نتائج المسابقة الشعرية لأفضل مجاراة

[عادل العصيمي]

بسم الله الرحمن الرحيم

نتائج المسابقة الشعرية لأفضل مجاراة للبيت

اذا سمعت أذان ربي يناديك
............... أرم اللحاف وقوم وألحق صلاتك

عدد الأصوات المشاركة في التصويت ( 25 ) صوت وكانت النتائج كالتالي

المركز الأول قصيدة الشاعر / عبدالعزيز الفرج بـ ( 12 ) صوت

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
اذا سمعت آذان ربك يناديك = ارم اللحاف وقوم والحق صلاتك
وأكثر سجود الليل واخشع لواليك = لعل سجدة ليل تكتب نجاتك
والفجر قرآنه يعزك وينجيك = في يوم ماينفعك كود احسناتك
ودوّر على اللي قد ظلمته وانا اخيك = علّه يبيحك قبل تاتي وفاتك
يالعبد حسّن مابقى من تواليك = ياقرب والله من حياتك مماتك
تكفي ذنوبك لو تعوّد لماضيك = تلقى بلاوي سجلت في حياتك
هذي نصيحة صغتها بين أياديك = أهديتها منّي لذاتي وذاتك
يالعبد حسّن مابقى من تواليك = قدام لاتدفن وتعلن وفاتك
[/poem]

المركز الثاني قصيدة الشاعر / البارع بـ ( 9 ) أصوات

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
اذا سمعت أذان ربي يناديك =ارم اللحاف وقوم واِلحق صلاتك
واقول انا قبل الندا في مواضيك=ثم سابق المذن بسرع خطواتك
لانادت همومك بعضها بقاصيك = قل هذي اخر مابقى من حياتك
وانحر جيوشن وسط صدرك مباريك=واغلق مايوصلهن من اربع جهاتك
جربتها والله وليي وواليك= ولقيتها لاتعابي اسلاح فاتك
هذي عمود الدين من دون تشكيك=اعملبها حتى تجي من صفاتك
واخشع بقلبٍ حاضرن مايسهيك=من خشعته عينك تهل اعبراتك
واطرح ذنوبٍ فوق متنك تعنيك= مايذهب السيه سوات حسناتك
وابشر بعفو الله لازانت مساعيك=لومابه انسانٍ يسوي سواتك
لايغرك الباشه ولايغرك البيك = اللي تيبس ارصدتهم لهاتك
ترى الله المالك وحنا المماليك = وترى العمر ايام وبعده مماتك
[/poem]

المركز الثالث قصيدة الشاعر / خليجي بـ ( 4 ) أصوات

[poem=font="simplified arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black""]
اذا سمعت أذان ربي يناديك =ارم اللحاف وقوم واِلحق صلاتك
الله حفيظٍ لاحفظته يراعيك =دام الصّله مابين ذاته وذاتك
خلّ الجوارح خاشعه بأمر واليك =في طاعته تلْقا الأمان ونجاتك
اعرف صلاة الفجر نورٍ يجاريك =وللوجه نورٍ تهتديبه جهاتك
في ذمته تبقى ويرفع حسانيك =ويبدّل السيّات لك بحْسَناتك
والله على ماينوي القلب يجازيك =والعين فيما ترضي الله مِراتك
يسدد اخطاك ويْتَحقق أمانيك =ويذلّل الصعبات ويصْلح حياتك
ولْيا الْتهَيْت احرص وفتّح أذانيك =وأدرك حياتك قبل يحضر مماتك
[/poem]

نشكر الشعراء المشاركين في المسابقة ونقولهم صحت السنتكم وما قصرتوا

كما سيضاف لكل شاعر ( 1000 ) مشاركة في عدد مشاركاته تقديراً لهم

كما نشكر جميع الأعضاء علا تصويتهم ومشاركتهم في المسابقة التي لم تكن لتنجح لولا مشاركاتهم وتفاعلهم

والى اللقاء في مسابقات شعرية قادمة بأذن الله

مسابقة منتديات عتيبة الشعرية مسابقة أنتم نجومها :)

اللجنة الشعرية

,

[البارع]

الف الف مبروكـــ للفائز الاول عبد العزيز الفراج ,, وكان ودي لو استمر التصويت لفتره اطول

ولاهــــــنت ياعادلـــــــــــ على جهودكــــــــــ الراميه للخروج عن التقليدية في الطروح والى مسابقه

قادمه بإذن الله ,,, تحياتي ,,,,

[ذهب]

مـآشـآءالله .ََ

ألف ألف مبرووووك للفائزين ..

والله يعطيك العافيه عادل

وبإنتظار مفاجأتك في المسابقات القادمه

في حفظ المولى

[عزيزة الجناب]

الف الف الف مبروك لعبد العزيز

والبارع وخليجي

ومن جد عادل المسابقه روووووعه

ونتمنى استمرارررررررررررررره

اتمنى ان قصائد اعضاء عتيبه تقييييييييييييم

وتصبح مسابقه مستقله ولها لجنه مستقله

لاهنت عادل وننتظر المفاجأت

[عادل العصيمي]

المشاركة الأصلية كتبت بواسطة البارع الف الف مبروكـــ للفائز الاول عبد العزيز الفراج ,, وكان ودي لو استمر التصويت لفتره اطول ولاهــــــنت ياعادلـــــــــــ على جهودكــــــــــ الراميه للخروج عن التقليدية في الطروح والى مسابقه قادمه بإذن الله ,,, تحياتي ,,,,

هلا بك اخوي البارع


مبروك المركز الثاني والف شكر على مشاركتك في المسابقة


التصويت كان مقرر له ثلاثة ايام فقط وتم تمديده ليوم رابع


تقبل تحياتي


,

[شـوآق]

الف الف مبروك ياعبدالعزيز وتستاهل
ولاهانو ( خليجي والبارع )




ابن عجلان

كل الشكر وبالتوفيق للجميع بالمرات الجايه

[شموخ طفله]

الف الف مبرووك ع الفووز

وعقبال الكل

[عبدالعزيز الفرج]

الله يبارك فيكم جميعاً

وأشكر جميع من صوّت لي فردا فردا وأقول لهم بيض الله وجيهكم ولاهنتو


ألف مبروك للحاصلين على المركز الثاني والثالث



عادل العصيمي

كل الشكر لجهودك وبيض الله وجهك ولاهنت على هالمسابقة


تصحيح للبارع :: عبدالعزيز الفرج وليس الفراج يابعدي :)

[أتعبني فراقك]

ألف مبروك لعبدالعزيز وحظ أوفر للبقيه ..
كل الشكر عادل

[البارع]

المشاركة الأصلية كتبت بواسطة عبدالعزيز الفرج الله يبارك فيكم جميعاً وأشكر جميع من صوّت لي فردا فردا وأقول لهم بيض الله وجيهكم ولاهنتو ألف مبروك للحاصلين على المركز الثاني والثالث عادل العصيمي كل الشكر لجهودك وبيض الله وجهك ولاهنت على هالمسابقة تصحيح للبارع :: عبدالعزيز الفرج وليس الفراج يابعدي :)

عـــــــــــذرا ياعبدالعزيز الفرج ,,, ماسكه على الفراج والله مدري وش ممسكها

لكن الوعد المسابقات القادمه ياسنايديـــــــــــــــــ