ياللي تحاول هز امن السعوديه.

[الدجيما]

[align=center]للوطن حق على كل مواطن وشاعرنا فيصل بن سجدي بن دليل له هذه المشاركه التي هى جزء من حق الوطن على الشاعر.[/align]

[poem=font="Simplified Arabic,4,black,normal,normal" bkcolor="transparent" bkimage="backgrounds/16.gif" border="solid,4,gray" type=2 line=0 align=center use=ex num="1,black"]
ياللي تحاول تهز امن السعوديه= لحظه معي لين تفهم معنى الابياتي
عندي لك رسالةٍ تعنيك شخصيه = ركز بمضمونها وافهم عباراتي
الدار بأمان رب البيت محميه = فيها تقام الحدود وخمس الاوقاتي
أمن من الله وفيه نصوص شرعيه = راجع وتلقاه في تنزيل الآياتي
دستورها آيات مع سنه نبويه = مصيون مافيه نسيان وزلاتي
دار هذا نهجها حكام ورعيه = تمضي ولا همها حاسد وشماتي
وشلون كفرتها وبأي أحقيه = من منهج الدين عطني نص واثباتي
عندك لدعواك هل تملك ثيوتيه = جوابك النفي ماغيره جواباتي
واقول دعواك في ذا الحال كيديه = مستخدم ومخطي بكل الحساباتي
مستخدم لصالح أعداء الدين وضحيه = مستخدم يشن ضد الدين غاراتي
تغذي افكاره اهداف يهوديه = اصبح وسيلة لهم بأفكارهم ياتي
بعد اقنعوه أنه أعماله جهاديه = وليا انتحر بالشهاده فاز بسكاتي
ياهوه شوهت ملتنا الحنيفيه = والدين واضح ولا بالدين شبهاتي
فالدين مايقتل اللي ماقترف سيئه = الدين ماوصى بتنفيذ انفجاراتي
فالدين قتل الخطا يدفع عنه ديه = بالدين معصوم عرض ومالٍ وذاتي
أفهم لعلك تتوب وتصلح النيه = ترجع لدرب الهدى وتكب الأشتاتي
وان ماتراجعت موتتك المصيريه = بأيدي رجالٍ لهم بالضيق وقفاتي
نياتهم فالعهد دايم حقيقيه = يوفون بعهودهم وقت المهماتي
نياتهم بالوفا بالعهد مبنيه = لأجل الوطن رجلهم سهران ماباتي
الدار بأيدي رجال الامن مرعيه = تأمن وتمن بحاضرها ومافاتي
تحت أمر نايف بتوجيهات فوريه = نلقى بتوجيهه حلو لا للأزماتي
يادار مادام فيك نفوسنا حية = نحماك واللي يموت شهيد لاماتي
أمنك نصونه ولا تعبث به الفيه =ندفع لك أرواحنا مجموع وأفواتي
عشنا على أرضك نحمل أسمك بجنسيه = ماجمعونا من الخارج باقاماتي
في ظل قايد مسيرتنا الحضاريه = خادم لمكه وطيبه ولعرفاتي
يبذل ولا يحسيب استهلاك ماليه = ينشي مشاريع ويكلف قطاعاتي
من عيبه ان التواضع فيه ماريه = من منصبه والمسمى أثبت مقالاتي
طور وطنا وفي فتره قياسيه = واكب بنا العصر في كل المجالاتي
منا وفينا وراضينه طواعيه = حاكم وابن عم ماجانا بالاصواتي
حكومة عند كل الشعب مرضية = عسالهم عن طريق الشر منجاتي
ياعالم بظاهر أبن آدم وخافيه = تصون دار المشاعر والرسالاتي
تومن بمضمون توحيد الإلوهيه = لرضاك أهلها يقيمون الصلاواتي
أمين ياخالق رحمتك مرجيه = يالله برحمتك أجب يارب دعواتي
[/poem]


[align=center]الدجيما[/align]