&******(وقت الشدايد)*******&

[صخر الشيباني]

[frame="4 80"]
[poem=font="Andalus,4,white,normal,normal" bkcolor="transparent" bkimage="backgrounds/21.gif" border="none,4,gray" type=1 line=0 align=center use=ex num="0,black"]
هذي اخر قصيده لي في المنتدى امل ان تعجبكم



لا طال الليل في عيني على قلبي يطـول الليـل=واعيش بعالمه والسر لا قمت احسـب نجومـه
واطالع للجدي ثم اسئله ما شفـت نجـم سهيـل=يغيـره الزمـن ويغيـب والافـلاك محكومـه
ورعـاك الله ياحبـر القلـم والدمـع والمنديـل=تجدد ثورة الاحسـاس حتـى يظهـر همومـه
احد يكتب شعر واحدٍ دموعه من عنـاه تسيـل=واحد في حيره من امره ولا يدري مـن يلومـه
وانا لا ماشكيـت ولا بكيـت لا لقيـت الويـل=من عيون الزمان اللي بها النظـرات مشئومـه
وجزاك الله ياوقـت الشدايـد والزمـان بخيـل=على دروس معا سنين العمر بالحرف مرسومـه
الا ياكثر خلان السعـه فـي دارمـى التمثيـل=اشوف الكل منهم ضلع واعدي علـى رجومـه
اراهـم فالنظـر دايـم غثـاء كغثـاء السـيـل=وكـل يطلـق لسانـه ولا يرضـى بمقسومـه
واذا جيت اختبرهم قلت ماللي يرتكـي للشيـل=لمن قابلت احد للمعرفـه بـي شبـه معدومـه
وانا ياكم وثقت ولا سلمت مـن اهـل التظليـل=واحسب الكل منهم لي يسوق العمـر ويسومـه
الا ياطيبهـم لا جـا مجـال القـال ولا القيـل=يحطون اشجع الفريس راسـه عنـد قعصومـه
ولعهم للحكي يشبه ولـع ياسـر علـى التقبيـل=اذا ما حصّل احد يقبلـه عـوّد علـى هدومـه
الا لا بارك الله في صديـق مـا يعـدل الميـل=خساره خوة اللي مـا يناسـب سلمـي سلومـه
فمن لا فاصعب اللحظات اشد به الظهر والحيل=بساعات السعه مانـي بناشـد وشهـي علومـه
انا عاقـل واجامـل واتغيبـا محيلـي حلحيـل=اخاطب كل واحد قد عقلـه واعـرف حلومـه
انا مثل البحر لا هاجت امواجـه تـراه يعيـل=وحتى يخلـف السبـاح لوهـو ماهـر عومـه
ومن دون الخوي بالوجه ولا اليد ازيـد الكيـل=لمن جات الخطيه مـن عهـدوٍ يفخـر بقومـه
ولمنـه نخانـي ولـد عمـي والزمـان مهيـل=الا لا رحم ابو اللي لا نخي تثني بـه عزومـه
تجي حمر المنايا في عيوني مثل شـرب الهيـل=واسن الحربه اللي في نحور عـداي مسمومـه
ساءً انها على طهور الورق ولا ظهور الخيـل=او انها بالترجل والله انـي لا اهـزم خصومـه
هو حزامي وانا درعه من اول جيل لا آخر جيل=ازود بزوده وافرح لا شفـت عـداه مضيومـه
واذا جت زلتـه شليتهـا مثـل البعيـر شعيـل=يشيل الحمل ما يحسـب لمرواحـه ولا قدومـه
اشيـل الاولـه والثانيـه لـو تندبـل تدبـيـل=اذا هدّف علـى المكشـوف ولا مبعـدٍ حومـه
واذا كرر خطاه ادمح ولا انظر نشـرة التحليـل=واقول الشكـوى لله وابتلشـت بواحـدٍ عومـه

********(اخوكم عتيبي انا)********* [/poem][/frame]

[شيـخة]

صح السانك ..

رووووووعه ..

يعطيك الف عااافيه ..

تحياتي ..,,

[فواز الشيباني]

صح السانك وعلا شانك

قصيده رائعه

يعطيك العافيه

[عبدالله المرشدي]

عتيبي


صح لسانك


صح لسانك

جزله

تحيتي وتقديري

[صخر الشيباني]

الله يسلمكم ومشكورون على المرور