[poem= font="Simplified Arabic,5,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
قالـوا تحـب وقلـت بالحيـل ولهـان=احـب ذكـر الله وترتيـل الآيــات
واحب هدي المصطفـى قلـب ولسـان=ما هو بحب الكـول ومراسـل الشـات
واحب نصر الديـن مـن دون خـذلان=ومتى نصرنـا الله نصرنـا بالاثبـات
واحـب عبـدالله ملكـنـا وسلـطـان=ال السعـود مطوعـيـن الصعيـبـات
واحب طاعتهـم علـى الحـق بإتقـان=حكامنـا بالشـرع مـا بـه مـراوات
واحب داري حب عن كـل الاوطـان=هي منبـع الإسـلام مهـد البطـولات
واحب نجد وشيخ اهل نجد سلمان=واحب ربعي فالليال العسيرات
واحب طاريهم لياقيل عتبان =هم كاسبين المجد باعلى الطويلات
واحـب انـا الطيـب وفعلـه ليابـان=وقـت الشدائـد والأمـور المهـمـات
واحب فعل الطيـب مانـي بخسـران=وراعي الردى يندم على كل مـا فـات
واحب اعامـل كـل انسـان بإحسـان=وأرجي بها من عنـد ربـي درجـات
واحب انا وصل الأقـارب والأخـوان=واحب قول الصدق مـن دون غلطـات
واحب ضبط النفس لا صرت غضبـان=باب الفرج في الصبر لو كان حـزات
واحـب اعـوذ بربنـا كـل شيطـان=واعوذ بـه مـن كـل حاسـد وقتـات
واحب حسن الخلق في كـل الأزمـان=واحب اغض الطرف في بعض الاوقات
واحب امر الله علـى كـل مـا كـان=سبحانـه المعـبـود رب السـمـوات
يالله ياللي فوق عرشـك يـا رحمـان=تبـدل الأحـزان يـسـر ومـسـرات
يالواحد الفـرد الصمـد عالـي الشـان=تقبـل دعانـا يـا مجيـب الدعـوات
ومهما عملنـا مـا وصلنـا للإيمـان=يالله غفرانـك ورحمـتـك بـالـذات
وصلوا على المبعوث بالحـق برهـان=نبينـا خـاتـم جمـيـع الـرسـالات [/poem]
* قصيدة الشاعر / الرائد نايف بن سلطان بن محماس الشغار
* نشرت في صحيفة الرياض يوم الاحد 25 / 9 / 1428 العدد : 14349
مشكور يانايف بن ناجي على النقل والقصيده جميله وتذكر بقصائد جد الشاعر الشيخ ناصر الشغار
| 
|
10-10-2007, 12:28 PM
المواضيع المتشابهه
العرض العادي
