الزين ماهو مـن شـروط الرجولـه

[اخو من طاع الله]

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

قاالت ترى منت بحلو قلت رجـال
والزين ماهو من شروط الرجولـه

الزين يلقى عنـد لباسـة الشـال
والرجل زين ان كان زانت فعولـه

قالت علامك تلبس شماغ وعقـاال
انت بدوي؟ قلت بدوي ومن حموله

ما ألبس بناطيل لها الوان واشكال
وامتر الشاارع بعرضـه وطولـه

قالت اجل راعـي معاميـل ودلال
شرب القهاوي تحسبونه بطولـه

كيفي يابنت الحضر دله وفنجـال
وحليب خلفـه بالمـراح معقولـه

وحب الكرم والجود وعلوم الابطال
مغروس فينا من زمـان الطفولـه

قالت ترى بنت البدو حظها مـال
قلت احذري حذرا تكوني جهولـه

بنت البدو يابنت مضرب للامثـال
فووق الجمال وطاعة الله خجولـه

ماحطة اصباغ ولا حطـت ظـلال
ولا سيرة بالسوق سيـر مهبولـه

هي مهرة تصعب على كل خيـال
وانتي ومثلك عسفهن بالسهولـه

قالت تغزل بي وشف حبة الخـال
ناظر عيوني والرموش الكسولـه

قلت العفو مايجتمع حـب وهبـال
ولكـل ذوق فالمزاييـن جـولـه

قلتي وقلت وكلمة الصدق تنقـال
الزين ماهو من شرووط الرجولـه





وسلامتكــــم[/poem]


لا يعرف شاعرها

[العريدي11]

صح لسانك والله لا يهينك

[طلق الشيباني]

عبدالله الحافي صح لسانك

والله يعطيك العافيه

[رمح عتيبه]

صح لسااااااااااااااانك وسلمت

[برقاوي هواوي]

مكرر