صوت / محمد العريدي .. صدى / ناشر العاطفي

[محمد العريــدي]

[align=center]قصيدة محمد العريدي[/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
يالعاطفي..للشعر مُوقف وميعاد= خلك معي والكل يحسب حسابه
وأنته من أهل الشعر يانسل الأجواد= لك ماقف ٍ.. يالقرم كل ٍ درابه
رجل ولك بالطيب .. مصدر وميراد =ذيب ٍ ولد ذيب ..ٍ سلايل ذيابه
ياناشر إسمعني .. لك العلم ينقاد= فتحت قلبي .. والصدر فك بابه
لي صاحب ٍ ماعنّه اليوم نشّاد= أقفت مراسيله.. وطوّل غيابه
صبرت مير الصبر ياخوك مافاد =ماعاد لي بالصبر حيل وصلابه
في غيبته شفت العزاير والأنكاد= وهليت دمعي مثل وبل السحابه
وعفتْ المنام وعفت للشرب والزاد= والحال مايرضي جموع القرابه
المشكلة .. ماني على الصد معتاد= مير البلا .. قفّى وقفت ركابه
وش حيلة اللي شوقه اليوم مزتاد= أقفى وليفه .. وأبتعد مادرابه[/poem]



[align=center]قصيدة ناشر العاطفي .. [/align]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

يامرحبا ياشبل يانسل الاسياد= شبل(ن)سقوه الطيب باول شبابه
يستاهل الترحيب موروث الاجداد= الشاعر اللي جاد فن الخطابه
وانا وريث اجداد من ضمن الاحفاد= اهل الوفى والطيب واهل المهابه
شاعر ورثت الشعر من لهجة الضاد= يطربني المسحوب على الربابه
قلبي ضحية حب والحب لاعاد= صار اكثر الصدقان يشكي صوابه
اخرهم محمد حصل عكس ماراد= اقفى وليفه قبل يسمع جوابه
ترى الهوى ياخوك من عصر الامجاد =كل(ن) على ماقيل مثلك شقابه
اضرب مثل في قيس والا إبن شداد= عملة لها وجهين دايم تشابه
ان كان صده منك هجران وعناد= قله مراح امقيط واللي غزابه
وان كان دونه حال واشي وحساد= قله عسى المعبود يسقي ترابه
واصبر عسى الايام تلفي بالاعياد= يصير ابوها عم واهله نسابه
ادري واعرف ان الصبر علة أكباد= لاطول الغيبات حضرت جنابه
هذى صدى صوتي على بحر الاسناد= والشعر فيه إياب يشبه ذهابه [/poem]

[نادر النمر]

1

:)

[ذيب الينوفي]

محمد العريدي

صح لسانك

وصح لسان العاطفي

[البارع]

محمد العريدي.....صح لسانك عدد بلا مدد ....جزله ووافيه

وصح لسان خويك......

[عبدالله المرشدي]

[align=center]صح لسانك وعلى شانك

يامحمد العريدي


صوت وصدى رائعين


لاهنت

تحيتي لك

وتقديري[/align]

[إبن ثعلي]

صح السانك يالعريدي ولايهون العاطفي قصيدتين جزلتين
تحياتي

[روقي قرم]

صح لسانك يالبناخي

وصح لسان العاطفي

قصيده جزله ورد جزل
ماهي غريبه عليك طال عمرك
الي الامام دايم ان شاء الله
تقبل مروري

[فراس المطيري]

صوت


و



صدى




كل واحد اروح من الثاني



صح لسانكم



جميعاااااا




جزاله وابداع وفن




تحياتي وتقديري




اخوكم

[ابن مسلم]

صوت


و



صدى




كل واحد اروح من الثاني



صح لسانكم



جميعاااااا

[رشيد الكسر]

صوت وصدى رائعين


صح والله لسااااااااانك وصح لساااااااااان العاطفي

رائعين بحق

تقديري

رشيد الكسر