عزمت الرحيل

[عتيبي والنعم]

قصيده من قصائد الشاعر / عبد المجيد سعد العتيبي

يذكر فيها رحيله عن واد الرشاء ( منطقه تحوي عدد من هجر العتبان )

ويعد هذا الشاعر منتحي في اسلوبه الشعري عن باقي الشعراء

ويسرني ان اقدم هذه القصيده وما حفضت منها

رحلت عن ربعي وانا دمعي على خدي يسيل..

والكل عارف ليه انا ماشي وغيري ما ماشا ..

ويلاه ياجرح الزمن ويلاه يالحمل الثقيل ..

ويلاه ياضلم على دنياي وايامي فشا ..

مايكفي اني قد رحلة بضلمة الليل الطويل ..

نسيتو اني قبلها طفلٍ على حزنه نشا ..

كذا العدل ياهل العدل من دون توضيح ودليل ..

تكذبون عيالكم وتصدقون اللي وشا ..

اكيد يرحمني ليا جاورت بالهم القتيل ..

من شافني ميت يقول تراه مات اللي اختشا..

يابوي سامحني ترى منجوبك الشهم الفضيل ..

في ذمة الله للسحر مادام صليت العشا ..

ماهمني غيرك وانا خلاص عزمت الرحيل

سلام ياهلي وديرتي سلام ياواد الرشا..


صح لسان .. عبد المجيد العتيبي

وسلامتكم

[القوبع العضياني]

يوووووه خوفتنا ياولد والله مانبي احد يرحل

صح لسان الشاعر وبيض وجهك اخوي

[ناصر بن سعدي]

الغالي...


عتيبي والنعم ...


لاهنت على النقل الرائع ..

وبيض الله وجه...


الشاعر / عبد المجيد سعد العتيبي


ولاتحرمنا من نقلك الرائع..وحاول تركزعلى الأخطاء الإملائيه ...


وتقبل تحياتي ,,

[عبدالرحمن الحمد]

[align=center]ايه بالله قلت الرجال شكله بيشد الرحال

لكن الحمد لله طلعت قصيده

صح لسان الشاعر وتسلم على النقل المميز

تقبل مني خالص الشكر والتقدير

مع التحيه [/align]

[ابوفيصل العتيبي]

صح لسان الشاعر
وبيض الله وجهك اخوي