البويات ومشكلتنا معهم .....

[قلب الذهب]

مررررحبــااااا ....

حابه اوضح بدايةً انو انا انسانه لا اجيد فن المقدمه لذلك حابه اتكلم طوالي بموضوعي

>> قبل فتره كذا موب بعيده نشر الاعلامي ياسر العمرو مقاله عن البويات وتكلم فيها
انو البويات خطر على المجتمع النسائي وانو يجب على الجهات الحكوميه والجهات
الرسميه انو يوجدون عقاب لكل وحده مسويه فيها بويه اقلها انهم يمنعونها من دخول الاماكن العامه

.... تقريبا هذا ماطالب به ياسر العمرو واخونا ف الله يقاله كذا اوجد مشكله
وثمن طرحها وثمن اوجد لها حل
انا مانيب احسن من ياسر ولا جايه اصحح له مقاله كتبها بس كذا وانا اطالع بمقالته
تذكرت شغلتين
الاولى انو قبل فتره كنت اطالع برنامج للدكتور طارق الحبيب واذكر انو اتصلت عليه
وحده بوويه ودها تكون بنت طبيعيه
طبعا دكتور طارق اذكر انو سألها سؤال مهم
سألها >> انتي تشوفين نفسك بويه بالمظهر والا المخبر؟؟؟

وبعد ماخلص حواره معها علق الدكتور تعليق مرره اعجبني
قال انو بعض البويات تسوي كذا عشان هي ترتاح نفسيا بهذا المظهر
وممكن لو غيرت مظهرها نفسيتها راح تتعب
وفي البعض من البويات تسوي كذا لاشياء جد شاذه وف ذا الحاله مايجوز للبويه الاختلاء
مع اي بنت وقصده هينا لايجوز نفسيا وشرعاً

اللي ف راسي الحين بسألكم
احنا ليش دايم مجتمع تحت الطاوله ؟؟؟
يعني الى متى ونظرتنا لحل المشكلات تكون بالقمع زي مااقترح ياسر العمرو بمقاله
انا ماني ب مع ظاهره البويات بس بعد ليش نسلط الضوء بس عليهم ونهمل الشاذات
غيرهم واللي يسون افظع من البويات
البويات اقلها حطو زي مايقولون "على راسهم ريشه وعرفوهم البنات" وبالتالي البنت اللي عقلها براسها بتعرف مين تصادق او مين تماشي
اعتقد انو نظرتنا للامور لازم تتغير ولازم قبل مانطرح اي موضوع اقلها يكون ادراكنا تجاهه
اعمق واوسع من السطحيه واعطاء الاحكام على عجل ....

[خيّال الهيلا]

صح كلامك واتفق معه ياجود الأسعدي..
لأن كل مشكلة او كل جريمة لأبد يكون فيه خلفها سبب ..

وغالباً البويات عندهم نقص في داخلهم ويعوضونه بهالظاهره..
وقليل اللي سببها شذوذ داخلي.. وهنا يتعالجون نفسياً ويمكن هم من يقمعون ..

ولأن الغالبيه تحتاج بس اعادة الثقه وتعويض النقص..
فمثلاً احياناً يكون السبب لأن اللي ببيئتها كلهم رجال وفيه تفريق بينهم ..
فتلجئ هي وقتها تصير بويه حتى تكون مثلها مثلهم!
هنا لأبد يحسسونها انها انثى ومافي فرق ابد عنهم ..

وتتعدد الاسباب.. ولكل سبب له طريقته في العلاج..
من ناحية .. سالفة انها تخرج بسهولة.. صعبه..
احياناً يمكن تطول السالفة معهم ويبقون يعجزون معها ..
فلا يستعجلون .. لكل شيء فيه مفتاح يقدر من خلالها يغيّر ويبدّل..


شكرا لك جود..

[الأدميرال]

روي عن المصطفى صلى الله عليه سلم انه :

(( ‏لعن ‏ ‏المخنثين ‏ ‏من الرجال والمسترجلات من النساء
وقال أخرجوهم من بيوتكم وأخرجوا فلانا وفلانا ‏ ‏يعني ‏ ‏المخنثين ))

حقاً بات الكثير منا يشاهد تلك الفئة من النساء اللاّتي فسخن ثوبهن المطرز بالرقة والنعومه إلى ثوب آخر
حينما أنظر إليهم والله اني اتحسر على حالهم واقول في نفسي ..

