ودي اكون شاعره؟؟؟؟؟؟؟؟

[الفــ*ريم*ــلا]

اخواني الشعراء هل الشعر موهبه القصيده تجي براسك كامله
ولا انت.........؟؟؟
>>>ماادري وش اقول......
المهم كيف اكون شاعره
فيه كتب اواساسيات تساعدكم اثنا كتابة القصيد

من ليديه مساعده فليتكرم بها
وشكرا

[عبدالله المرشدي]

هلابك اختي

وان شا الله تكوني شاعره

مايحتاج كتب

اقري من قصائد الاعضاء

واذا طرالك فكره براسك رتبيها وغنيها

دوري اي قصيده واكتبي على قافيتها ووزنها بكلمات مختلفه وغنيها

لين تظبط معك

وياهلابك

[الفــ*ريم*ــلا]

مشكوراخوي عبدالله المرشدي

وان شا الله تكوني شاعره

[align=center]والله يقبل منك وعن قريب ان شاءالله تشوف محاولاتي في الشعر
دمت بخير[/align]

[إبن ثعلي]

جربي حظك ياريم الفلا الشعر سهل يقول الشمري ماغيركلام يبغى من يقوطره
تحياتي

[ذيب الينوفي]

تبين تصيرين شاعره


اقري قصايد عبد الله مرزوق

[الذويبي العتيبي]

اختي ريم الفلا

والله الشباب عطوا رايهم وحقيقه شعر عبدالله

لايعلا عليه 0

ولكن في الاصل الشعر موهبه 0 ويحدث للانسان الموهوب

بعض المواقف يعبرعنها بكلمات مرتبه ومقفاه 0

ومو شرط الشعر يكون مقفا بل هناك النثر 0 وهناك الفصيح

والنثر جميل كبدايه يعبر بها الشخص عن الم مر به او جرح

بداخله من قريب او حزن شديد وهو بمثابة الترويح عن النفس 0

اما الشعر الموزون فله بحور واعذب مايكون المغنى الذي

يستطيع الانسان ان يطلقه على لسانه بسلاسه ويشعر انه

ملائم لحركة اللسان 0

اسمحي لي فقد اطلت ولكن للفائده ودمتم بخير

[الفــ*ريم*ــلا]

جربي حظك ياريم الفلا الشعر سهل يقول الشمري ماغيركلام يبغى من يقوطره تحياتي

[align=center]اخي إبن ثعلي
مشكوور ومافهمت يقوطره هل هي يرتبه[/align] align][/align]

تبين تصيرين شاعره اقري قصايد عبد الله مرزوق

[align=center]
اخي كنز المشاعر
شكرا على المساعده
توهتني بعبدالله مرزوق واخيرا بعد البحث طلع
شاعرنا المميز عبالله المرشدي[/align]

واعذب مايكون المغنى الذي يستطيع الانسان ان يطلقه على لسانه بسلاسه ويشعر انه ملائم لحركة اللسان اسمحي لي فقد اطلت ولكن للفائده ودمتم بخير

[align=center]اخي الذويبي العتيبي
لك الشكر افادني كلامك وفعلا اعذب الشعر المغنى
قصيدتي التي كتبتها الفضل لله اولا ثم انتم
ودمتم بخير[/align]

[مشاعر حالمه]

ريم الفلا

:)

ليش الحين ماتطرحين لنا أي شي من كتاباتج واحنا نعلّمج شلون تصيرين

شاعره :)

لأنه اكيد في طرحج اللي راح تكتبينه موجوده الفكره ..

وراح نحطّ لها وزن وقافيه ..

وراح نقول لج مثلاً غنّيها على لحن

ريميةٍ مامثلها ريمية

الزين نجدي والدلع شرقاوي

لو تلاحظين وانتي تغنّين بسرعه مافيه توقّف

عاد انتي وابياتج اللي راح تكتبينها لازم تكون بدون توقّف لأنج اذا توقّفتي

أو غرّزتي راح تعتبر أبيات ثقيله وفيها خلل :)

مادري أحس اني قمت اتفلسف هع

المهم يالغاليه مختصر الكلام اعرضي علينا شي من كتاباتج واحنا نوضّح لج كل شي :)

تحيتي لج يالشاعره :)

اختج / مشاعر حالمه

[الصــ*عنود*ــيد]

واااااااااااااااااااااااااااااااو

الموضوع جداً نايس

وانا مثل ريم

وكلامك مشاعر حالمه جداً رائع

انا كانت لي محاولات
ولكن دائما ماينقدوني وعلى طول احس بالتحطيم واتوقف يمكن هذا عيبي
اني على طول اتوقف
ويمكن لان اسلوب النقد كان جارح شوي
ويمكن ماتحملت احد يسخر من كتاباتي


مشاعر كلامك جداً رائع احييك للمره الثانيه




تحياتي لكاتبة الموضوع

[ابن مسلم]

ريم الفلا

كلام مشاعر حالمه عين الصواب

وللإحاطه ترى فالمنتدى هذا مدرستين شعريتين

الآولى للرجال / يديرها عبدالله المرشدي

والثانيه نسائيه / تديرها مشاعر حالمه

ولايهونون البقيه