ابيات اتمنى تنال رضاكم
[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليت الليالي على قسوة مرارتها = بقيت على ظلمها مازادت اجراحي
يانفسي اللي دفنت اليوم فرحتها = الله يحسن عزاك ويرحم افراحي
حـاولت فالعين قبل تهل عبرتها = لكن عصتني وصار الدمع منساحي
الهم والحزن والتجريح قسمتها = والقسم الاخر عليها نزع الارواحي
في عيني الارض تصغر في مساحتها= واظلم عليها الفضا والنور وضاحي
جار الزمان وكثير اهمــــوم بكتها = والدمع دايم يجي بالسر فضاحي
والقصــــه اللــي ابدايتها نهايتها = مكتوبةٍ لي على هذيك الالواحي
كله سبب جادلٍ ترسل بنظرتها = سهم المنايا بليا ارماح وسلاحي
في شارع النزهه اللي جنب حارتها= وانا بكامل قواي وعقلي الصاحي
شاهدتها وتاهت عيوني بطلّتها = وانا منول عن الخفرات متنّاحي
سلمت قلبي لها واعلنت طاعتها = رعشة هدب عينها للقلب مفتاحي
لو جت من دون شمس الكون غطتها=شمس الوسيعه يظلّي نورها ماحي
والعـــود ريّان والمبسم حلاوتها = والصدر يوم اقبلت به طلع تفاحي
ملاك في زولها حتى في مشيتها = تعزف على اوتار قلب بحبها طاحي
كل المـــــواويل بالارداف غنتها = واهل الهوى من دلعها دمهم فاحي
لعــــــل كل البنات اليوم فدوتها = والهم عن دربها مبعد ومنزاحي
هي مطمع النفس ورضاها وغايتها = وايضا مفاتيح حزنٍ داخلي صاحي
ياليتني ســــاكنٍ في وسط حلتها = واملا عيوني بها واعيش مرتاحي
ملـح البــداوه كسـاها لين قمتها = هذا سبب علتي هو كاسر جناحي
مدري من اي القبايل. بس لهجتها = دلت على اهل المروة واهل الامداحي
راحت وروحي بعدها جات ساعتها = ومن بعدها حالتي في هم ونياحي
واليوم انا في رجاء الوالي برجعتها= بعد الغياب / وعذاب البعد سفاحي[/poem]
| 
|
02-06-2007, 06:59 PM
المواضيع المتشابهه
العرض العادي
