[align=center]هذه قصيده موجهه من الشاعر فيصل المرشدي الى الشاعر نايف الغبيوي.[/align]
[poem=font="Times New Roman,5,black,normal,normal" bkcolor="transparent" bkimage="backgrounds/2.gif" border="solid,4,chocolate" type=2 line=0 align=center use=ex num="0,black"]
هات القلم واكتب على الطرس قيفان= ابيات شعرٍ من ضميري جدادي
والشعر له معنى ومبنى وميزان= اسبك بيوت الشعر واحبك عدادي
واليا طرالي طارياً وين ماكان= ماضاقت الدنيا ووساع الجيادي
انا عتيبي ومن روس عتبان = اهل السيوف الساطيات الحدادي
واهل الخيول السرد في كل ميدان = يوم انها مابين القبايل طرادي
واهل الجهام اللي يذبن الاوطان= يامارعن بديار قوم الاعادي
بمهندٍ يشلع الراس ويبان= ياما رعت بحماه قطم التوادي
واهل الكرم والطيب ذربين الايمان= وكلاً على سلمه يصير متقادي
والله على اللي يطوي البعد لاهان= يطوي تهاتيه الخلاء والحمادي
جيبٍ جديد يرشف الخط ضميان= من سرعته شفت المنايا تصادي
ابي عليه اشوف ربعٍ وصدقان= اهل الفعول البينات الجدادي
الاد غابي مرجحت كل ميزان= نثارت الدم الحمر بالهنادي
تنشر لهم البيضاء على راس مابان= وتنشر لهم البيضاء على كل نادي
واثني على اللي صار بالشعر ديوان= فتال نقاض البيوت العنادي
نايف ولد خالد مذاخير هوشان= نشل الرجال اللي تفك العقادي
واليوم انا بنخاك ياطير حوران = وانا اعرفك ياطير وقت الهدادي
صيدك من الجزلات فالصيد وسمان = وهذي فعول معربين الجدادي
ابيك تفزع لي بقوات واخوان = ويانايف الموضوع ماهوب عادي
هذي ثلاث سنين والجرح مازان= وفي كل عام يزيد جرح البعادي
واللي سلب عقلي من البيض مابان= من دونهم بيبانهم بالعتادي
ورعٍ نشاء بالزين من يوم ماكان= في ذمتي ماشفت مثله وشادي
مافيه عذروب اذكره فيه يافلان= كود الحياء والدين هي والمبادي
من دونها حالوا مقاريد حسدان= اخوالها واعمامها والحفادي
كذبٍ مع الكذاب ماهوب وكدان= الا الحسد والزور زالانتقادي
وصلاة ربي عد ماهل ودان= على نبي زال كل السوادي[/poem]
[align=center]وهذا رد الشاعر نايف بن خالد الغبيوي.[/align]
[poem=font="Times New Roman,5,black,normal,normal" bkcolor="transparent" bkimage="backgrounds/2.gif" border="solid,4,chocolate" type=2 line=0 align=center use=ex num="0,black"]
يامرحبا عدة شخاتير الامزان = وعداد مايحصد بوقت الحصادي
ترحيبةٍ من قلب ينطق بها لسان= بااللي لفانا من بعيد البلادي
مرسول رجالٍ على الجيب عجلان= عجلٍ على الطرقه يجوب البيادي
وخذت منه الظرف من القلب رنان= يالله عساها خير والجو هادي
وفي فتحتي للزرف شاهدت الالحان= ابيات شعراً عاليات المشادي
من شاعرٍ ينخى من الحب زعلان= والحب قد غربل اطوال الايادي
لكن ماتنفع دهاديه وغدان= ولاينفع المعلول كثر الدوادي
قم يانديبي ونتهض عجلٍ الآن= وخذ الكلام اللي على القلب بادي
فيصل نخاني من هوى الترف عطشان= وأنا معه دامه زهمني ينادي
وتوجهوا يم المعارض على شان= علمٍ بقلبي زاد همه وزادي
وخذوا لنا خمسة ترى جيوب شيصان= قطم الخشوم مشوهدات سنادي
علامة التايوت ماهوب نيسان= من دارهن جنا بختم اعتمادي
اخر مديل ولونهن بيض الالوان= الاثنينه لونهنه رمادي
وخطوطهن حمرا كما لون رمان= خطٍ غريبٍ منه شاب المهادي
يركب عليهن تالي الليل شجعان= قطاعت الفرجه بعاد المعادي
مامعهم اللي ون مشى الخط تتان= غير النظافه ريحٍ مسكٍ وكادي
من عندنا يمشون ناوين نجران= يبغون حملات من ام الزنادي
اخذو لكم عشرٍ يشقون الاعيان= ومجربات من قديم الجهادي
واخذوا صناديق الفشق غال الاثمان= حمراً عباريده تشب الوقادي
وليا رجعتوا خلوا الخط من شان= نقطات تفتيشٍ عليه رشادي
اخذ الصحاري والرب رحمان = معكم دليلة ليل ماهوب غادي
مدباس غدرى تالي الليل وحصان= لاشاف نور الجدي جاك متحادي
وليا وصلتوا عندنا عقب الاشطان= والكيف زان وصب زين القنادي
غير الشبب معكم نبا نشيل خرفان= ماجوب خمس ليال يالقرم زادي
وليا نويتوا تلهن قبل الاذان= قبل الفجر نوره علينا يعادي
مروا على فيصل ترى القرم سهران= وخذوا تواصيف الغضي بجتهادي
وليا مشيتوا ياولد والخطر حان= كلٍ يحط الموت حتفه وكادي
بوجيهكم تلقون شيبٍ وشبان= ويمكن يصير الذبح صبح وهجادي
آما ذبحكم بالتواصيف ضفران= والا ذبحتوهم زجبتوا مرادي
كله من اجل معذبٍ ذاق الاحزان= جعله يذوق الحلوا عقب النكادي
وصلاة ربي عد ماهل هتان= على رسولٍ مرسلٍ للعبادي[/poem]
[align=center]الدجيما[/align]
| 
|
09-02-2004, 10:53 AM
المواضيع المتشابهه
العرض العادي
