:: يالي دفنتوا جثته ليه ... تبكون ... ؟؟ ::

[طـــلآل آلعصيمي]

ياللـي دفنتـوا جثـتـه.. لـيـه تبـكـون؟
لـولا الحيـا..لأقـول : معـكـم خـذونـي

منه انحرمت وكنت انا عنـه مسجـون
مـا أذكـر لمحتـه .. غيـر مـره بعيونـي

شفتـه ..وكانـت فرحتـي مالهـا لــون
عجزت لأوصف .. من لمحته شجوني

ياليتنـي ..كنـت الكفـن يـوم تمشـون
أبـقـى مـعـه بالـقـبـر ثـــم تدفـنـونـي


أو ليتني .. من خلفكم كنت (مجنون)
أتـبـع خطـاكـم والـعـذر هــو : جنـونـي

أبكي وراكم .. وأدعي ان كـان تدعـون
مـا يكفـي انـه عـاش عمـره بدونـي؟؟

تكفـون هاكـم عمـري اليـوم تكفـون
بـرخـص حيـاتـي دام خـابــت ظـنـونـي

مـا فادنـي صبـري !! ولا فـادنـي عــون
ولا فادني دمعـ(ن) .. حرق لي جفوني

يـا مـا بكيتـه والبكـي يحـرق عيـون
ميت أو انه حي .. دمعي بعيونـي!!

العـام كـان بفرحتـه.. يعـزف لـحـون
واليوم ؛ تحت الأرض .. ماهو بكوني

لكن أنا في فرحتـه.. كنـت مدفـون
فوق الثرى .. واليوم موته سجونـي

(سميت قلبي عقب فرقاه ملعون)
هو و الليالي .. عن هناه امنعونـي

ياليتنـي.. ماعشـت لحـظـه بهالـكـون
و ياليت ربعي .. في سكات اذبحوني

وياليتكـم .. عـن همّـي اليـوم تــدرون
منه انحرمت ومن عزاه .. احرموني

حتى بوفاته !! يـوم أنـا طحـت مطعـون
أخفيت طعناتـي .. قبـل لا يفضحونـي

بكـيـت!! لـكـن .. ماتظـاهـرت بالـهـون
أبكي وأقول : الموت هو سبة طعوني


و إن كان في حبّـي أنـا ..ماتحسّـون ..؟!
دلوني لقبـره .. وهنـاك .. اتركونـي ..!

[مشاعر حالمه]

ماشاء الله عليك ياطلال العصيمي هالأبيات لك ؟؟

اذا كانت لك فهي قمة في الابداع والله

وصح السانك عليها

وان كانت من منقولك ومن ذائقتك الشعريه

فنعم الذااائقه والله

ذائقه راائعه وجميله

تحيتي لك / مشاعر حالمه

[عبدالله المرشدي]

طلال العصيمي



صح لسانك

وعلى شانك

قصيده كسابقتها رائعه رائعه جدا لو تسلم من الكسور

ةتنقل للمواهب لوجود اكثر من بيت فيه خلل بالوزن

كسابقاتها

من القصئد التي للم تعدل للان

وقصائد الاعضاء لايبقى بها الا السليم ميه بالميه


تحيتي