مشكله

[سلطان القثامي]

السلام عليكم

صارت لي مشكله بجوالي ومدري وش العله....اسمعوا القصه

كنت جالس اتفرج فيه...وعلق....قمت طفيته ورجعت شغلته

لقيت البطاريه ناقصه واجد....وعندي 8 رسائل جديده

كلها call me ......

يعني الرسايل ما تجي بوقتها....امس انرسلت وما شفتها الا الظهر

[سندريلا عتيبه]

انا جهازي الاماكن وعلق معي كذا مره مدري وش فيه وديته الضمان ولا نفع

[سندريلا عتيبه]

انت وش جهازك ؟؟؟؟؟؟؟؟

[إبن ثعلي]

الجهاز اللي ماينفع ارموه ودوروا غيره لاتقعدون تشكون
تحياتي

[سلطان القثامي]

طال عمرك انا معي المدمر....ويسمى كذلك الفارس ... اللي يقولون فيه صليب

[إبن ثعلي]

المدمر فيه مشكله ينفجر في مخبا راعيه انتبه منه بطاريته لثيوم
تحياتي

[ރسلايـل المجـدރ]

اخوى سلطان سوى له فورمات

وابي اعطيك طريقة للفرمته

وبعدها راح تنحل مشكلتك ان شاء الله

بس اهم شي تحفظ ارقام الجولات لانه راح تنمسح مع الرسائل

واذا كانت الرسائل مخزنه بالمموري طلع المموري وسو الفورمات

طريقة الفورمات

الضغط على زرالرد باللون الاخضر + الرقم 3 + النجمه مع بعض

وخل احد يطفي الجوال وانت ضاغط على هالازر مع بعض

وبعيدن يشغل الجوال مرة ثانية وانت ضاغط على الازره

وراح يبداء الجهاز بالفرمته

يبداء لون ابيض من يسار الشاشه لليمين وبعدها يتفرمت الجوال

اتمنى انى قدرت اخدمك

سلاااااااااااام

[غريبة الوطن]

call me
يعني اتصل بي
انتبه ممكن يكون فايروس مرسل لك
وانا نفس الشي جهازي الفارس يطفي فجأه ويعلق بس ما ادري ليه
واخوي بن ثعلي صدق اللي تقوله ينفجر الله يستر



تحيااتي

[سندريلا عتيبه]

انا ماراح اغير جهازي لانه حلو وكل من شافه يقول عنه راقي والا وش اللي مخليني اتحمله

[سلطان القثامي]

الله يجزاك خير يا بن ثعلي...هو وقت وان شا الله اجيب غيره....سلمت يا راعي سبلا

مشكوره يا غريبة الوطن....الشكل ما يهم يا بنوتة عتيبه....المهم ميزات الجهاز