افعالهم تشهد لها الترك والروم

[ذيب حرب]

اسعد الله اوقات الجميع
القصيده التاليه للشاعر ماجد الشلاحي المطيري وقد جاراه بقصيده تتليها الشاعر الكبير/محمد ابن عبدالله العسيلي





يالله ياعالـي علـى كـل مزموم-ياخالـق آدم مـن حماحيـم طينـه
انك تجنبنا خطر كل مسموم-من اهل الحسـد واهـل العيـا والظغينـه
انا بغيت اجزل عن الشعر واصوم-والى ان به حكمه وفسحـه وزينـه
وانا لقيت الشعر في عصرنا اليوم-من شمخ العارض الى اقصى المدينه
وبكل القبايل لـه ملامـح ومرسوم-لكـن غايـة معدنـه فـي مزينـه
ولهم شعار وسام تشهد به القوم-فـي حكمـة الجابـه ورمـي الثمينـه
يوم الدفق والعمر للموت مسيوم-رمـي المزينـي يفرقـه عـن سنينـه
عيال الحرار اللي لها الكيف مطعوم-عاداتهـم فـك الغلـب والضعينـه
حرب الدياقا كم لها افعال وسلوم-منهم قضاة العرف (1)واهل السفينه(2)
افعالهم تشهد لها الترك والروم-ومرزوق ابن تنبـاك فـك الرهينـه(3)
مالي وراهم قصد ولاني بمليوم-اليا مدحـت اهـل البيـوت الحصينـه
قلته وانا من لابةٍٍٍٍّّ ن دايـم الدوم-اشعارنـا ايضـاح الحقـوق الدفينـه
حنا ذوي شلاح ماننقـل الزوم-نعطـي الرجـال حقوقهـا المستبينـه
هذا وصلى الله على خير معصوم-محمـد اللـي مصـدر العـز دينـه

قـصـيــدة الـشـاعــر الكبـيـر/مـحـمـد الـعـسـيـلـي


ياجاعلٍ بالنـاس معطـى ومحروم-يامـن علـى مايكودنـا نستعينـه
انـك تجنبنـا هـل اللـؤم والشؤم-حـذاق الالسـن والخوافـي لعينـه
يابو بدر عندك مـن الشعـر معلوم-تجيـد نظمـه والمعانـي سمينـه
الشعر ذوق وشاعريـه ومنظوم-ومعنـى وعـراف العـرب عارفينـه
الشعر مع كل القبايل لـه انجوم-ولكـن انتـه شـاربٍ ن مـن معينـه
ياراعي الحسنى عسى ابـوك مرحوم-ياللـي طلبـت البينـه بالقرينـه
ماقلت بمزينه يابو بـدر مفهوم-عبـر الزمـان اللـي تقافـت سنينـه
لهم صواب القول واصابـة سهوم-ورجالهـم مايهـس قولـه وعينـه
فرسان ورماة ومتاقيـن واقروم-قسـوه وليـن وكـل شـي ن بحينـه
ولهم مع الهادي مواثيق واعزوم-ووقفـات تذكرهـا القلـوب الفطينـه
مثل الفتح ياحي والله هاك اليوم-وفتح الفتوح ابن المقـرن ضمينـه(4)
ولهم كرامات ن بها العلم مجزوم-ومن العرى الوثقـى عراهـم متينـه
وشهادة المنصف بهـا الحجـه تقوم-ولكـن الموثـوق وينـك ووينـه
مثلـك يابـن شـلاح يامبعـد الحوم-الحـق ماينحـال بينـك وبينـه
يابن الرجال مزبنه كل مضيوم-اليا طـار عـن بعـض الاوادم يقينـه
شلالحه مايلحـق وجيههـم لـوم-دون الدخيـل اليـا تراخـت يدينـه
ينصاهم اللي من عوانيـه مظلوم-حقـه لـزوم ولالقـى مـن يعينـه
مقطع حقوق ولابكم مقطع ارخوم-من لابة ن فيها مـن الخيـر عينـه
مطير حمران النواظر لهـا اعلوم-للحـرب حـرب وللمسالـم سكينـه
يامااتعبوا من قرح الخيل والكوم-وصدوا دحاميـل الجمـوع الرزينـه
والناس مثل الناس والسيـف ملحوم-وكـل القبايـل حقهـم محتمينـه
قلته وانا من لابة ن مابهـا ثلوم-كيـد الحريـب اليـا تعايـل رطينـه
حرب ن محاربة الدول ذروة القوم-اهل السلـوم وكـل اسـد بعرينـه
خوينـا والضيـف والجـار محشوم-بجوارنـا مايلحـقـه مايهيـنـه
وان لاذ فينا الملتجي مكفي اهموم-كنـه بعيطـا عـن خطـر طالبينـه
دون الحقوق نبيعها بأرخص السوم-مـوت ن بعـز ولاحيـاة الغبينـه

(1)


(1)من اشهر قضاة العرف في قبيلة حرب ابن طريف الذي يضرب به المثل(صدرت من عند ابن طريف)
(2)السفينه قدمت من الاستانه لمساعدة الشريف واستوقفها حسين ابن مبيريك الغانمي في رابغ واخذ ماعليها من اسلحه ومؤن
(3)الرهينه هو زايد الشدادي كان مسجون لدى الدوله التركيه في المدينه المنوره فقام مرزوق ابن تنباك باحتجاز مركز الحفيره بمن فيه وجعلهم رهائن حتى اطلقوا سراح زايد.
(4)النعمان ابن مقرن المزيني قائد معركه نهاوند والذى هزم الفرس وتسمى فتح الفتوح.


تنويه:
منقوله من ديوان الشاعر الكبير/محمد ابن عبدالله العسيلي

[ناصر المرشدي]

[align=center]والله والنعم


بكل القبيلتين وصح لسان الشاعرين

وهم ياحتاج من اعلام الشعر


والله لايهينك على النقل وبيض الله وجهك

وهذا القصيد الي نحرص عليه[/align]

[بن رشوان]

ذيب حرب شكرا لك على هذا النقل الطيب وفلا هذا القصيد الذي نحرص عليه مثل ماقال اخوي ناصر المرشدي 0 واعجبني انك
بينت مصدر القصائد وهذا هو الصح وياليت كل من نشر قصيده
يبن مصدرها 0 شكرا لك






اخوك ابن رشـــــــــــــــــــــــــوان