاعندي زيادة على اللي قاله أخوي نايف << ما خلا لي شيء أقوله


عن إذنك نسخة للركن نبي نتعلم منك ونميّز بها الركن :)