[align=center]السلام عليـكم ورحمـة الله وبركـاته
لعـلّي في بدايـة مشـاركـاتي في هذا الصرح أن تكـون البدايه جميـله وذات
موقـف لأن البدايه على مـاقيل طريق النجـاح ..
فـ الحقيقه أحب أن تكـون بدايتي في قصيده قيلت فـي أشرف الرسـل وخاتمهم نبيّنا محمد صلى الله عليه وسلم والدفاع عنه شرف عظـيم ولو أنـّنا لن نوفيه حقّه لكن المشاعر تتغطى على التعبير .
هذه القصيده قيلة في أيام الحمله الماكره على أفضل الرسل صلى الله عليه وسلم عسى الله أن يكتب لنا الأجـر ويثبّتنا على هدي نبيّه [/align]
[poem=font="Simplified Arabic,4,black,bold,normal" bkcolor="transparent" bkimage="" border="none,4,white" type=2 line=0 align=center use=ex num="0,black"]
يابشير الخير محشوم ٍ عن التزمـيره = ياقرار العلم مخـلف وجهـة الأميّه
يالقراح العذب ياعد ٍ زلال ٍ بيره = يابحـور المعرفه مدهل بياض النيّه
ياكريم ٍ يكرم أترابك عن التقطيره = قطـّروا كـل الورود وعدّها منسيّه
إن طريت ولاح ذكرك زانت التعطـيره = يالمـلحّى اللي سماره مزنـة ٍ وسميّه
يارفيق اللي يقينه آية ٍ تدثيره = اليقين اللي غذيته في حضن سعـديّه
يامغيث ٍ غاثنا الله فيه يوم الحيره = يوم كنّا نعبد العزّى وبالمـاريّه
في رجـاو الآلهه ضقنا من التصبيره = من جهلنا ننحـني للحرّه المبنيّه
لين جاب الله يتيم ٍ سدّنا عن غيره = أكرم المهدين وأشرف وآخر المهديه
أشرقت شمسه .. تقدينا على تبصيره = وأنكشف عنـّا غطـاء البدعه الشركيّه
سيّدي بـ أمي وأبوي اللا بكل الديره = لك مغاريف اليمين ولك حصاد ايديّه
يارسول الله باعبدالله ياعطر السيره = ياصلاة الله عليك وروحـك المرضيّه
ياصواب ٍ ينطق السانك مع التشميره = يالسان العقل والمنطق ضديد الهيّه
ياعزيز ٍ عزّك الله فيه وبتكـبيره = أعتزيت وعـز تهليلك ذليل السيّه
ياطبيب الغي طبّك وافي ٍ تذكيره = وآخر الطّب المياسم مع نجاح الكيّه
كرّم الله وجهك وكرّمك عن تصويره = الخسيس اللي رضع حقده من العبريّه
شمت يـ أطهر من وطى الدنيا على تعبيره = مايدنـّسك الخبيث ولا يمسّك غيّه
مالحقنا فيك شك اللا لحقنا غيره = لك نشيل قلوبنا مع نزعـة الطاقيّه
لك نسوق أرواحنا درب ٍ بلا تدويره = في سبيلك ماني التالي و ( أخو فوزيّه )
أيه أقبّل موطـأ أقدامك عسى تكفيره = دامنـا والنا عصور صدورنا مفريّه
يامبهّر دلّتي زوّد لي التبهيره = خلـّها وزنيّة ٍ مابعدها وزنيّه
بادي ٍ لي علم والمولى هذا تدبيره = الليالي غابيه وأعمارنا عاريّه
العجم صكّت علينا قفلها تحضـيره = والصهاين وقـّعت عقد ٍ مع النازيّه
الهدف واضح جلي لو حاولوا تزويره = حملة ٍ ملعـونة ٍ والحجّه الحريّه
ودّهم يمحـون نسل ٍ باقي ٍ لمغيره = والزبيره وحمزه ومن يتيع المنقيّه
يمكرون وقسّهم يبصم على التـأشيره = والحبال معقـّده ومعقـّده مثنيّه
كل مسلم موجب ٍ دستورهم تنصيره = والرسايل تابعه برقيّة ٍ برقيّه
هدّوا أبراج التجاره شيّدوا تسويره = الجدار العنصري والخارطـه مقريّه
شافوا أبّغداد شي ٍ قرّروا تغـييره = جرّدوا ذاك العميل وشلّة البعثيّه
فجرّوا لبنان قالوا من ورى تفجيره = لفـّقوها لزّقوها في ظهر سوريّه
مانبا تقرير ( ميلس ) ماخفى تقريره = الدعاوي واضحه مـاعاد به سريّه
العرب دارت عليهم بكرة الجـنزيره = ضيّعوا دين الرسول وضاعت الغاريّه
دنـّقوا مثل الدجـاج اللي يكت شعيره = لا ملى بطنه توقـّى زرقة الشبريّه
سربّوا فينا دخيل ٍ محكم ٍ تمريره = جنـّدوه وزنـّدوه فوالة الربيـّه
باطل الحجّـه بطول وباطل ٍ تبريره = مايعرّق في طرف من مذهب السنيّه
وينه اللي عام الأول واقف ٍ معصيره = يوم جا للحق رايه ..رايته بنيـّه !
ما نبا له خير يالله تقلعه مع خـيره = مـار هو لا خير منه ولا رضى بكـفيّه
علّموا راع البعير اللي يسوق بعيره = شايل ٍ خرجه ولكـن شايل ٍ له حيّه
والله أنـّه فـالجمل بيّن لنا تاثيره = مابرك لكـن خطـر ٍ يقصـم الزوريـّه
الأمور أستفحلت والطور عن تطـويره = زاد وارتدّت علينا هجمته عكسيّه
بين فتحات الضلوع مثبّت ٍ تسميره = خالط الذل الهـوان وزوّدوه شويـّه
زادت الكيله عساها ياعساها خيره = ياعساها تنتفـض هـ الأمه المبليّه
( قاطـعوهم ) ماتسد وفكرنا تطهيره = واجب ٍ يهـل اللحى لكـن شوفوا ذيّه
يارجال الدين قوموا جاهدوا تحريره = صفـّكم من فرقة الأقسام والحزبيّه
أنتم اللي فيكم الرجـوى على تعمـيره = من طويل الراس لين البنيه التحتيّه
وإن قعدنـا حالنا هذا على تصويـره = والله أنـّي مـا أحشم الأمه عن المرثيـّه
يارسول الله ياعبدالله ياعطر السيره = ياصلاة الله عليك وروحـك المرضيّه
لك نسوق أرواحنا واللي ظهر تزمـيره = من تعرّض لك تراهم شلّة ٍ مكفيّه[/poem]
[align=center]وســلامتــكم [/align]
| 
|
03-21-2007, 12:45 AM
المواضيع المتشابهه
العرض العادي
