إليا جهلت انشد ترى مابها عيب

[برقاوي هواوي]

[poem=font="Simplified Arabic,6,black,bold,italic" bkcolor="transparent" bkimage="" border="none,4,red" type=1 line=1 align=center use=ex num="0,black"]
إليا جهلت انشد ترى مابها عيب =لاتنخدع للجهل وانت السبايب
عيب الفتى مافيه شكٍ ولا ريب =ترك الفروض وقطع وصل القرايب
والعيب ترك ملزمات المواجيب= وتبع الردا ومجالسة كل خايب
فالتجربه برهان مافيه تكذيب= وليا جهلت انشد من القوم شايب
ولا اقول يوجد شايبٍ يعلم الغيب= الغيب يعلم به مدير الهبايب
لاشك يوجد شايبٍ له تجاريب = ومن الدهر شاف الفكر والعجايب
بيضٍ نواصي جبهته كلها شيب= من كثر ما مرت عليه المصايب
قد صارع الدنيا على الخبث والطيب= في البحر والا فوق عوص النجايب[/poem]


شعر / رشيد بن زيد الزلامي

[ރسلايـل المجـدރ]

برقاوي هواووى

اختيار رائع

لاهنت على نقلك

وبنتظار روائعك المنقولة

اخوك

راعي سبلا

[مخاوي النشامى]

برقاوي هواوي
سلمت يالذيب على نقلك للقصيدة الجزلة
من أهل الجزلات

[سلطان القثامي]

سلمت يالذيب على هالمنقوله......وبانتظار جديدك

[إبن ثعلي]

مشكور يابرقاوي هواوي على اتحافنا بهذه الرائعه للشاعر رشيد الزلامي
تحياتي

[برقاوي هواوي]

تسلم أخوي راعي سبلا على المرور والله يعطيك العافية

[برقاوي هواوي]

الله يسلمك أخوي مخاوي النشامى وتسلم على المرور الجزل

[برقاوي هواوي]

الله يسلمك أخوي سلطان ولاهنت على المرور

[برقاوي هواوي]

العفو أخوي بن ثعلي ولاهنت على المرور

[محمد العتيبي]

برقاوي هواوي

بيض الله وجهك على النقل الجزل..
وصح لسانك ولسان الشاعر رشيد الزلامي

إليا جهلت انشد ترى مابها عيـب
لاتنخدع للجهـل وانـت السبايـب

تحياتي لك