(( أي جيل سوف يتربى على يد هؤلاء أمهات المستقبل ))

وأنا أرى بأن الاسباب في انتشار تلك السلوكيات المستهجنة عديدة

ولذا يجب أن يبدأ الوعي من البيت

فقد تكون الفتاة وحيدة وسـط أولاد أو التدليل الزائد و الشـدة الزائدة

أو تعامل الأهل يكاد يفتقر إلى الاهتمام والعطف

مما يجعلها تحاول تعويض النقص في هذا الجانب بشيء آخر

و هذا السلوك قد يكون نتيجة تطبيق عبارة

(( خالف تعرف ))

اعلمي ان الموضوع يطول في شرحه لما له
من أهمية في حياتنا ولكنني هذا ما حاولت أن أتطرق إليه
فاسمحي لمداخلتي بحروفها الصغيره
عبر طرحك الجميل فلكِ مني الود والتقدير

[عبدالله الحيص]

[قلب الذهب]

المشاركة الأصلية كتبت بواسطة خيّال الهيلا صح كلامك واتفق معه ياجود الأسعدي.. لأن كل مشكلة او كل جريمة لأبد يكون فيه خلفها سبب .. وغالباً البويات عندهم نقص في داخلهم ويعوضونه بهالظاهره.. وقليل اللي سببها شذوذ داخلي.. وهنا يتعالجون نفسياً ويمكن هم من يقمعون .. ولأن الغالبيه تحتاج بس اعادة الثقه وتعويض النقص.. فمثلاً احياناً يكون السبب لأن اللي ببيئتها كلهم رجال وفيه تفريق بينهم .. فتلجئ هي وقتها تصير بويه حتى تكون مثلها مثلهم! هنا لأبد يحسسونها انها انثى ومافي فرق ابد عنهم .. وتتعدد الاسباب.. ولكل سبب له طريقته في العلاج.. من ناحية .. سالفة انها تخرج بسهولة.. صعبه.. احياناً يمكن تطول السالفة معهم ويبقون يعجزون معها .. فلا يستعجلون .. لكل شيء فيه مفتاح يقدر من خلالها يغيّر ويبدّل.. شكرا لك جود..

العفو ...وفعلا اخوي خيال الاسباب كثيره ازيدك منها
ممكن غياب الاب او ممكن بعد تشجيع الاب للبنت انو
كًوني كذا انا قابلت كثير كانو يحكون انو ابهاتهم اللي يشجعون فيهم
على كذا واكيد اكيد زي ماانتى قلت انو الاسباب اكثر من كذا
واحنا يمكن قلنا بعضها.... بس بعد مو كل البويات صارو كذا
بس عشان الشكل ...ايوه في مشكله ولو طلبنا من بعض البنات
انهم يتكلمون عن الاذى اللي قد صارلهم من قبل بويه لردو عليك كثير
بأشياء انتى بتنجن لو سمعتها...

بس انا كان الهدف من طرحي حاجتين ..
الاولى : انو مو بس البويات اللي ممكن يتصرفون بشذوذ لا في غيرهم
ويسوون اكثر منهم ومو لازم نحكم على كل بويه خطاء ونغض النظر عن غيرهم
الثانيه : سؤال ليش نمنع شخص بأنه يظهر بالصوره اللي يبيها اذا مأأذى
غيره بتصرفه او ازعجه
>> اوضح شي انا لا مع الظاهره ولا ضدها بأسلوب قمعي
اعتذر عَ الاطاله...

[قلب الذهب]

المشاركة الأصلية كتبت بواسطة الأدميرال روي عن المصطفى صلى الله عليه سلم انه : (( ‏لعن ‏ ‏المخنثين ‏ ‏من الرجال والمسترجلات من النساء وقال أخرجوهم من بيوتكم وأخرجوا فلانا وفلانا ‏ ‏يعني ‏ ‏المخنثين )) حقاً بات الكثير منا يشاهد تلك الفئة من النساء اللاّتي فسخن ثوبهن المطرز بالرقة والنعومه إلى ثوب آخر حينما أنظر إليهم والله اني اتحسر على حالهم واقول في نفسي .. (( أي جيل سوف يتربى على يد هؤلاء أمهات المستقبل )) وأنا أرى بأن الاسباب في انتشار تلك السلوكيات المستهجنة عديدة ولذا يجب أن يبدأ الوعي من البيت فقد تكون الفتاة وحيدة وسـط أولاد أو التدليل الزائد و الشـدة الزائدة أو تعامل الأهل يكاد يفتقر إلى الاهتمام والعطف مما يجعلها تحاول تعويض النقص في هذا الجانب بشيء آخر و هذا السلوك قد يكون نتيجة تطبيق عبارة (( خالف تعرف )) اعلمي ان الموضوع يطول في شرحه لما له من أهمية في حياتنا ولكنني هذا ما حاولت أن أتطرق إليه فاسمحي لمداخلتي بحروفها الصغيره عبر طرحك الجميل فلكِ مني الود والتقدير

شكـــراً لمداخلتك اخووي اوافقك الرأي واشاركك ألمك بعد بخصوص الاجيال اللي بتطلع تحت يدين كذا امهات ...
كلامك صح ... يعطيك العافيه

[خيّال الهيلا]

المشاركة الأصلية كتبت بواسطة جود الاسعدي العفو ...وفعلا اخوي خيال الاسباب كثيره ازيدك منها ممكن غياب الاب او ممكن بعد تشجيع الاب للبنت انو كًوني كذا انا قابلت كثير كانو يحكون انو ابهاتهم اللي يشجعون فيهم على كذا واكيد اكيد زي ماانتى قلت انو الاسباب اكثر من كذا واحنا يمكن قلنا بعضها.... بس بعد مو كل البويات صارو كذا بس عشان الشكل ...ايوه في مشكله ولو طلبنا من بعض البنات انهم يتكلمون عن الاذى اللي قد صارلهم من قبل بويه لردو عليك كثير بأشياء انتى بتنجن لو سمعتها... بس انا كان الهدف من طرحي حاجتين .. الاولى : انو مو بس البويات اللي ممكن يتصرفون بشذوذ لا في غيرهم ويسوون اكثر منهم ومو لازم نحكم على كل بويه خطاء ونغض النظر عن غيرهم الثانيه : سؤال ليش نمنع شخص بأنه يظهر بالصوره اللي يبيها اذا مأأذى غيره بتصرفه او ازعجه >> اوضح شي انا لا مع الظاهره ولا ضدها بأسلوب قمعي اعتذر عَ الاطاله...

