بيض الله وجه من علمه ...جميل

[البارع]

تحيه طيبه ... وقصيده لمن يستحقهاا..

[poem=font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
بيض الله وجه من علمه جميل=المدير اللي علومه وافيه
كل قولٍ ننطقه معنا دليل= وفزعته فيها الادله كافيه
يوم جيته لاكثير ولاقليل=مثل من يمشي ورجله حافيه
من سوات الوقت والدرب الطويل=والظروف اللي ماههي بخافيه
وانتهض في كفه السيف الصقيل=واليماني تحت فعله هافيه
اشهد اته مثل براق المخيل=لاغطت سحبه زراق الصافيه
مايجود الوشم في غيره بديل=من قديم الوقت ولافي لافيه
الله انه يرزقه عمرن طويل=في رغد وانه يديم العافيه
قلتها صادق ولاني بالبخيل=في شكر شرواه ازف القافيه
يوم بعض الناس ماعنده حصيل=ولايمدك بالعلوم الشافيه[/poem]

[ناصر بن سعدي]

ياسلام عليك يالبارع


نص رائع ..


والممدوح يستحق كل ماقيل فيه ..

بس لو ذكرت إسمه كان لاتقول ..


وبيض الله وجهك بعد ..


وتقبل خالص تحياتي ..

[البارع]

المشاركة الأصلية كتبت بواسطة ناصر بن سعدي ياسلام عليك يالبارع نص رائع .. والممدوح يستحق كل ماقيل فيه .. بس لو ذكرت إسمه كان لاتقول .. وبيض الله وجهك بعد .. وتقبل خالص تحياتي ..

لاهنـــت يابن سعدي... ومروركــ شرفني كثيراَ ...وماعليك زود يابوتراحيب

والممدوح ياطويل العمر... هو الاستاذ/عبدالله عبد الرحمن المنيع مدير مستشفى

شقراء العام ... لفضائله الكثيره علي وقد ارسلتها على جواله وقد نالت استحسانه

ولله الحمد ... والطيب مايجي الا من طيب ...

[النجم الأصيل]

بيض الله وجهك يالبارع وصح لسانك

[عبدالله المرشدي]

البارع


بارع كعادتك

صح لسااانك

وعلى شانك

ومن حصل المدح يستاهله

تحيتي لك

[سلطان بن محسن]

صح لسانك يالبارع وبيض الله وجهك

والممدوح يستاهل دامك كتبت له هالقصيده الجزله

تقبل تحياتي واعجابي

[فهيد مقعد الرويس]

الله الله

يالبارع

لك من اسمك نصيب في كتابة القصيده وبكل براعه

وانت كفو والممدوح يستاهل

صح لسانك مدد

تحيتي وتقديري

[رشيد الكسر]

البااااااارع


صح والله لسا1111111111111نك ولاهان راااسك على هالجزله

ويستاهل المدح من حصله

رااااااااااائع


تقديري واحترامي

رشيد الكسر

[البارع]

المشاركة الأصلية كتبت بواسطة النجم الأصيل بيض الله وجهك يالبارع وصح لسانك

ووجهكـ ابيض يالنجم الاصيل, شاكر للك مروركـــ.. و تقبل اطيب تحيه ...

[البارع]

المشاركة الأصلية كتبت بواسطة عبدالله المرشدي البارع بارع كعادتك صح لسااانك وعلى شانك ومن حصل المدح يستاهله تحيتي لك

مرحبا بكــ يابو بدر ... وحياكـــ الله ,,, شاكر لك مرورك وثناءكـــ ,,