يامن تعوض اللي يحافظ على الفرض = تعوضني عن قرب عايض وعواض

[لاطامت العايل]

[poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
انا اللذي راسي من السود مبيض = وسوالفي معها طويلات واعراض
وش فايدة تعذيب رجلي على الركض = لا صار حظي معرض ن عني اعراض
يامن تعوض اللي يحافظ على الفرض = تعوضني عن قرب عايض وعواض
من عظمتك حطيت وجهي على الارض = ودينك علاج القلب من كل الامراض
تبني جدار ن كل مبنيه ينقض = وتزيح هم ن كل ما زاد ما غاض
من لامني اليا بغى النوم غمض = وانا انقل همومي من القاض للقاض
ايديننا ما تملك الفتل والنقض = ولا تملك احضوض ن مع الناس الاحضاض
يا ما قطعنا البيد بالطول والعرض = ويا ما مشينا مع سنافي وخواض
ما فيه زبده غير تاتي بعد خض = والسيل ما يجرح ليا صار ما فاض
ومن جالس المرضان لابد يمرض = ومن جالس اهل الطيب بالطيب ينعاض[/poem]

[نايف تراحيب]

يا سلام يا سلام ،

صح لسسآنك يابعدي مليون ولا تكفي بعد ،

لكن الوكآد اسمك الله لا يهينك للتوثيق فقط واذا يسبب لك إشكآل ارسله لي على الخآص ،

اكرر الإعجاب بهذه الرائعه مره اخرى ،

احترامي وتقديري


/


،

[وجودك يكفي]

صح لسانك وبيض الله وجهك على القصيده الرائعه والجزله

احترامي

[لاطامت العايل]

صحت ابدانكم

اخوكم محمد مطلق العتيبي