ياعـل أيامـك يابوسعـد طويـلـه .

[راس الطويله]

سميـت بالمعبـود منجـي دخيـلـه *** الواحـد المعبـود مديـر الاْفــلاك
ربـن كـريـم وكلـنـا نرتجيـلـه *** سبحانه اللي مال ملكـه لـه إشـراك
يالله لاتجـعـل عليـنـا الفشيـلـه *** وإنك تهادينـا علـى درب حسنـاك
من بعـد ذكـرالله منشـي المخيلـه *** نكتب بيوتاً فـي جديـدات الأبـواك
نهديـه لراعـي الوفـا والجميـلـه *** يابو سعد ياعـز مـن هـو تنصـاك
طيبـك كثيـر ولايمـثـل مثيـلـه *** وطيباً بذلته بـي وشلـون أبجـزاك
أرفع لك البيضـاء بـراس الطويلـه *** وأنشهد إني يابو سعد مأنسـاك
محشوم عن درب الـردى والرذيلـه *** والطيب والله يافتى الجـود شـرواك
وياعـل أيامـك يابوسعـد طويـلـه *** وعسى الولي من كل الأمراض يحماك
يابوسعد ياللـي أفعولـك جزيـلـه *** جعل الردى يامنقـع الطيـب يفـداك
يابو سعد الطيـب عنـدك حصيلـه *** وطيباً خذيته غصباً بفعلـك بيمنـاك
تستاهـل البنـت الهنـوف الأصيلـه *** وهي بلمثل تسمـع لفعلـك وطريـاك
تحطهـا بالبيـت عـنـدك حليـلـه *** ومنيـن مابغيـت تمتشـي بممشـاك
واللـي شجـاع مثـلـك تستويـلـه *** حلون لرفيـق وشـرً علـى أعـداك
حيثك مـن إلـي يحتمـون الدبيلـه *** وتذبح من الجزلات للضيف لاجـاك
وأرجي السموحه كـان فيهـا زليلـه *** وأسمح لنا يا طيب الاصـل منشـاك
وصلو علـى الـي سنتـه نهتديلـه *** وضح لنا بالدين عن ديـن الأشـراك

[وجودك يكفي]

صح لسان شاعرها ولاهنتي ياراس الطويله على النقل

احترامي

[راس الطويله]

المشاركة الأصلية كتبت بواسطة وجودك يكفي صح لسان شاعرها ولاهنتي ياراس الطويله على النقل احترامي

ولاهنت على تواجدك الطيب يالطيب
واحترامك على راسي وياهلافيك .

[راس الطويله]

هذه القصيده
اهداء خاااااص

[مهـرة مـطير]

صح ذوقك يَ راس الطويله

ولاهنتِ

[اصايل]

اهداء خاص لمن ههههههه ....امون :)

:

صح ايرادج يالغلا

ويستاهل ابو سعد الهنوف :)


:


مدري من شاعرها لكن اظن فيها كسور :)


سلمتي يابعدي ولاهنتي ..

[راس الطويله]

المشاركة الأصلية كتبت بواسطة مهـرة مـطير صح ذوقك يَ راس الطويله ولاهنتِ

صح بدنك ولاهنتي يامهرة مطير
ع تواجدك الطيب وماقصرتي .

[راس الطويله]

المشاركة الأصلية كتبت بواسطة اصايل اهداء خاص لمن ههههههه ....امون :) : صح ايرادج يالغلا ويستاهل ابو سعد الهنوف :) : مدري من شاعرها لكن اظن فيها كسور :) سلمتي يابعدي ولاهنتي ..

اهديها لـ عمنا ابوسعد طول الله في عمره

صح بدنك

ويستاهل والله الهنوف العنقا الطويله

والله إني ناسيه من شاعرها بس اعجبتني وحبيت اهديها

الله يسلمك ويبقيك ولاهنتي ع تواجدك الطيب .

[ابوسـعد]

هلااااوغلاااا براس الطويلة وهذه القصيدة قالها الشاعر سعد بن عواد المريحمي في الشيخ مهجع بن سعد الرشدان (على اصح الاقوال وماقاله المعرف قوقل)....وشكرا لك على هذا الاهداء الرائع..وجزيتي خير الجزاء وارجو الله ان اكون عند حسن الظن..اما من طرف الهنوف العنقاء الطويلة فهذه دورولها واحد غيري خلوني مع ام سعد الين الله يأخذ امانتنا..راضين بما قسم الله لنا ونسأله ان يجعل مقامنا في هذه الدنيا مقام العابدين والموحدين والشاكرين له جلت قدرته وتعالت اسمائه.. وان لا يجعل في قلوبنا غلا للذين آمنوا ويتوب علينا انه جواد محب لطيف...وياهلاوغلا براس الطويلة

[اصايل]

اما من طرف الهنوف العنقاء الطويلة فهذه دورولها واحد غيري خلوني مع ام سعد الين الله يأخذ امانتنا..راضين بما قسم الله لنا

اعجبني الرد :)

الله يطول بعمرك على طاعته وانا اختك

ويخلي لك ام سعد ويبارك لك فيها ويجمعكم مع بعض في جنات النعيم :)