ياوآد ،، يابادي على الطرق ،، ياوآد

[بـــنــت روق]

فالشيراتون ،، والديرة ،، افراح وأعياد
جالس اهوجس ،، بين يالله ،، وبعدين


مره على الوقفه ،، ومره على قعاد
ومره على الممشى !! ولا ادري على وين


وفتحت الانترنت ،، ودي بالابعاد
عن همي اللي جاريٍ بالشرايين


وقريت قافٍ سنّدوا به على آد
الآد في صدره وعجزه على إيين


مضمونه اجوادٍ تهاوش مع اجواد
يالله دخيلك من هواش المساكين


هذا وانا شاعر ،، وشاعر ،، ونقاد
اعطي كفاله للبيوت ومضامين


يعني اذا للشعر بارق ورعّاد
تسيل من شعري جميع البلادين


للندّر الجزلات راصد وصيّاد
اصيد صيدٍ مايصيدونه اثنين


معنى وفكر وفلسفة بوح ومراد
كايد ولا تقواه شعار الألفين


ياوآد ،، يابادي على الطرق ،، ياوآد
ياللي تعذرب زين بنت العريبين


بنت الخليج انسامها عنبروكاد
وتفكيرها يصعب على طاهه حسين


فيها سمآحة وجه ميعاد عواد
يوم انها بالعمر واحد وعشرين


وفيها بياض الغيم لاجاك منقاد
وفيها التغنج كنها الهام شآهين


وفيها طغآ صدام في شعب الاكراد
وفيها طهر مكه ،، وطيبة فلسطين


فيها وفيها ،،أعدّ؟؟ وش لي بالاعداد
يا شين ،، ما انت بكفوها غور،، يا شين


ما تبغي الا اللي له افعال وامجاد
اللي يسم كبود كل المعادين


اللي يزيد الشر بالشر لا زاد
حاضر بحاضر ما تعامل مع الدين


اللي لو تهود المحيطين ما هاد
زيزوم كل الربع فالعسر واللين


على النقا والطيب والعز معتاد
لأهل الكرم والجود فعله عناوين


هذي فقط نبذه من افواه الاسياد
اللي على تأديب شرواك قاوين


والله لا يرفع قدر كل حقّاد
ويحفظ بنات الطيبين الاصيلين


من شر سوء الظن وهروج الاوغاد
اللي على قذف الحصينات ضارين

[غريب الدار]

[ALIGN=CENTER]هلا والله

بس اقطع يدي اذا ما كان القائل واحد شايب الحين عمره 5% ... خمسه برا....
والا ميعاد عواد وش جابها ........... انواااااااااااااااع القديييييييييييييم



اتذكرها مثل الحلم وبعد وهي كبيره قد طرقت العشرينات وراها

الا شيراتون الديره مو في دبي؟

[/ALIGN]

[بي@52@]

سلمت يداك وطاب محياك وعساك على القوه

صراحه قصيده ولا اروع الف شكر


تحياااااااااااتو