*خدي الموشوم*

[فـهـد العتيبي]

/
\
/
\
/
\


شفتك بعيني جمالٍ ما نقص
وما يضرك نقد دامي من حَكَم
*
مير تكفى لا تفوتها فرص
أقــــبل وخـل المسافة تلتئم
*
لو تشوف الشوق وش سوّا تغص
من مناظر شوَّهت حالي/قسم
*
كم عذلني فيك ليلٍ قد قرص
وجنتي بالبرد ودموعٍ وهم
*
خدي الموشوم بالعبره يقص
ذكرياتٍ عشتها حزن وسقم
*
زود مالي فالجفا عذرٍ ونص
ما قدرت انساك في لحظة ألم
*
قلبي المسجون والذكرى قفص
والفرج مفتاح ضايع فالعتم
*
أعشقك وآية حبيبك لا حرص
وفيك أببخل لو تعودت الكرم
*
واختتمها نصح وانا من بخص
طبع أوآدم دنيتك من غير ذم
*
لا تضيعيني مِنَ يْدينك واخص
قلبي الي لا أمرته قال تم
*
في ضياعه ما تعوضك الفرص
وما تسدك عضة اصبعك بندم


/
\
/
\

[انجود السبيعي]

صـــــح الســـاآآآآآنك ..
كلــــــــمات غايه في الروعـــــــــــه
انتقاء عذب ورائع يدل على ذائقه
جداا مميزه
لك ودي وتقيـــــــــيمي

[فـهـد العتيبي]

المشاركة الأصلية كتبت بواسطة انجود السبيعي صـــــح الســـاآآآآآنك .. كلــــــــمات غايه في الروعـــــــــــه انتقاء عذب ورائع يدل على ذائقه جداا مميزه لك ودي وتقيـــــــــيمي

ياهلا يابنت سبيع
صح بدنك
تتعطر الصحفات بعبير حضورك
العاطر


همسة: النص من نظمي وليس من انتقاء الذائقة



مُمتن

[اصايل]

صح لسانك مدد اخوي فهد

لاهنت ..

[عزيزة الجناب]

صح لسانك فهد

دوم مبدع

احترامي

[الجوهرة]

صح لسانك يا فهد .. أبيات حملت بين طياتها أجمل الصور التعبيرية ..
سلم لنا هالبوح .. ودام إبداعك ..