دعوه عامه للجميع

[alosaimi]

ملاحظة:ستقام محاوره شعريه كلا من الشعراء

حمدان العصيمي و محمد السناني

حزام العصيمي و عبدالله بن عتقان

خالد العصيمي و فواز العزيزي

حياكم الله وحضوركم تشريف ماهو تكليف

[ابوسـعد]

لا يمكن تقديم دعوة لحفل زواج بهذه الطريقة في منتدى عام الا بطلب مباشر من صاحب الدعوة للإدارة وشكرا
ونرجو عدم تكرار الدعوة بهذه الطريقة اربع مرات!!

[alosaimi]

على العموم الله يبارك فيك

وصاحب الدعوه الشيخ عياد العصيمي
والدعوه لجميع رجال منتدى العتبان خاصه ورواد المنتدى عامه

هذي دعوة حفل زفاف وفي الحفل محاوره شعريه

الله محييكم على كل حال واذا مضايقتك الدعوه شيلها انا قدمت دعوه في جميع منتديات عتيبه

مافي احد قالي مثل ما قلت صدمتني صراحه

[نايف تراحيب]

مبروك مبروك يالعصيمي وبالرفاه والبنين

وعلى القوه


لاهنت


/


،

[alosaimi]

المشاركة الأصلية كتبت بواسطة نايف تراحيب مبروك مبروك يالعصيمي {وبالرفاه والبنين} وعلى القوه لاهنت / ،

الله يبارك فيك يا وجه الخير يكفينا مرورك وكلامك الجميل وحضورك يزيدنا شرف

بيض الله وجهك ابن تراحيب

[ابوسـعد]

المشاركة الأصلية كتبت بواسطة alosaimi على العموم الله يبارك فيك وصاحب الدعوه الشيخ عياد العصيمي والدعوه لجميع رجال منتدى العتبان خاصه ورواد المنتدى عامه هذي دعوة حفل زفاف وفي الحفل محاوره شعريه الله محييكم على كل حال واذا مضايقتك الدعوه شيلها انا قدمت دعوه في جميع منتديات عتيبه مافي احد قالي مثل ما قلت صدمتني صراحه

ياهلاااوسهلا بك وبصاحب الدعوة ولكن لا بد من ان يتقدم صاحب الدعوة بطلب خطي لمدير المنتديات من اجل نشرها...اما النشر بدون طلب من صاحب الدعوة فهذا مخالف لأنظمة المنتدى..
نرحب بك وندعو للزوجين بالرفاه والبنين..وللحضور بالهناء..وياهلاوغلا

[alosaimi]

يعني تقصد اقول لبوي انه يكتب كتاب طلب فيه تقديم دعوه ويرجو الموافقه عليه لكي ينشرونه في منتد عتيبي

وينتضر الموافقه حتى ان يوافق صاحب المنتدى ويمكن يوافق ويمكن لا
وفرضنا وافق ينشرها
اجل خلص الحفل والكتاب ما وصل

ما عدك واسطه يا عزيزي تمشيها لنا هالمره

اقول ابو سعد رعاك الله هذي الدعوه كتبتها واعتقد في ناس تشوفها وتبي تبارك

رح كلم صاحب الدعوه اللي تقول عنه فضلا ليس امرا
وقوله عصيمي من العتبان دخل منتدى عتيبي ويدعوكم للحفل المذكور اعلاه
ان جيتوا نشيلكم بعيونا وعيال عمنا وربعا وعزيزين
وان ما جيتوا عزيزين دايم
بيض الله وجه صاحب فكرة خط يد كتابي من صاحب الدعوه

فمان الله ابو سعد

[ابوسـعد]

الجميع يدعون لهم بالبركة..والله يوفقهم جميعا وبالرفاه والبنين لكل من يتزوج..ولكن نشرها في المنتدى غير لائق بدون موافقه صاحب الشأن...والدك الله يحفظه وإدارة المنتدى رعاها الله...وما شاء الله منتديات الهيلا كثيرة وخاصة ذوي عاصم الله يوفقهم...وما يحتاج لك واسطه...المهم تبي لهم الدعاء وهذا هو بمشيئة الله وصل..وياهلاوسهلا

[ناصر بن سعدي]

من الأعماق نبارك لـ العريس ذويه .. وبإذن الله نكون من أول الحضور ,,

ونتمنى للعريس حياة زوجيـة سعيـدة ..

ونشكر من قدم لنا الدعوة ,, وتعليقاً على إستاذي أبو سعـد .. دعوات مناسابات عتيبة مافيها أي مشكلة .. خاصةً الأفراح التي تكون من أعضاء موثوق بهم .. وأصحاب هذه المناسبة وردنا منهم إتصال .. وبالتوفيق لهم ..

[ابوسـعد]

وإذا حضر الماء...ايها العزيز الغالي ..يكفي ..ووجودك هو الحل..يالله انك تحييه..والخوف كل الخوف من بعض التوريطات التي قد تحصل من مثل هذه الدعوات الغير معروف مصدرها...اعرف ان البعض يسوي دعوات القصد منها الاضرار بصاحب الدعوة...واخونا الله يحفظه ..نشر ها اربع مرات في المنتدى..وكان قصدي ان يأخذون اذن الإدارة في النشر..او ان يكون لديكم يحفظكم الله خبر....والحمدلله حضورك سعادة..ويمكنك التصرف بما تراه..وياهلاوغلا