شـفت المـكان الي له القـلب ميـلاف

[دييمه]

لسلام عليكم ورحمة الله وبركات


اضع بين يديكم هذه القصيدة


وهي اول مشاركة لي بالمنتدى

وعسى ان تنال اعجابكم

[poem=font="simplified arabic,5,green,bold,normal" bkcolor="transparent" bkimage="backgrounds/33.gif" border="none,5,green" type=2 line=1 align=center use=sp num="0,black""]



بديت باسم منزل النور والقاف = الواحد الي له عبيدة تصلي


سر ياقلم واكتب اسطورن على قاف = وترك هزيل الشعر خله يولي



بدعت قافي بين جلسه وميقاف = في راس رجمن نايفن مستطلي

يارجم عديتك وانا القلب رجاف = اخاف من عاليك رجلي تزلي

جلست بالمشراف لو الهواء جاف = هبايب الاحزان منه اعصفلي

وجتني هواجيسي على انواع وصناف =ونهارت الاعصاب والدمع هلي

شفت المكان الي له القلب ميلاف = وصفقت بالكفين محدن فطلي

مديت شوف العين والدمع ذراف = تذرف دموع العين مماحصلي

ياعناد انا صديت مير النظر شاف = شوف الرسوم الباليه زاد غلي


شفت البيوت الشامخه مالها اوصاف = وشفت المكان الي عليهم يطلي


ذكرت به ربعي وجيلن لهم طاف = وانتل قلبي بين الاضلاع تلي

ذكرى قديمه وتلفت حالي اتلاف = منها سقيم الحال خطرن يشلي
0000

حار القدم وانا على جال مهياف = وناديت بعلى الصوت يارجم قلي

يارجم وين مزبنت كل من خاف = دخيلهم بديارهم مايذلي

وين الرجال اهل المغازي والانكاف =رصاصهم مثل البرد مستهلي

هيلا لها في نجد هيبه وعراف = تاريخهم فوق الجميع متعلي

ابيوتهم فالحي تعرف وتنشاف = والضيف من ترحابهم مايملي

اهل الكرم واهل العداله والانصاف = زبن الضعيف بضلهم يستضلي

على الوفاء والطيب منهاج الاشراف = تاريخهم محفوظ وسط السجلي



يارجم ياوجدي على ذيك الاسلاف = وجد اليتيم الي دموعه تهلي



واليوم من شوف البلد خاطري عاف = والنفس من شوفه تضيق وتملي

بديت باسم منزل النور والكاف = الواحد الي له عبيدة تصلي[/poem]

[عادل العصيمي]

الله الله


دييمه


حياك الله في منتديات عتيبه


وصح لسانك .. قصيدة جزلة وفيها نفس شعري عالي


تحياتي

[سيوف]

،،،،،،،،،،

جلست بالمشراف لو الهواء جاف
هبايب الاحزان منه اعصفلي
وجتني هواجيسي على انواع وصناف
ونهارت الاعصاب والدمع هلي
شفت المكان الي له القلب ميلاف
وصفقت بالكفين محدن فطلي




صح لسانتس ديمه وانت ديمه :)


،،،،،،،،،،

[ميااااح]

الله
الله الله الله
الله الله الله الله الله
الله الله الله الله الله الله

مبدعه يا ديمه لاكن كم عمرك هذي ما يكتبها شباب اليوم

[نايف تراحيب]

الله علييييك أكبر


ديمه قصيده كايفه كايفه كايفه

والله انك خليتيني أهوبل بها مرتين

لله درك لله درك

في انتضار جديدك

دمتي راقيه في أسلوبك وطرحك

/


،



نايف العتيبي

[حنين الروح]

هيلا لها في نجد هيبه وعراف
تاريخهم فوق الجميع متعلي

ابيوتهم فالحي تعرف وتنشاف
والضيف من ترحابهم مايملي

اهل الكرم واهل العداله والانصاف
زبن الضعيف بضلهم يستضلي

على الوفاء والطيب منهاج الاشراف
تاريخهم محفوظ وسط السجلي


ديمه

ياهلا وغلاا فيك بيننا..

وابدعتي من جد بـ هذه الراائعة

صح لساانك مليوون

ولاااهنتي

[فهيد مقعد الرويس]

صح لسانك

وعتلاشانك

ياديمه

قصيده لاتاتي الامن شاعرية عاليه

ننتظرالمزيد من الابدع

تحيتي و تقديري