كل ٍ له أسلوبه بطرح أفكاره

عادل العصيمي · 10-07-2009, 08:16 PM

:11612_1214554985:

أسعد الله أوقاتكم بكل خير

صوتيــة هنـــــا

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
ياهاجسي حلّق كما الطيارة = على بحور الشعر وأعمل غارة
لو كثرة الغارات فوق بحوره = كلٍ له أسلوبه بطرح أفكاره
وأنا من الشعار وألي أسلوبي = كتبت بالخط العريض شعاره
مجموعة الترديد ما ني منهم = ما أمشي بدرب ٍ ثار عج غباره
اذا مشيت أمشي طريق لحالي = ما ناش حزمه جرة السيارة
واذا لقيت اللي تناسب شفي = نخيت هاجوسي وولع ناره
وأقوم أدايرها وعيني فيها = لين إن عبرودي يصيب الشارة
في روضةٍ قد ناشها وسمية = فيها الخزامى فايحات أزهاره
تعجبني الألحان وأسري معها = يصيبني بعض اللحون بزاره
ياسرع ما يغمى عليّه وأصحى = والصبح ما فجت علي أنواره
واذا بدى بدر القصيدة كامل = والطرقي العابر وصل مشواره
ماني من اللي يبعدون السجّة = في سرمدية كنها الدوارة
يتعب عباد الله ويتعب روحه = لين العرب ما تلتفت لأشعاره
ياهاجسي تم الكلام ويكفي = خير الكلام اللي ينوب قصاره
ترجمت ما في خاطري من معنى = عزفت من نظم القصيد أوتاره [/poem]

:11612_1214555016:

**شيخ الشيوخـ** · 10-07-2009, 08:23 PM

ياسلام ياسلام ياسلام

صح لسانك ياعادل قصيده تطرب وتعجب وتحفظ وتكتب

لاهنت

عادل العصيمي · 10-07-2009, 08:53 PM

شيخ الشيوخ

صح بدنك وشاكر لك مرورك العطر

لا هنت

.

ناصر بن سعدي · 10-07-2009, 09:47 PM

شاعرنا الرائع..

عادل العصيمي ..

صح لسانك..

ونص جميل يحمل فكر وفلسفة شاعر ..

وأقوم أدايرهـا وعينـي فيهـا
لين إن عبرودي يصيب الشارة

نص أعجبني .. وبالتوفيق لك في كل رحلاتك :)

وتقبل خالص تحياتي ..

تركي ابن خالد · 10-08-2009, 01:48 AM

.’.

الله الله

مبــــدعً وربيً صحً السآإنكً ملآإينً

واللهً لآيضركً

.’.

نايف تراحيب · 10-08-2009, 04:47 AM

عز الله انك اصبت

وبيض الله وجهك ياعادل على هالكايفه

ودي

/

،

المستحيله · 10-08-2009, 10:56 AM

[grade="00008b ff6347 008000 4b0082"]عادل العصيمي ..

صح لسانك على تلك الفاتنة
النابضة بالحكمة .. المكتسية بالتجربة

صح لسانك .. صح لسانك

تحياااااااااتي [/grade]

قوت القلوب · 10-08-2009, 02:02 PM

الله عليك ياعاادل
ابيت راائعه
صح لساانك
مليون
تحيااتي

عادل العصيمي · 10-08-2009, 05:12 PM

المشاركة الأصلية كتبت بواسطة ناصر بن سعدي

شاعرنا الرائع..

عادل العصيمي ..

صح لسانك..

ونص جميل يحمل فكر وفلسفة شاعر ..

وأقوم أدايرهـا وعينـي فيهـا
لين إن عبرودي يصيب الشارة

نص أعجبني .. وبالتوفيق لك في كل رحلاتك :)

وتقبل خالص تحياتي ..

كلك ذوق ياناصر

صح بدنك ولا هنت على مرورك << سوا سوا

تقديري

.

عبدالله المرشدي · 10-08-2009, 06:49 PM

صح لسانك وعلى شانك

ياعادل ابعدت

ابدعت بحق

تحيتي لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع	تقييم هذا الموضوع
العرض العادي الانتقال إلى العرض المتطور الانتقال إلى العرض الشجري	تقييم هذا الموضوع: