خلك معي ظالم بلا قدر وحدود !!!!!!!!!!!!!!

[فيصل المسعودي]

مفلح بن غالب المريبيط



[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]
اجرح وعاند واقس يا ناعم العود =
واضرب مثل في العنف واللامبالاه

واطعن بسهم عيونك الغنج والسود =

لا ترعوي عاشقك ما يعرف الاه

اجلس بظل وزاهي الزل ممدود =

واحكم علي اقف بحر ورمضاه

امر وانفذ دون تحتاج لجنود =

وليا شكا قلبي تلذذ بشكواه

خلك معي ظالم بلا قدر وحدود =

وانا اتحمل كل ظلم ابا القاه

مارس معي ارهاب واجحاف وجحود =

وخلك بشر لمن بغى شي سواه

ما دام حبك داخل القلب موجود =

امر واجيب اللي تريده وتبغاه

لو قلت ابي مليون قدمتك زود =

ون قالوا اشبك قلت مالي ويفداه

ولو قلت من كمبوديا جيبلي عود =

رحت وشريت العود واخترت فاغلاه

ولو قلت من در البحر عطني عقود =

صنعت بيدي انفس الدر واحلاه

ولو ما تريد يكون بافواه الاسود =

هاجمت ليث الغاب وابقدر اقواه

ولو قلت ابي هالدرب والدرب مسدود =

فجيت لك درب يشقه الى اقصاه

بس المهم يصيح ما بيننا عهود =

والكل ما يغدر بعهده وينساه

نبقى كذا خلان ما نفترق كود =

عند انقطاع الروح في لحظة وفاه[/poem]

[بوشامه]

صح لسانك يافيصل على ايراد هذه القصيده الجزله وصح لسان الشاعر المريبط000

[برقاوي هواوي]

صــح لسانك اخوي فيصل المسعودي وبيض الله وجهك على النقل الجميل

[مخاوي النشامى]

صح لسانك أخوي فيصل المسعودي
ولسان قائلها

[النـايــــــف]

صح لسانك اخوي فيصل المسعودي


وصح لسان مفلح بن غالب



وبيض الله وجهك يا الغالي


على هذا الاختيار الرائع


تحياتي لك ،،،،

[إبن ثعلي]

مشكور اخوي فيصل على حسن الاختيار ولاهنت
تحياتي