السلوك الشاذ .. مهما كان يبقى مرفوض من المجتمع ..
لأن المجتمع دائماً حتى يشبهونه بالجسد ..
فاي شيء شاذ في الجسد طبيعياً بتكون له ردة فعل تحاربه ..
وهذا هو الشيء المطلوب .. فتراكم الشاذ وفتح الباب لوجوده بيخرب الجسد نفسه..
يعني يخرب المجتمع في الأخير ..

الحرية لها الف باب .. مايعني الحرية موجودة نفتح احقية التصرف دون آخذ رأي البقيه!
وماهي مسألة آذيه .. فبمجرد هي مراهقة وبويه..
الآذيه بترجع عليها قبل ماتسبب غيرها .. يبقى اكيد مو بالقمع .. بالعلاج كل شيء له حل ..

[قلب الذهب]

المشاركة الأصلية كتبت بواسطة خيّال الهيلا السلوك الشاذ .. مهما كان يبقى مرفوض من المجتمع .. لأن المجتمع دائماً حتى يشبهونه بالجسد .. فاي شيء شاذ في الجسد طبيعياً بتكون له ردة فعل تحاربه .. وهذا هو الشيء المطلوب .. فتراكم الشاذ وفتح الباب لوجوده بيخرب الجسد نفسه.. يعني يخرب المجتمع في الأخير .. الحرية لها الف باب .. مايعني الحرية موجودة نفتح احقية التصرف دون آخذ رأي البقيه! وماهي مسألة آذيه .. فبمجرد هي مراهقة وبويه.. الآذيه بترجع عليها قبل ماتسبب غيرها .. يبقى اكيد مو بالقمع .. بالعلاج كل شيء له حل ..

كلامك صح ولا اشكك فيه ابد واعتقد انو ذكرت ف ردي لك فيما معناه
" انو لكل شخص حريه شخصيه دامه موب جالس يزعج غيره"
اتفق معك خمس الاف بالميه انو اللي تتصرف كذا تأذي نفسها قبل كل شي
اشكرك عَ مداخلاتك معاي جد افادتني وزادتني شي اكيد

[السعار]

[justify]مشكورة أختي جود على طرح هذا الموضوع الحساس كما لكي الشكر على شجاعتك لادبية في طرحه.
اولا : كلمت بويات ليست عربية ومن الاحسن اطلاق كمة (مسترجلات) مثل اطلاق كلمة المخنثين على المتشبهين بالنساء من الرجال.
ثانيا: المشكلة ليست جديده بل هي قديمة قم الانسانية هي ليست جديده ولكنها تكثر وتقل حسب تعامل المجتمعات معها.
ثالثا: يجب أن ينظر المختصن في علم الاجتماع في هذه المشلة ووضع ضوابط وحلول للتعامل معها دون لاضرار بالناس.
رابعا: يجب على علماء التربية توضيح العيوب والمشاكل الاجتماعية المترتبة على هذا السلوك بين الشباب والشابات وتوضيع الخطاء والصواب من جميع النواحي الدينية والاجتماعية.[/justify]

[تسنيم]

السلام عليكم
اسمحي لي جود اشارككم بكلمات بسيطه
-انا عن نفسي استحقر هالفئه ايا كان السبب في تصرفاتهم واعتب مع كل الاسف
على اللي يقولون اهمال الاهل وووو
اساسا هالتصرفات مبنيه على الشذوذ واللي يقول لي لا ما انت باعدل من الرسول
لو ماهي غلط ما لعنهم الرسول عليه الصلاة والسلام
-اعترف انهم كثير كثير كثير في المدرسه يطلعون باسم الاعجاب
- يلاحظ على تصرفاتهم شذوذ غير طبيعي بكل وقاحه تطلق بعض الالفاظ وهي لو تطير ماراح يطلق عليها غير (بنت
- ليه القمع اسلوب بدائي واحنا مجتمع تحت الطاوله وما ادري ايش
بالعكس لو اصابتك حراره اول شيء بتاخذينه مضاد صح ولا لا
وهم مرض ينتشر اذا ما الغيناهم بيستمرون
وبعدين لو هزؤني اهلي وعاتبوني وتلفظو علي ووو اروح اقلب ولد واسوي اشياء تزيد من
عقابهم علي واتحدا هالبويات يسوون شي بسيط من ابداعتهم في المدارس
امام اهلهم احلف لك انهم ما يقدرون
ومشكوره لانك فتحتي لي المجال ابدي رايي