ياللي جيتي تسأليني ..
يوم قلتي لي يا..
البدو غير الحضر ..
وانت وش بتكون منهم ؟؟..
قلت انا من قوم عالي شانها
نطعم ونسقي من غدى عطشانها
نكره افعال الردى
ونتّبع دين الهدى
ونكسر خشوم العدى
ثم قالت لا تكمّل
يعني انت من البدو
وآنا ماحب البدو
حدّكم نوقٍ وخيمه
والبداوه عندي عيب
مثلها مثل الشتيمه
قمت اضحك باعلى صوتي
وماشكيت من قلّ قوتي
ولا خشيت اسباب موتي
وقلتها عشرين مــــــــرّه
((الخـــلا ميــــر الخــــلا ))
0
0
0
0
0
انا بدوي / كان البداوه غدت عيب
فانا اشهد انّ العيب هو تاج راسي
انا بدوي يابنت دوم افعل الطيب
وامشي بدرب العز لو كان قاسي
انا بدوي لا واللذي يعلم الغيب
لا انتي ولا جدّك تطولون ساسي
انا بدوي مارحت ادوّر غنى الجيب
نفسي غنيّه ما تبي الا غراسي
انا بدوي لين انتخوا نخوة الذيب
نلطم كبير الراس ويردّ خاسي
كذا من الله خلقةٍ دايم تهيب
واللي يعادينا يذوق المداسي
نفزع ونعطي كل ناسٍ مغاليب
ما ننتظر شكرٍ من احدٍ يواسي
هذا انا يامولّدات العذرايب
عذروبي الطيبه وقوّات باسي
هذا انا وان كان .. فهلَ البدو عيب
فانا اشهد ان العيب هو تاج راسي
| 
|
03-15-2004, 12:14 AM
العرض العادي
